Jɔɔŋ 8:12 - WƖA TENIŊ

¹² Ŋɩɩ nɛ Yesu bɩra suomi a dɩdagɛ nɩaa, a bʋla pɩba, “Mɩ nɛ ŋaa dʋnɩa nɩaa pʋlʋmʋŋ, nɩɩ-la kala sɩ tomi, ʋ bɩ jaŋ vɛŋ birimiŋ tʋɔŋ. Ama ʋ jaŋ kɛŋ pʋlʋŋ sɩɩ pɩ nɩaa mɩɩsɩŋ.”

Jɔɔŋ 8:12 ပူးပေါင်းရင်းမြစ်များ

JOB 33:28

Ʋ laamɛ ta nɛ, mɩ bɩ sʋʋŋ bʋa jʋa. Mɩ jaŋ hɛ nɩmɛ a nɩɩ pʋlʋmʋŋ sɩma.’

WƖA YƖƖLAA 18:28

Mɩ Tɩɩna, ŋ leŋe mɩ chaanɩŋ chol nɛ a didii, mɩ Wɩa leŋe biriŋ-la tʋɔŋ mɩ sɩ hɛ bɩrɩmɛ pʋlʋmʋŋ nɛ.

WƖA YƖƖLAA 49:19

Ama ʋ jaŋ mʋ lɛlɛɛ-jaŋ ʋ naabalɩmaba teeŋ, ʋ bɩra bɩ jaŋ na pʋlʋmʋŋ dʋnɩa deeŋ lɛ.

WƖA YƖƖLAA 97:11

Wɩa pʋlʋmʋŋ chaana hɛ tʋɔpʋl tɩŋŋaa lɛ nɛ, a ŋaa nɩalɩŋ wʋŋaalaa sɩ tʋʋla ma tʋɔŋ tɔrɛ.

AZAAYA 49:6

La TƖƖNA bɩra sɩ, “Ŋ bɩ jaŋ ŋaa mɩ tɩntɩnnʋ, a kɛŋ Iziral doho doho-la dʋndʋŋ mɩɩra kɔ mɩ teeŋ Jekɔb doho nɩkaana-la sɩ bɩ sʋba, ama mɩ ha jaŋ leŋ dɩ ŋ nɛ ŋaa nɩalɩŋ sɩ bɩ Juu tɩŋŋaa ŋaa ma pʋlʋmʋŋ, dɩ mɩ laatanɩŋ wuo yi dʋnɩa sɛmɛ na-kala.”

AZAAYA 50:10

Ma nɩalɩŋ kala sɩɩ zil La TƖƖNA, a sɛɩ wɩalɩŋ kala ʋ tɩntɩnna sɩ bʋla, dɩ ma nɩɩ vɛŋ birimiŋ lim tʋɔŋ a bɩ nyiniŋ kɛnɛ ma, má laa La TƖƖNA dii, a bibeŋ ma Wɩa lɛ.

AZAAYA 9:2

Nɩalɩŋ sɩɩ vɛŋ birimiŋ tʋɔŋ na pʋlʋŋ-bal nɛ. Tintee-la nɩaa fa sɩ hɛ birimiŋ lim tʋɔŋ, pʋlʋmʋŋ lɛɛlɛ chaanaa hɛ ba lɛ nɛ.

HOSIA 6:3

Má leŋ dɩ la jɩŋ La TƖƖNA. Má leŋ la hɛ doluŋ aŋ jɩmʋ. Ʋ jaŋ kʋ lɩɩ, a nagɛ wɩɩpɔsʋŋ sɩ yie pɔsɛ. Ʋ jaŋ kɔ la teeŋ a nagɛ tafaaŋ duonuŋ, a nagɛ yɩ-biiniŋ duonuŋ sɩ yie nɩɩ ŋɩɩ leriŋ fɩɛlɛ.”

MALAKAƖ 4:2

Ama, ma nɩalɩŋ sɩɩ zilmi, mɩ doluŋ jaŋ hɛ ma lɛ a nagɛ wɩɩpɔsʋŋ dɩ ma duori. Ma jaŋ lɩɩ fɩla jʋɔsɛ a nagɛ ba sɩ kɛŋ nɛ-biiriŋ suro ta ba lɩɩ jʋjʋɔsɛ.

Matiu 5:14

Ma nagɛ chaanɩŋ nɛ dʋnɩa nɩaa kala teeŋ. Taŋ kala sɩ chɩŋ peeliŋ nyuŋ, ʋ bɩ wuo faa.

Luuk 2:32

Bie deeŋ jaŋ nagɛ pʋlʋmʋŋ a dagɛ nɩalɩŋ sɩ bɩ Juu tɩŋŋaa ŋaa wombiiŋ, ka dɩ ŋ nɩaa Iziral tɩŋŋaa ma na.”

Jɔɔŋ 12:35

Ŋɩɩ nɛ Yesu bʋla pɩ nɩalɩŋ, “Pʋlʋŋ-la sɩ hɛ ma teeŋ, ʋ bɩ jaŋ dieni. Pʋlʋŋ-la ha sɩ hɛ nɩmɛ ŋɩɩ, má vɛŋ pʋlʋŋ-la lɛ, dɩ birimiŋ sí ma tɔ. Nɩɩ-la sɩɩ vɛŋ birimiŋ tʋɔŋ bɩ jɩŋ lee-la ʋ sɩɩ mʋ.

Jɔɔŋ 12:36

Pʋlʋŋ-la sɩ hɛ ma teeŋ ŋɩɩ, má laa ʋ wɩaa dii. Dɩ ma nɛ ŋaa ŋɩɩ, ma ma jaŋ kɛŋ pʋlʋmʋŋ a ma chaanɛ.” Yesu sɩ bʋl wɩaa deemba dɛrɛ, ʋ lɩɩ a kɛŋ ʋ tɩtɩa faa dɩ ba sɩ́ ʋ na.

Jɔɔŋ 12:46

Mɩ kʋ tuu dʋnɩa dɩ mɩ ŋaa dʋnɩa pʋlʋmʋŋ nɛ a chaanɛ. Nɩɩ-la kala sɩ laa mɩ wɩaa dii bɩra bɩ jaŋ hɛ birimiŋ tʋɔŋ.

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 3:19

Wɩɩ-la sɩ tɩɩ Wɩa dii dʋnɩa nɩaa sarɩya a joŋ cheeriŋ pɩba nɛ ŋ-la: Pʋlʋmʋŋ kʋ tuu dʋnɩa nɛ, ama nɩaa cho birimiŋ nɛ a kɩɩ pʋlʋŋ-la, bɛɛ wɩaa baa ŋaa wʋbɔŋŋɔɔ nɛ.

Jɔɔŋ 7:17

Nɩɩ-la kala sɩɩ chɛ dɩ ʋ ŋaa wɩɩ-la Wɩa sɩ cho, ʋ jaŋ wuo jɩŋ arɩ wɩalɩŋ mɩ sɩɩ dagʋ lɩɩ Wɩa teeŋ nɛ koo mɩ tɩtɩa doluŋ lɛ nɛ.

Jɔɔŋ 9:5

Mɩ ha sɩ hɛ dʋnɩa lɛ ŋɩɩ, mɩ nɛ ŋaa dʋnɩa nɩaa pʋlʋmʋŋ.”

Tɩntɩŋŋaa 13:47

Wɩa nɛ bʋla pɩla dɩ la ŋaa ŋɩɩ. Ʋ bʋl wɩɩŋ deeŋ Wɩa teniŋ sɛmɛ dɔŋɔ. Ʋ sɩ, ‘Mɩ nɛ lɩɩsɩŋ dɩ ŋ ŋaa nɩalɩŋ sɩ bɩ Juu tɩŋŋaa ŋaa pʋlʋmʋŋ. Ŋ jaŋ bʋl Wɩa niiŋ wɩaa dʋnɩa sɛmɛ-na kala, dɩ Wɩa laa nɩalɩŋ ta.’ ”

Tɩntɩŋŋaa 26:23

Ba fa bʋla arɩ Kirisito jaŋ na hɛɛŋ a sʋʋ, a laa sɩpaaŋ a sii sʋʋŋ lɛ nɩalɩŋ sɩ sʋba kala tʋɔŋ. Ba bɩra bʋla pɩ Juu tɩŋŋaa arɩ nɩalɩŋ sɩ bɩ Juu tɩŋŋaa ma ŋaa ŋɩɩ ba sɩ jaŋ to a na pʋlʋmʋŋ.”

2 Pɩɩta 2:17

Wʋnyɩɛrɩ kerichi deemba nagɛ lɩɩ-bulo sɩ hɩla nɛ. Ba bɩra nagɛ duonuŋ sɩ tɩna, aŋ ka peliŋ ŋaa kiri ʋ bɩ nɩa nɛ. Nɩaa deemba, Wɩa jaŋ jomba hɛ biriŋ lim tʋɔŋ.

2 Pɩɩta 2:4

Bumbuŋ kala nɛ Wɩa tɩndaaraa dɔnsʋŋ fa ŋaa wʋbɔŋŋɔɔ. Ba sɩ ŋaa ŋɩɩ, Wɩa bɩ ba leŋe pɛɩ. Ʋ kɛsɛba a jomba yuo hɛ Wɩa-nyiniŋ tʋɔŋ. Ba kɛŋ chɔrʋmɔɔ vɔɔba a leŋ ba pɩŋ birimiŋ tʋɔŋ. Ba jaŋ hɛ nɩmɛ a kaa mʋ yi tapʋlɩɩ-la Wɩa sɩ jaŋ dii dʋnɩa nɩaa sarɩya.

1 Jɔɔŋ 1:6

Dɩ la nɛ sɩ la dɩ ʋ kɛŋ nii-bala aŋ ka laa ŋaa birimiŋ tʋɔŋ wɩaa, laa nyɩɛ nɛ. La wʋŋaalaa arɩ la wʋbʋlaa kala bɩ wʋtɩtɩɩ kɛnɛ.

Juud 1:13

Nɩaa deemba nagɛ lɩɩ-peliŋ sɩ dolie nɛ. Ba hɩɩsɩ wɩalɩŋ ma nagɛ disiniŋ lɩɩ-peliŋ sɩ kaa kʋ lɩɩ ta lɩɩŋ niiŋ. Ba nagɛ chɛnwʋlaa sɩ churo nɛ a mʋ jʋʋ sɛmɛ dɔŋɔ birimiŋ tʋɔŋ lim. Ba jaŋ hɛ nɩmɛ a kaa mʋ wuu.

Juud 1:6

Má sɩ́ yʋ arɩ Wɩa dɔgɩsɛ ʋ tɩndaaraa ma nɛ. Ba fa kɛŋ doluŋ nɛ a bibeŋ leree, ama ba vɩa lere-la ba sɩ hɛ nɛ. Ŋɩɩ nɛ Wɩa kɛmba hɛ chɔrʋmɔɔ a bil birimiŋ tʋɔŋ lim. Ba jaŋ hɛ nɩmɛ a kaa mʋ wuu, see dɩ tapʋlɩɩ-la Wɩa sɩ jaŋ dii nɩaa sarɩya kʋ yi.

Jɔɔŋ Wʋnaalaa 21:24

Ʋ pʋlʋmʋŋ lɛ nɛ dʋnɩa nɩaa kala jaŋ vɛŋ. Dʋnɩa kuoroo kala jaŋ kɛŋ ba dʋa kaa jʋʋ nɩmɛ.