Jɔɔŋ 7:7 - WƖA TENIŊ

⁷ Dʋnɩa nɩaa bɩ ma bɛrɛ, ama ba bɛrɛ mɩ-na nɛ, bɛɛ wɩaa mɩ vɛnɛ bʋla pɩpɩba arɩ baa ŋaa wʋbɔŋŋɔɔ nɛ.

Jɔɔŋ 7:7 ပူးပေါင်းရင်းမြစ်များ

1 KUOROO 21:20

Ahab na Ɩlaaja a bʋl, “Mɩ nɛ ŋ kɛŋ ŋ-la mɩ dʋndɔŋ.” Ɩlaaja bʋl, “Oo mɩ kɛnɩŋ nɛ, a tɩŋ ŋ sɩ ŋaa wʋbɔmɔ-la La TƖƖNA sɩɩŋ lɛ.

1 KUOROO 22:8

Iziral kuoro Ahab bʋla pɩ Jehosafat, “Nʋʋ dɔŋ ha hɛ nɩmɛ la sɩ jaŋ wuo to ʋ lɛ a pɩɛsɛ La TƖƖNA na. Ʋ yɩrɩŋ nɛ Mɩkaaya, a ŋaa Imila nanʋala. Ama mɩ bɛrʋ nɛ, bɛɛ wɩaa ʋ ha bɩ wʋzɔŋ kala bʋla pɩmɛ Wɩa doluŋ lɛ, see wʋbɔŋ.” Ŋɩɩ nɛ Jehosafat bʋl, “Kuoro, sɩ́ ŋɩɩ bʋl.”

WƖA YƖƖLAA 109:5

Ba joŋ wʋbɔŋŋɔɔ nɛ a tiŋ wʋzɔŋŋɔɔ chɩmɩŋ mɩ lɛ. Mɩ-na cho ba nɛ, ka ba bɛrɛmɛ.

NAMAGABA 15:12

Babii-balɩŋ bɩ sɛɩ dɩ ba kɛnʋ tʋrɛ, ʋ bɩ jaŋ pɩɛsɛ wʋjɩnna dɩ ʋ dagʋ.

NAMAGABA 8:36

Ama nɩɩ-la kala sɩ vɩa dɩ ʋ chɛmɛ, ʋ dɔgɩsɛ ʋ tɩtɩa nɛ. Nɩalɩŋ sɩ bɛrɩmɛ cho sʋʋŋ nɛ.”

AZAAYA 29:21

a pɛ nɩalɩŋ sɩɩ chei nɩaa yɩrɩŋ lɛ, nɩalɩŋ sɩ pɔ dɩ ba sɩ́ wʋcheeree dɔgʋsʋ aŋ yie nyɩɛ wɩaa sarɩya dɩ-diiliŋ a pɔ dɩ nɩalɩŋ sɩ bɩ wɩɩ cheye sɩ́ kʋsɩŋŋaa laa.

AZAAYA 49:7

Iziral tɩŋŋaa, Wɩa sɩ bɩ disiniŋ kɛnɛ, a ŋaa ba laataara bʋla pɩ nɩɩ-la Iziral tɩŋŋaa sɩ bɩ ʋ wʋŋaalaa cho a bɛrɛ, a ŋaa kuoroo tɩntɩnnʋ: “Kuoroo jaŋ naŋ a sii chɩŋ, dɩ kuori-biiriŋ ma naŋ a tuu kpirimi. Wɩaa deemba kala jaŋ ŋaa, bɛɛ wɩaa mɩ-na ma TƖƖNA Iziral tɩŋŋaa Wɩa sɩ bɩ disiniŋ kɛnɛ sɩ lɩɩsɛ mɩ tɩntɩnna, kɛŋ wʋtɩtɩɩ nɛ.”

JƐRƖMAAYA 20:8

Dɩ mɩ nɛ bʋl wɩaa bʋa na-kala, mɩ yie yel nɛ a heele bʋbʋl doluŋ sɩ diila arɩ cheeriŋ sɩ puula. La TƖƖNA niiŋ wɩaa joŋ joŋŋoo arɩ hɩɩsɩŋ nɛ a hɩhɛ mɩ lɛ tapʋlɩɩ kala.

LEVI DOHO NƖAA 13:10

Wɩɩsʋllɩ sɩpaalaara maga dɩ ʋ benu, dɩ ʋ nɛ na tɩɩna yaraa lee ŋmɛrɛ aŋ pʋllɛ a mirisi, ka dɩ pʋna-la sɩ hɛ lee-la ma pʋllɛ,

ZƐKARƖYA 11:8

Mɩ kiri pie-daaraa batori chɛŋ bala tʋɔŋ. Piese-la bɛrɛmɛ, mɩ lɔl ba wɩaa

MALAKAƖ 3:5

La TƖƖNA doluŋ kala Tɩɩna sɩ, “Mɩ jaŋ kɔ a guu dii ma sarɩya. Mɩ jaŋ guu dagɛ nɩaa deemba wʋcheelee. Nɩalɩŋ sɩɩ ŋaa chichiribi wɩaa, nɩalɩŋ sɩɩ ŋaa wʋlɩɩlɩŋ, nɩalɩŋ sɩɩ nyɩɛ wɩaa sarɩya dɩ-diiliŋ arɩ nɩalɩŋ sɩɩ gʋrɛ ba tɩntɩnnaa, nɩalɩŋ sɩɩ dɔgɩsɛ yo-haalaa arɩ biisinsiŋ koo a gʋgʋrɛ nɩwogusuŋ. Nɩaa deemba kala bɩ mɩ ka fá.

Luuk 6:26

Dɩ nɩaa kala nɩɩ bɛsɛ ma lɛ, ma ma jaŋ na hɛɛŋ, bɛɛ wɩaa la naabalɩmaba Juu tɩŋŋaa ma bɛsɛ nɩalɩŋ fa sɩ nyɩɛ wɩaa arɩ ba ŋaa Wɩa wʋlaabʋllaa lɛ nɛ.”

Jɔɔŋ 17:14

Mɩ bʋl ŋ niiŋ wɩaa pɩba nɛ, ŋɩɩ nɛ dʋnɩa nɩaa bɛrɛba, bɛɛ wɩaa ba dɩ dʋnɩa nɩaa bɩ kʋbala ŋaa, arɩ mɩ dɩ dʋnɩa nɩaa sɩ bɩ kʋbala ŋaa ŋɩɩ.

Jɔɔŋ 3:19

Wɩɩ-la sɩ tɩɩ Wɩa dii dʋnɩa nɩaa sarɩya a joŋ cheeriŋ pɩba nɛ ŋ-la: Pʋlʋmʋŋ kʋ tuu dʋnɩa nɛ, ama nɩaa cho birimiŋ nɛ a kɩɩ pʋlʋŋ-la, bɛɛ wɩaa baa ŋaa wʋbɔŋŋɔɔ nɛ.

Rom Tɩŋŋaa 8:7

bɛɛ wɩaa dɩ nʋʋ nɛ joŋ ʋ nyuŋ kala a hɛ ʋ yaraa doluŋ lɛ, ʋ ŋaa Wɩa dʋndɔŋ nɛ. Ʋ bɩ chɛ dɩ ʋ to wɩalɩŋ Wɩa sɩ daga, ʋ paala bɩ wuo to.

Galiisia Nɩaa 4:16

Mɩ lɛɛlɛ ŋaa ma dʋndɔŋ nɛ, a tɩŋ mɩ sɩ bʋl wʋtɩtɩɩ-la pɩmaa?

Jeems 4:4

Ma nagɛ haala bɩra sɩ bɩ ʋ bala niiŋ ka to nɛ. Ma bɩ jɩŋ arɩ nɩɩ-la kala sɩ joŋ ʋ nyuŋ kala hɛ dʋnɩa kɩaa lɛ ŋaa Wɩa dʋndɔŋ nɛɛ? Wʋtɩtɩɩ, nɩɩ-la kala sɩ joŋ ʋ nyuŋ hɛ dʋnɩa kɩaa lɛ bɩrɩmɛ Wɩa dʋndɔŋ nɛ.

1 Jɔɔŋ 4:5

Nɩalɩŋ sɩ nyɩɛ wɩaa arɩ ba ŋaa Wɩa wʋlaabʋllaa nɛ, ba hɛ dʋnɩa nɩsɩŋ lɛ nɛ a bʋbʋl dʋnɩa wɩaa. Ŋɩɩ nɛ tɩɩ dʋnɩa nɩaa jegilee nɩɩ ba teeŋ.