Jɔɔŋ 7:51 - WƖA TENIŊ

⁵¹ Ŋɩɩ nɛ ʋ bʋla pɩba, “La kɩsɩŋ nɛ dɩ la joŋ cheeriŋ a pɩ nʋʋ dɩ ʋ nɛ ŋaa wɩɩ, see dɩ la laa sɩpaaŋ nɩɩ tɩɩna niiŋ, a jɩŋ wɩɩ-la ʋ sɩ ŋaa.”

Jɔɔŋ 7:51 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 23:1

Má pɔ ma sɩ́ wɩaa gɔllɔ nyɩnyɩa, má sɩ́ laa bʋla pɛ nɩɩ-la kɩaa sɩ bɩ sɩŋ lɛ.

NAMAGABA 18:13

Nɩɩ-la sɩ bɩ wɩɩŋ nɩa aŋ dɩdagɛ ʋ bʋbʋɔŋ ŋaa nɩyaarɩ nɛ, hɩɩsɩŋ jaŋ diiu.

NAMBABA 35:30

Dɩ nʋʋ nɛ kpʋ ʋ dɔŋ, ʋ maga dɩ nɩaa yi balɩa nɛ a pɛ na arɩ wʋtɩtɩɩ nɛ, ka dɩ ba-na kpʋʋ. Nɩbala dʋndʋŋ bɩ jaŋ wuo na wɩɩ dɩ ba tɩŋ ŋɩɩ wɩaa a kpʋ nʋʋ.

Tɩntɩŋŋaa 23:3

Ŋɩɩ nɛ Pɔɔl ma bʋla pʋ, “Ŋ lɔrɔ nagɛ jeeŋ sɩ yɛrɛ, ka ba ŋaa tʋɔrʋŋ bʋgɛ nɛ dɩ nɩaa sɩ́ na. Wɩa ma jaŋ ŋmobuŋ ŋɩɩ. Ŋ hɔnɔ dɩ ŋ to wɩalɩŋ ba sɩ ŋmʋnsa bil dɩ la tuto nɛ a didiimi sarɩya, aŋ ka ŋ bʋl dɩ ba ŋmoomi a chei wɩalɩŋ ŋɩɩ.”

MOSIS BƖRA WULLI WƖA WOMBIIŊ 1:17

Má dii nʋʋkala sarɩya ʋ bʋa lɛ, má sɩ́ nʋʋkala sɩɩŋ fá, bɛɛ wɩaa wɩalɩŋ kala ma sɩɩ bʋl Wɩa nɛ dagɛma. Wɩɩ-la kala sɩ dolie kɩɩma, má kaa kɔ mɩ teeŋ.

MOSIS BƖRA WULLI WƖA WOMBIIŊ 17:6

Dɩ nɩaa balɩa koo batori nɛ pɛ na wɩɩ arɩ ʋ ŋaa wʋtɩtɩɩ nɛ, ma jaŋ wuo kpʋ nɩa. Ama ma bɩ jaŋ wuo kpʋ nʋʋ dɩ nɩbala dʋndʋŋ nɛ pɛ na.