Jɔɔŋ 7:45 - WƖA TENIŊ

⁴⁵ Ŋɩɩ nɛ nɩalɩŋ sɩɩ pɔ Wɩa dɩɩ-bal-la ba sɩ tɩma dɩ ba mʋ kɛŋ Yesu mɩɩra mʋ Farisii tɩŋŋaa arɩ Wɩɩsʋllɩ sɩpaalaaraa kʋhɩasɩŋ teeŋ arɩ na-hɩllɩŋ. Ba pɩɛsɛba, “Bɛɛ nɛ tɩɩ ma bɩ ʋ kaa kɔ?”

Jɔɔŋ 7:45 ပူးပေါင်းရင်းမြစ်များ

Matiu 26:58

Pɩɩta daa tuto ba harɩŋ a to jʋʋ Wɩɩsʋllɩ sɩpaalaaraa kʋhɩaŋ kaala. Ʋ jʋʋ kaala-la a mʋ hɔŋ nɩalɩŋ sɩɩ pɔ kaala-la teeŋ dɩ ʋ na wɩɩ-la sɩ jaŋ ŋaa Yesu lɛ.

Jɔɔŋ 11:46

Ama dɔnsʋŋ ma mɩɩra mʋ bʋla pɩ Farisii tɩŋŋaa wɩɩ-la Yesu sɩ ŋaa.

Jɔɔŋ 11:47

Ŋɩɩ nɛ Farisii tɩmma-la arɩ Wɩɩsʋllɩ sɩpaalaaraa kʋhɩasɩŋ arɩ nɩaa dɔnsʋŋ sɩ yie hilime vʋvʋʋrɛ wɩaa bʋl, “Bɛɛ nɛ la jaŋ ŋaa? Má na wʋmagɩla-la kala baala deeŋ sɩɩ ŋaa nɛ.

Jɔɔŋ 7:32

Farisii tɩŋŋaa sɩ nɩa dɩ nɩ-daŋ-la munso bʋbʋl Yesu wɩaa ŋɩɩ, ŋɩɩ nɛ ba dɩ Wɩɩsʋllɩ sɩpaalaaraa kʋhɩasɩŋ tɩŋ nɩalɩŋ sɩɩ pɔ Wɩa dɩɩ-balɩŋ dɩ ba mʋ kɛŋ Yesu.

Jɔɔŋ 9:22

Baal-la nyɩmma arɩ ʋ naaŋ faa fá Juu tɩmma-la nɛ. Ŋɩɩ nɛ tɩɩ ba bʋl ŋɩɩ. Juu tɩmma-la fa sɩ dɩ nɩɩ-la kala sɩ bʋla arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ba jaŋ kiru ba Wɩɩchʋɔlɛ dɩa lɛ.