43 Ŋɩɩ nɛ nɩalɩŋ pɔrɛ dɔŋɔ lɛ a tɩŋ Yesu wɩaa.
Mɩ kɔ dɩ nɩaa pɔrɛ dɔŋɔ lɛ nɛ. Bie jaŋ kɛŋ ʋ nyɩmma dɩ ba yuo dɔŋɔ. Tolo ma jaŋ kɛŋ ʋ naaŋ dɩ ba yuyuo dɔŋɔ. Bii-haala ma jaŋ kɛŋ ʋ bala naaŋ dɩ ba yuyuo dɔŋɔ.
Ma bɩɩna mɩ kɛŋ fɩɛlɩŋ nɛ kaa kɔ dɩ mɩ pɩ dʋnɩa? Aɩ. Mɩ paala kɔ dɩ mɩ ŋaa dɩ nɩaa pɔrɛ dɔŋɔ lɛ nɛ.
Yesu sɩ bʋl wɩaa deemba, Juu tɩmma-la bɩra kpaa balɩa.
Ŋɩɩ nɛ nɩalɩŋ sɩ hɛ gbiele-la leriŋ jesiŋ suomo munso bʋbʋl Yesu wɩaa. Dɔnsʋŋ sɩ, “Ʋ ŋaa nɩzɔŋ nɛ.” Dɔnsʋŋ ma bɩ sɛyɛ aŋ bʋl, “Ʋʋ nyɩsɛ nɩaa nɛ.”
Ŋɩɩ nɛ Farisii tɩŋŋaa dɔnsʋŋ bʋl, “Wɩa dee bɩ baala deeŋ tɩma, bɛɛ wɩaa ʋ bɩ la chɛ-wiesii-la kɩsɩŋ lɛ ka to.” Ŋɩɩ nɛ dɔnsʋŋ ma sɩ, “Ɛɛ nɛ nʋʋ sɩ ŋaa wʋbɔŋ ŋaarʋ jaŋ wuo ŋaa wʋmagɩlaa deemba?” Ŋɩɩ nɛ ba kpaa balɩa.
Nɩalɩŋ fa sɩ hɛ tabal-la lɛ kpaa balɩa. Dɔnsʋŋ tuto Juu tɩŋŋaa, dɔnsʋŋ ma tuto Yesu nanzɔɔba-la.
