Jɔɔŋ 7:39 - WƖA TENIŊ

³⁹ Yesu bʋl wɩaa deemba a tɩgɛ Wɩa Dɩŋ-zɔmʋŋ ʋ sɩ jaŋ joŋo hɛ nɩalɩŋ sɩ laa ʋ wɩaa dii lɛ nɛ. Bʋa-la lɛ dɩ ʋ ha bɩ Wɩa Dɩŋ-zɔŋ-la joŋo hɛ ba lɛ, bɛɛ wɩaa ʋ ha bɩ sʋʋŋ lɛ sie dɩ ʋ laa yɩrɩŋ.

Jɔɔŋ 7:39 ပူးပေါင်းရင်းမြစ်များ

WƖA YƖƖLAA 68:18

La Tɩɩna Wɩa, ŋ sɩɩ jɩl peel-la nyuŋ, ŋ pɛ kɛsɛ nɩalɩŋ ba sɩ yuo dii laalɩŋ lɛ nɛ, nɩaa pɩŋ zile kɩaa. Nɩalɩŋ sɩ paala bɩ ŋ niiŋ lɛ ka to ma pɩŋ zile kɩalɩŋ nɛ. Nɩmɛ nɛ ŋ jaŋ hɔŋ.

NAMAGABA 1:23

Dɩ ma nɛ fa jegile nɩɩ ŋɩɩ mɩ sɩ kpʋrɩsɛ ma dɩgɩlaa, mɩ fa jaŋ suri mɩ tʋɔŋ pɩma, a leŋ dɩ ma jɩŋ mɩ tʋɔbɩɩnaa.

AZAAYA 12:3

A nagɛ lɩɩnyʋasʋŋ sɩ yie kɛŋ nɩa ʋ nyʋa lɩɩzɔmʋŋ ʋ tʋɔŋ tɔrɛ ŋɩɩ, ŋɩɩ nɛ ma tʋɔŋ jaŋ tɔrɛ dɩ ʋ nɛ laama ta.

AZAAYA 32:15

a mʋ yi bʋa-la lɛ Wɩa sɩ jaŋ joŋ ʋ Dɩma a hɛ la lɛ, tintee-hɩlɩŋ jaŋ mɩɩra sɩŋ, dɩ bagɩsɩŋ kɩaa wasɛ woruŋ a lugi a nagɛ duuŋ.

AZAAYA 44:3

Mɩ jaŋ leŋ dɩ tintee-hɩlɩŋ vɔgɛ lɩɩŋ, dɩ fuonuŋ pɩŋ nɩmɛ. Mɩ jaŋ joŋ mɩ Dɩma a hɛ ma biiriŋ lɛ aŋ pɛ ma doho nɩaa lɛ.

JOWƐL 2:28

Ŋɩɩ harɩŋ, mɩ jaŋ joŋ mɩ Dɩma hɛ nʋʋkala lɛ. Ma hambolibiisiŋ arɩ ma hantolibiisiŋ jaŋ bʋbʋl wɩaa mɩ doluŋ lɛ, ma nɩhɩasɩŋ ma jaŋ duduosi duosoo, ma bapʋɔsaa ma jaŋ nɩna wɩaa a nagɛ duosoo tʋɔŋ.

Matiu 16:14

Ŋɩɩ nɛ ba bʋl, “Dɔnsʋŋ sɩ dɩ ŋ nɛ ŋaa Jɔɔŋ, Wɩa lɩɩ-fooru-la. Dɔnsʋŋ ma sɩ ŋ nɛ ŋaa Ɩlaaja. Dɔnsʋŋ ma sɩ ŋ nɛ ŋaa Jɛrɩmaaya, koo Wɩa wʋlaabʋllaa dɔŋɔ.”

Matiu 21:11

Nɩ-daŋ-la bʋl, “Yesu sɩ lɩɩ Nazarɛt sɩ hɛ Galilii tinteeŋ lɛ nɛ Wɩa wʋlaabʋllʋ-la.”

Luuk 24:49

Mɩ jaŋ leŋ dɩ kʋ-la mɩ Nyɩmma sɩ sɩ ʋ jaŋ joŋo pɩma kɔ ma teeŋ. Ama má gbɛrɛ Jerusalɛm lɛ, a kaa mʋ yi bʋa-la lɛ doluŋ sɩ jaŋ lɩɩ Wɩa teeŋ a kʋ tuu hɛ ma lɛ.”

Luuk 3:16

Ŋɩɩ nɛ Jɔɔŋ bʋla pɩba, “Mɩ dee. Lɩɩŋ dʋndʋŋa nɛ mɩ-na kaa foma. Ama nɩɩ-la sɩ jaŋ kɔ, ʋ nɛ jaŋ faasa kɛŋ doluŋ kɩɩmɛ. Mɩ paala bɩ maga dɩ mɩ kpagʋ a kɛŋ ʋ nɛntɛŋŋɛɛ ŋmɛsɩŋ ma kaa puri. Ʋ nɛ jaŋ joŋ Wɩa Dɩŋ-zɔmʋŋ hɛ ma dɔnsʋŋ lɛ aŋ joŋ nyiniŋ ma hɛ dɔnsʋŋ ma lɛ.

Luuk 7:16

Fawʋllʋŋ kɛŋ nʋʋkala. Ba dɛnnɛ Wɩa a bʋl, “Wɩa wʋlaabʋllaa tʋɔŋ nɩbal nɛ kɔ la teeŋ. Wɩa kɔ dɩ ʋ laa ʋ nɩaa ta nɛ.”

Jɔɔŋ 1:21

Ŋɩɩ nɛ ba bɩra pɩɛsʋ, “Kʋbɛɛ nɛ saa ŋ ŋaa? Ŋ nɛ ŋaa Ɩlaaja?” Ʋ bʋl, “Mɩ dee.” Ŋɩɩ nɛ ba bɩra pɩɛsʋ, “Ŋ nɛ ŋaa Wɩa wʋlaabʋllʋ-la la sɩɩ gbɛrʋ?” Ʋ bɩra bʋl, “Aɩ.”

Jɔɔŋ 1:25

Ŋɩɩ nɛ ba bɩra pɩɛsɛ Jɔɔŋ, “Ŋ dee bɩ Kirisito ŋaa, Nɩɩ-la Wɩa sɩ lɩɩsa, ŋ dee bɩ Ɩlaaja ma ŋaa, ŋ bɩra bɩ Wɩa wʋlaabʋllʋ ma ŋaa. Bɛɛ nɛ saa tɩɩ ŋ fufo nɩaa Wɩɩchʋɔlɛ lɩɩŋ?”

Jɔɔŋ 1:33

Mɩ ma tɩtɩa fa bɩ ʋ jɩŋ. Ama Wɩa sɩ tɩmmɛ dɩ mɩ fo nɩaa Wɩɩchʋɔlɛ lɩɩŋ, ʋ nɛ bʋla pɩmɛ, ‘Ŋ jaŋ na mɩ Dɩŋ-zɔmʋŋ dɩ ʋ kʋ tuu a hɛ nʋʋ lɛ, tɩɩna nɛ jaŋ joŋ mɩ Dɩŋ-zɔŋ-la a hɛ nɩaa lɛ.’ ”

Jɔɔŋ 12:16

Yesu harɩ-tooroo fa bɩ wɩɩ-la bʋbʋɔŋ jɩŋ, ama Yesu sɩ sʋba aŋ sii sʋʋŋ lɛ a laa yɩrɩŋ ŋɩɩ, bʋa-la lɛ nɛ ba liisi arɩ wɩalɩŋ ba sɩ ŋmʋnsa a tɩgɛ ʋ lɛ nɛ, ba sɛnɛ ŋaa ʋ lɛ ŋɩɩ.

Jɔɔŋ 12:23

Yesu bʋla pɩba, “Bʋa-la lɛɛlɛ kpaga nɛ dɩ mɩ-na Nuhuobiine Bie laa yɩrɩŋ.

Jɔɔŋ 14:13

Kʋŋ na-kala ma sɩ pɩɛsa chɩchɛ mɩ yɩrɩŋ lɛ, mɩ jaŋ joŋo pɩma. Mɩ jaŋ ŋaa ŋɩɩ dɩ nɩaa wuo to mɩ lɛ a leŋ dɩ mɩ Nyɩmma yɩrɩŋ yɩrɛ.

Jɔɔŋ 14:26

Ama mɩ Nyɩmma jaŋ leŋ dɩ ʋ Dɩŋ-zɔmʋŋ kʋ tuu a hɛ ma lɛ mɩ yɩrɩŋ lɛ. Ʋ jaŋ pɛ ma lɛ a wuo dagɛma wɩɩkala, a leŋ dɩ ma liisi wɩalɩŋ kala mɩ sɩ bʋla pɩma.

Jɔɔŋ 16:14

Ʋ jaŋ leŋ dɩ nɩaa yɩrɛ mɩ yɩrɩŋ, bɛɛ wɩaa wɩalɩŋ kala mɩ sɩ kɛnɛ mɩ bʋl, ʋ jaŋ kaa kʋ bʋla pɩma.

Jɔɔŋ 16:7

Ama wʋtɩtɩɩ nɛ mɩ bʋlaa pɩma ŋ-la: Mɩ sɩɩ mʋ ŋɩɩ, ʋ jaŋ zɔmɔ pɩma. Dɩ mɩ nɛ bɩ mʋa, Wɩa Dɩŋ-zɔmʋŋ sɩ jaŋ kɔ a pɛ ma lɛ bɩ jaŋ kɔ. Ama dɩ mɩ nɛ mʋa, mɩ jaŋ leŋ dɩ ʋ kɔ.

Jɔɔŋ 17:1

Yesu sɩ bʋl wɩaa deemba dɛrɛ, ʋ wʋla beŋ wɩa-nyuŋ aŋ chʋɔlɛ Wɩa a bʋl, “Mɩ Nyɩmma, bʋa-la yie nɛ. Leŋ dɩ mɩ-na ŋ Bie laa yɩrɩŋ, dɩ mɩ ma leŋ dɩ ŋ yɩrɩŋ yɩrɛ.

Jɔɔŋ 17:5

Oo, mɩ Nyɩmma, leŋ dɩ mɩ yɩrɩŋ yɩrɛ ŋ sɩpaaŋ lɛɛlɛ, yɩrɩ-la mɩ dɩŋ kala fa sɩ kɛnɛ, aŋ-na ŋaa dʋnɩa.

Jɔɔŋ 20:22

Ʋ sɩ bʋl ŋɩɩ dɛrɛ, ʋ wiese hɛ ba lɛ aŋ bʋl, “Má laa Wɩa Dɩŋ-zɔmʋŋ dɩ ʋ hɛ ma lɛ.

Jɔɔŋ 6:14

Nɩalɩŋ sɩ hɛ nɩmɛ a na Yesu sɩ ŋaa wʋmagɩlɩŋ deeŋ, ba bʋl, “Wʋtɩtɩɩ, baala deeŋ nɛ sɛnɛ ŋaa Wɩa wʋlaabʋllʋ-la ba sɩ sɩ ʋ jaŋ kɔ dʋnɩa.”

Jɔɔŋ 7:12

Ŋɩɩ nɛ nɩalɩŋ sɩ hɛ gbiele-la leriŋ jesiŋ suomo munso bʋbʋl Yesu wɩaa. Dɔnsʋŋ sɩ, “Ʋ ŋaa nɩzɔŋ nɛ.” Dɔnsʋŋ ma bɩ sɛyɛ aŋ bʋl, “Ʋʋ nyɩsɛ nɩaa nɛ.”

Jɔɔŋ 8:54

Ŋɩɩ nɛ Yesu bɩra bʋla pɩba, “Dɩ mɩ nɩɩ pɩ mɩ tɩtɩa yɩrɩŋ, yɩrɩ-la ŋaa yɩrɩ-pɛɩ nɛ. Mɩ Nyɩmma nɛ nɩɩ-la sɩɩ pɩmɛ yɩrɩŋ, nɩɩ-la ma sɩ sɩ ʋ ŋaa ma Wɩa nɛ.

Tɩntɩŋŋaa 19:2

Ŋɩɩ nɛ Pɔɔl pɩɛsɛba, “Wɩa joŋ ʋ Dɩŋ-zɔmʋŋ hɛ ma lɛ nɛɛ bʋa-la lɛ ma sɩ laa Yesu wɩaa dii?” Ŋɩɩ nɛ ba sɩ, “Aɩ, la ha bɩ Wɩa Dɩŋ-zɔmʋŋ wɩaa nɩa.”

Tɩntɩŋŋaa 2:17

‘Wɩa bʋla, ŋ-la nɛ mɩ jaŋ ŋaa tapʋlaa dɩdɛrɩŋ: Mɩ jaŋ joŋ mɩ Dɩŋ-zɔmʋŋ hɛ nʋʋkala lɛ. Ma hambolibiisiŋ arɩ ma toloo jaŋ bʋl wɩaa mɩ Dɩŋ-zɔmʋŋ doluŋ lɛ. Ma bapʋɔsɩ-biisiŋ ma jaŋ nɩna wɩaa a nagɛ duosoo tʋɔŋ. Ma banɩhɩasɩŋ ma jaŋ duduosi duosoo.

Tɩntɩŋŋaa 2:33

Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, a bɩra pʋ ʋ Dɩŋ-zɔmʋŋ arɩ ʋ fa sɩ bʋl ŋɩɩ. Dɩŋ-zɔmʋŋ deeŋ Yesu sɩ joŋo hɛ la lɛ jɩnɩŋ, ʋ nɛ wɩalɩŋ ma sɩɩ na a nɩnɩɩ ma.

Tɩntɩŋŋaa 2:38

Ŋɩɩ nɛ Pɩɩta bʋla pɩba, “Má bɩrɩma lɩɩ ma wʋbɔŋŋɔɔ lɛ, aŋ leŋ dɩ ba foma Wɩɩchʋɔlɛ lɩɩŋ Yesu Kirisito yɩrɩŋ lɛ, dɩ Wɩa joŋ ma wʋbɔŋŋɔɔ chɛma, aŋ joŋ ʋ Dɩŋ-zɔmʋŋ dii zile ma lɛ.

Tɩntɩŋŋaa 2:4

Ba sɩ togili nʋʋkala lɛ ŋɩɩ, Wɩa Dɩŋ-zɔmʋŋ hɛba kala lɛ, a pɩba doluŋ ba suomo bʋbʋl yikori dosunuŋ.

Tɩntɩŋŋaa 3:13

Wɩa-la sɩ ŋaa la naabalɩmaba Abɩraham arɩ Aɩzɩk arɩ Jekɔb Wɩa, ʋ nɛ joŋ yɩrɩ-balɩŋ a pɩ ʋ Bie Yesu. Ʋ nɛ ma kaa pa ba dii ʋ sarɩya, aŋ bʋl ma bɩ ʋ jɩŋ Paalɩt sarɩya diire-la sɩpaaŋ. Ʋ faa bɩɩnɛ dɩ ʋ joŋu ta, ka ma bɩ sɛyɛ.

Tɩntɩŋŋaa 4:31

Ba sɩ chʋɔlɛ Wɩa dɛrɛ, lee-la ba sɩ hilime zigili. Wɩa Dɩŋ-zɔmʋŋ kʋ hɛ ba kala lɛ. Ba suomo bʋbʋl Wɩa niiŋ wɩaa arɩ nyuduoŋ.

Rom Tɩŋŋaa 8:9

Ama Wɩa Dɩŋ-zɔŋ-la sɩ hɛ ma lɛ ŋɩɩ, ma-na bɩ ma yaraa wʋŋaalaa lɛ ka to, maa to wɩalɩŋ Wɩa Dɩŋ-zɔŋ-la sɩ daga nɛ. Dɩ Wɩa Dɩŋ-zɔŋ-la nɛ tuo nʋʋkala lɛ, tɩɩna bɩ Kirisito nʋʋ ŋaa.

2 Kɔrɩntɩ Nɩaa 3:8

ka Wɩa wʋzɔmɔ-la sɩ lɩɩ Wɩa Dɩŋ-zɔmʋŋ lɛ, ba tʋla kɩkɩɩ ŋɩɩ. Ba-na bɩ jaŋ lɛl.

Ɛfɛsɩs Nɩaa 4:30

Má sɩ́ leŋe dɩ Wɩa Dɩŋ-zɔmʋŋ tʋɔŋ chei. Ʋ nɛ Wɩa joŋo hɛ ma lɛ, ʋ ŋaa magɩlɩŋ ma lɛ a dagɛ arɩ Wɩa jaŋ laama ta tapʋlɩɩ-la Kirisito sɩ́ jaŋ mɩɩra kɔ.