Jɔɔŋ 7:38 - WƖA TENIŊ

³⁸ Nɩɩ-la kala sɩ laa mɩ wɩaa dii, ʋ jaŋ nagɛ lɩɩ-bulo ʋ tʋɔŋ lɛ a bubul, arɩ ba sɩ ŋmʋnsɛ ŋɩɩ Wɩa teniŋ tʋɔŋ.”

Jɔɔŋ 7:38 ပူးပေါင်းရင်းမြစ်များ

NAMAGABA 10:11

Tʋɔpʋl tɩŋŋaa wʋbʋlaa nagɛ lɩɩ-bulo sɩɩ pɩ nɩaa mɩɩsɩŋ nɛ, ama nɩbɔŋŋɔɔ-na yie kɛŋ wʋbɔmɔ-la ba sɩɩ chɛ dɩ ba ŋaa nɩaa lɛ a faa nɛ, ba bɩ baa bʋl.

NAMAGABA 18:4

Wʋjɩnna wʋbʋlʋŋ luŋie a nagɛ fuoŋ sɩ luŋie nɛ, ʋ lɩɩŋ fɩfɩɛlɛ yaraa a nagɛ lɩɩ-bulo.

AZAAYA 12:3

A nagɛ lɩɩnyʋasʋŋ sɩ yie kɛŋ nɩa ʋ nyʋa lɩɩzɔmʋŋ ʋ tʋɔŋ tɔrɛ ŋɩɩ, ŋɩɩ nɛ ma tʋɔŋ jaŋ tɔrɛ dɩ ʋ nɛ laama ta.

AZAAYA 35:6

Gbɛrɩgɛɛ jaŋ sii fɩla jʋjʋɔsɛ a nagɛ aamɩŋ, ka nɩalɩŋ ma sɩ bɩ wɩaa wuo bʋl jaŋ ŋaa goŋ arɩ tʋɔtɔrʋŋ. Lɩɩŋ jaŋ bul a lɩɩ tintee-hɩlɩŋ lɛ, dɩ fuonuŋ paala pɩŋ nɩmɛ.

AZAAYA 44:3

Mɩ jaŋ leŋ dɩ tintee-hɩlɩŋ vɔgɛ lɩɩŋ, dɩ fuonuŋ pɩŋ nɩmɛ. Mɩ jaŋ joŋ mɩ Dɩma a hɛ ma biiriŋ lɛ aŋ pɛ ma doho nɩaa lɛ.

AZAAYA 55:1

La TƖƖNA bɩra sɩ, “Ma nɩalɩŋ kala lɩɩnyʋasʋŋ sɩ kɛnɛ, má kʋ nyʋa lɩɩŋ. Ma nɩalɩŋ ma sɩ bɩ moribiee kɛnɛ, má kʋ dii kɩaa. Má kʋ nyʋa tɩɩnɛnɛɛ sɩnɩŋ arɩ nayɩlɩŋ, ma bɩ jaŋ tiŋ kʋŋkala.

AZAAYA 58:11

Mɩ-na ma TƖƖNA jaŋ pɔma bʋa na-kala lɛ. Mɩ jaŋ pɩma kʋzɔmɔ-la kala ma sɩɩ chɛ tintee-hɩlɩŋ lɛ, a leŋ dɩ ma kɛŋ doluŋ arɩ yarɩfɩɛlaa. Ma jaŋ nagɛ lɩga ba sɩɩ mɩsɛ lɩɩŋ bʋa na-kala, a bɩra nagɛ lɩɩ-bul sɩɩŋ sɩ bɩ kɛrɛ.

AZAAYA 59:21

La TƖƖNA bɩra sɩ, “Mɩ bil niiŋ nɛ mɩ dɩ ma pɛgɛ, mɩ joŋ mɩ Dɩma hɛ ma lɛ nɛ, a joŋ mɩ niiŋ wɩaa kala ma a hɛ ma niiree lɛ, wɩalɩŋ bɩ jaŋ lɛl ma niiree lɛ. Má joŋo dagɛ ma biiriŋ arɩ ma doho nɩaa kala sɩ jaŋ to harɩŋ kɔ dɩ wɩalɩŋ hɛ nɩmɛ a kaa mʋ wuu. Mɩ-na ma TƖƖNA nɛ bʋla.”

ZƐKARƖYA 14:8

Tapʋlɩɩ-la, lɩɩŋ sɩɩ pa mɩɩsɩŋ jaŋ pɛllɛ lɩɩ Jerusalɛm lɛ, kpaa magɛ dɔŋɔ jaŋ pɛllɛ mʋ wɩɩpɔsʋŋ dɩɩrɩŋ mʋgʋ-balɩŋ, dɩ kpaa magɛ dɔŋɔ ma pɛllɛ mʋ wɩɩjʋʋlʋŋ dɩɩrɩŋ mʋgʋ-balɩŋ, yibiiniŋ arɩ tafaaŋ kala.

Jɔɔŋ 4:10

Ŋɩɩ nɛ Yesu bʋla pʋ, “Dɩ ŋ nɛ fa jɩŋ kʋ-la Wɩa sɩ joŋo pɩ nɩaa, a fa jɩŋ nɩɩ-la sɩ sʋlʋŋ dɩ ŋ ŋaa lɩɩŋ pʋ dɩ ʋ nyʋa, ŋ fa jaŋ sʋlʋ dɩ ʋ pɩŋ lɩɩ-la sɩɩ pɩ nɩaa mɩɩsɩŋ.”

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Ɛfɛsɩs Nɩaa 5:9

Pʋlʋmʋŋ tʋɔŋ nɛ nɩaa ŋɩŋaa wʋzɔŋŋɔɔ, tʋɔpʋl wɩaa arɩ wʋtɩtɩɩba.

MOSIS BƖRA WULLI WƖA WOMBIIŊ 18:15

Ma TƖƖNA Wɩa jaŋ lɩɩsɛ nʋʋ ma naambiiriŋ tʋɔŋ a pɩma dɩ ʋ ŋaa ʋ wʋlaabʋlla a nagɛ mɩ-na Mosis. Ʋ maga dɩ má jegile nɩnɩɩ ʋ teeŋ.