Jɔɔŋ 7:37 - WƖA TENIŊ

³⁷ Gbiele-la chɛ-dɛrɩŋ, tapʋlɩɩ-la nɛ fa ŋaa gbiele-la sɩɩfɩaŋ chɛɛŋ. Ŋɩɩ nɛ Yesu sii chɩŋ a faasa bʋl, “Nɩɩ-la kala lɩɩnyʋasʋŋ sɩ kɛnɛ, má leŋ dɩ ʋ kɔ mɩ teeŋ a nyʋa lɩɩŋ.

Jɔɔŋ 7:37 ပူးပေါင်းရင်းမြစ်များ

NƐHƖMAAYA 8:18

Tapʋlɩa-la kala, a chɩŋ tapʋl bumbuŋ kaa mʋ yi tapʋlɩa-la dɩdɛrɩŋ, Ɛzɩra karɩmɛ Wɩa wombiee teŋ-la nɛ. Ba fa gbieli gbiele-la tapʋlaa balɩpɛ nɛ, tapʋl-chori chɛɛŋ, ba hilimi arɩ Wɩa wombiiŋ teniŋ sɩ dagɛ ŋɩɩ.

WƖA YƖƖLAA 143:6

Ŋɩɩ nɛ mɩ kɛŋ mɩ nɩsaa je wɩa-nyuŋ aa sʋlʋŋ, mɩ dɩma ka hɩɛnɩŋ nɛ a nagɛ tintee-hɩlɩŋ sɩɩ chɛ lɩɩŋ ŋɩɩ.

WƖA YƖƖLAA 42:2

Mɩ chaasa chɛ ŋ-na Wɩa sɩ weye nɛ woruŋ. Bʋa bɛɛ lɛ nɛ mɩ jaŋ naŋ?

WƖA YƖƖLAA 63:1

Wɩa, ŋ nɛ mɩ Wɩa. Mɩɩ hɩɛnɩŋ nɛ, mɩɩ chɛŋ nɛ mɩ tʋɔŋ lɛ a nagɛ nɩa sɩ hɛ tintee-hɩlɩŋ sɩ lɩma lɛ aa chɛ lɩɩŋ ŋɩɩ.

NAMAGABA 1:20

Má jegili, wʋjɩmɩŋ nagɛ haal nɛ aa yɩrɛ nɩaa wombiee lɛ. Ʋʋ heeli nɛ lee-la taŋ nɩaa sɩɩ hilimu.

NAMAGABA 8:1

Má jegili, wʋjɩmɩŋ nɩɩ ŋaa goŋ. Ʋ suri ʋ yikoro nɛ.

NAMAGABA 8:17

Mɩ cho nɩalɩŋ sɩ chomi nɛ. Nɩalɩŋ kala sɩ bee chɩchɛmɛ yie namɛ nɛ.

NAMAGABA 8:3

Ʋ chɩŋ taŋ-la boi-baalɩŋ lɛ nɛ, lee-la nʋʋkala sɩ to jʋjʋʋ taŋ-la, nɩmɛ nɛ ʋ hɛ a ŋɩŋaa goŋ a bʋl,

NAMAGABA 9:3

Ʋ hɔŋ jaŋ tʋɔŋ nɛ, lee-la nɩaa sɩ jaŋ naʋ aŋ heele yɩrɛ nɩaa, aŋ tɩŋ ʋ dɩa tɩntɩnnaa ma, a bʋl,

SOLOMOŊ YƖƖL-SƖMƖŊ 5:1

Mɩ dɩhaala, mɩ ha-falɩŋ, mɩ kʋ jʋʋ mɩ lɩga nɛ. Mɩ kɛŋ mɩ tɩɩ-kel-la sʋɔra sɩ sɩma baa yɩrɛ mɛɛ arɩ mɩ tegisiŋ hɛ dɔŋɔ nɛ. Mɩ dii mɩ tʋʋ-nʋʋŋ arɩ ʋ tʋʋ-jaga kala nɛ. Mɩ nyʋa mɩ girep nɛnɛɛ sɩnɩŋ arɩ mɩ nayɩlɩŋ ma kala nɛ. La nɩchooloo, má dagɛ ma chonuŋ, a magɛ ŋɩɩ kala ma sɩɩ chɛ, a nagɛ nɩa sɩ dii kɩaa a nyʋa kɩaa vɔgɛ.

AZAAYA 12:3

A nagɛ lɩɩnyʋasʋŋ sɩ yie kɛŋ nɩa ʋ nyʋa lɩɩzɔmʋŋ ʋ tʋɔŋ tɔrɛ ŋɩɩ, ŋɩɩ nɛ ma tʋɔŋ jaŋ tɔrɛ dɩ ʋ nɛ laama ta.

AZAAYA 40:2

Má fɩɛla bʋl wɩaa pɩ Jerusalɛm nɩaa dɩ ba tʋɔŋ pɩŋ dɩ-bala, arɩ hɛɛ-la ba fa sɩɩ na dɛrɛ nɛ. La TƖƖNA leŋe ba tiŋ ba wʋbɔŋŋɔɔ chɩmɩŋ kala nɛ, ʋ dɔgɩsɛba naansɩɩŋ bʋlɩa nɛ a tɩŋ ba wʋbɔmɔ-la wɩaa.

AZAAYA 40:6

Ŋɩɩ nɛ mɩ nɩɩ yikoro dɩ ʋ bʋla, “Ŋmoo niiŋ.” Mɩ pɩɛsɛ, “Mɩ ŋmoo niiŋ a mʋ tɩgɛ wʋbɛɛ lɛ? Nuhuobiinee kala nagɛ yaŋ nɛ, ba tʋla ma kala nagɛ ya-fɩɩlaa nɛ ba bɩ dieni.

AZAAYA 44:3

Mɩ jaŋ leŋ dɩ tintee-hɩlɩŋ vɔgɛ lɩɩŋ, dɩ fuonuŋ pɩŋ nɩmɛ. Mɩ jaŋ joŋ mɩ Dɩma a hɛ ma biiriŋ lɛ aŋ pɛ ma doho nɩaa lɛ.

AZAAYA 55:1

La TƖƖNA bɩra sɩ, “Ma nɩalɩŋ kala lɩɩnyʋasʋŋ sɩ kɛnɛ, má kʋ nyʋa lɩɩŋ. Ma nɩalɩŋ ma sɩ bɩ moribiee kɛnɛ, má kʋ dii kɩaa. Má kʋ nyʋa tɩɩnɛnɛɛ sɩnɩŋ arɩ nayɩlɩŋ, ma bɩ jaŋ tiŋ kʋŋkala.

AZAAYA 55:3

Má jegile nɩɩ woruŋ a kɔ mɩ teeŋ, má nɩɩ woruŋ, ŋɩɩ nɛ ma jaŋ kɛŋ mɩɩsɩŋ. Mɩ jaŋ hɛ nii-la sɩ bɩ jaŋ dɛrɛ mɩ dɩ ma pɛgɛ a choma arɩ wʋtɩtɩɩ a nagɛ ŋɩɩ mɩ fa sɩ cho kuoro Devit.

AZAAYA 58:1

La TƖƖNA sɩ, “Chaasa suri ŋ yikoro dɩ ʋ sii wɩa-nyuŋ a nagɛ banyile a bʋla pɩ mɩ nɩaa Iziral tɩŋŋaa arɩ ba ŋaa wʋbɔŋ nɛ, a leŋ ba jɩŋ arɩ ba vɩa mɩ niiŋ nɛ.

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 2:2

“Mʋ heele bʋla pɩ Jerusalɛm nɩaa kala, mɩ liise yi ŋɩɩ ma fa sɩɩ to mɩ nɛ ma hambiriŋ lɛ. Ma fa chomi nɛ woruŋ a nagɛ nɩa sɩ cho ʋ ha-falɩŋ ŋɩɩ, a to mɩ harɩŋ tintee-hɩlɩŋ lɛ, gɩrɩpɩrɩŋ tʋɔŋ.

ƐZƖKƖƐL 47:9

Lee na-kala fuo-la sɩ jaŋ pɛllɛ mʋ, pʋna na-kala doho arɩ chenfilee jaŋ hɛ nɩmɛ a yʋgɛ, bɛɛ wɩaa lɩɩ-la jaŋ leŋ dɩ mʋgʋ-bal-la lɩɩŋ sɩ nagɛ yɩsɩŋ bɩrɩmɛ a zɔŋ. Lee na-kala ʋ sɩ pɛllɛ mʋ, kɩalɩŋ sɩ hɛ nɩmɛ jaŋ kɛŋ mɩɩsɩŋ.

LEVI DOHO NƖAA 23:36

Tapʋlɩa-la balɩpɛ, má joŋ kɩaa ŋaa Wɩɩsʋlʋŋ a nyɩgaa pɩ mɩ-na ma TƖƖNA. Tapʋl-chori chɛɛŋ má hilimi mɩ yɩrɩŋ lɛ a joŋ kɩaa ŋaa Wɩɩsʋlʋŋ a nyɩga pɩ mɩ-na ma TƖƖNA. Gbiele-la dɩdɛrɩŋ nɛ ŋɩɩ. Má sɩ́ tɩntɩmɩɩ kala tɩŋ.

LEVI DOHO NƖAA 23:39

Dɩ ma nɛ ŋaa ma baga kɩaa, má gbieli gbiele deeŋ tapʋlaa balɩpɛ a pɩ mɩ-na ma TƖƖNA. Má suomi chɛŋ-pɛɩ-la tapʋlaa fii arɩ banɔŋ chɛɛŋ. Tapʋl-bumbuŋ ŋaa chɛ-wiesii nɛ, tapʋl chori ma ŋaa chɛ-wiesii.

MƖKA 6:9

Ʋ ŋaa wʋjɩmɩɩ nɛ dɩ ŋ nɩɩ fá La TƖƖNA. Má jegile nɩɩ, ma nɩalɩŋ sɩɩ hilimi tabal-la lɛ, má jegile nɩɩ ŋɩɩ La TƖƖNA sɩ jaŋ dɔgɩsɛma.

ZƐKARƖYA 9:15

La TƖƖNA doluŋ kala Tɩɩna jaŋ chu tɔ ʋ nɩaa lɛ. Ba jaŋ kɛŋ kpalaa a yuo dii ba dʋndɔŋŋɔɔ. Ba jaŋ kpɩa goŋ laalɩŋ lɛ a nagɛ nɩaa sɩ nyʋa girep nɛnɛɛ sɩnɩŋ a bugi. Ba jaŋ leŋ dɩ ba dʋndɔŋŋɔɔ chalɩŋ jaasɛ a nagɛ ba sɩ joŋ chalɩŋ hɛ gbaŋa lɛ a mɩsɛ Wɩɩsʋllɩ koruŋ gʋnaa.

NAMBABA 29:35

Tapʋl-chori chɛɛŋ, má hilimi mɩ yɩrɩŋ lɛ a sɩ́ tɩntɩmɩɩ kala tɩŋ.

Matiu 11:28

Ŋɩɩ nɛ Yesu bɩra bʋla pɩ nɩaa, “Má kɔ mɩ teeŋ, ma nɩalɩŋ kala sɩ lɔlɔ, aŋ ka wɩaa nyagɛma bil, mɩ jaŋ pɩma wiese.

Matiu 3:3

Wɩa wʋlaabʋlla Azaaya fa bʋl ʋ wɩaa nɛ. Ʋ fa sɩ, “Nʋʋ nɛ chɩŋ tintee-hɩlɩŋ lɛ a heelee bʋl, ‘Má wasɛ wombiiŋ bil La Tɩɩna lɛ. Má pori wombii-la dɩ ʋ tʋʋlɛ.’ ”

Matiu 5:6

Wɩa jaŋ pɛ nɩalɩŋ sɩ faasa chɩchɛ tʋɔpʋla a nagɛ losuŋ koo lɩɩnyʋasʋŋ sɩ kɛŋ nɩaa ba chɩchɛ kʋdiilee koo lɩɩŋ ŋɩɩ. Wɩa jaŋ leŋ dɩ ba kɛŋ tʋɔpʋla.

Jɔɔŋ 1:23

Ŋɩɩ nɛ Jɔɔŋ bʋl, “Mɩ nɛ ŋaa yikoro-la sɩ hɛ tintee-hɩlɩŋ lɛ a heelee bʋl, ‘Má wasɛ wombiiŋ dɩ ʋ tʋʋlɛ a pɩ La Tɩɩna.’ Ŋ-la nɛ Wɩa wʋlaabʋlla Azaaya fa bʋl dɩ ma ŋaa.”

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 4:10

Ŋɩɩ nɛ Yesu bʋla pʋ, “Dɩ ŋ nɛ fa jɩŋ kʋ-la Wɩa sɩ joŋo pɩ nɩaa, a fa jɩŋ nɩɩ-la sɩ sʋlʋŋ dɩ ŋ ŋaa lɩɩŋ pʋ dɩ ʋ nyʋa, ŋ fa jaŋ sʋlʋ dɩ ʋ pɩŋ lɩɩ-la sɩɩ pɩ nɩaa mɩɩsɩŋ.”

Jɔɔŋ 4:11

Ŋɩɩ nɛ haal-la pɩɛsʋ, “Kʋhɩaŋ, ŋ bɩ gʋʋga kɛnɛ dɩ ŋ kaa ŋaa lɩɩŋ, ka vil-la ma luŋ. Nɩɩ lɛ nɛ saa ŋ jaŋ na lɩɩ-la sɩɩ pɩ nɩaa mɩɩsɩŋ?

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Jɔɔŋ 5:40

Ka ma vɩa dɩ ma kɔ mɩ teeŋ a wuo kɛŋ mɩɩsɩŋ.

Jɔɔŋ 6:35

Ŋɩɩ nɛ Yesu bʋla pɩba, “Mɩ nɛ ŋaa kʋdiile-la sɩɩ pɩ nɩaa mɩɩsɩŋ. Nɩɩ-la kala sɩ kɔ mɩ teeŋ, losuŋ bɩra bɩ jaŋ kɛnʋ. Nɩɩ-la ma sɩ laa mɩ wɩaa dii, lɩɩnyʋasʋŋ bɩra bɩ jaŋ kɛnʋ.

Jɔɔŋ 6:37

Nʋʋkala mɩ Nyɩmma sɩ joŋo pɩmɛ, ʋ jaŋ kɔ mɩ teeŋ. Nɩaa deemba kala sɩ kɔ mɩ teeŋ, mɩ bɩ jaŋ kɔ dɩ mɩ kiriba ta,

Jɔɔŋ 6:55

bɛɛ wɩaa mɩ yaraa nammɩa sɛnɛ ŋaa kʋdiilee nɛ, mɩ chalɩŋ ma sɛnɛ ŋaa lɩɩ-nyʋalʋŋ.

Jɔɔŋ 7:28

Yesu sɩɩ dagɛ nɩaa Wɩa dɩɩ-bal-la tʋɔŋ ŋɩɩ, ŋɩɩ nɛ ʋ faasa pɩɛsɛ, “Ma sɛnɛ jɩmmɛ nɛ, a jɩŋ lee-la mɩ sɩ lɩaa? Mɩ bɩ mɩ tɩtɩa doluŋ lɛ nɛ kɔ, nʋʋ nɛ tɩmmɛ. Nɩɩ-la ma saa sɩ tɩmmɛ ŋaa wʋtɩtɩɩ Tɩɩna nɛ, ma bɩ ʋ jɩŋ.

1 Kɔrɩntɩ Nɩaa 10:21

Ma dɩ Wɩa bɩ jaŋ wuo pɛ nyʋnyʋala, aŋ ka ma dɩ jɩnsɩŋ ma pɛ nyʋnyʋala. Ma bɩra bɩ jaŋ wuo didii kɩaa Wɩa teeŋ aŋ bɩra mʋ didii jɩnsɩŋ ma teeŋ.

1 Kɔrɩntɩ Nɩaa 10:4

a nyʋa lɩɩ-la sɩ lɩɩ Wɩa teeŋ ma. Lɩɩ-la Wɩa sɩ pɩba dɩ ba nyʋa lɩɩ bʋŋ lɛ nɛ a tuto ba harɩŋ. Kirisito tɩtɩa nɛ saa ŋaa bʋŋ-la.

1 Kɔrɩntɩ Nɩaa 11:25

Ŋɩɩ nɛ ba sɩ dii boroboro-la dɛrɛ, ʋ bɩra joŋ nyʋnyʋala arɩ sɩnɩŋ aŋ bʋl, “Nyʋnyʋala deeŋ nɛ Wɩa joŋo hɩhɛ nii-falɩɩ-la ʋ dɩ ma pɛgɛ. Mɩ jaŋ sʋʋ dɩ mɩ chalɩŋ jaasɛ. Bʋa na-kala lɛ dɩ ma nɩɩ nyʋaʋ, má nyʋa a liliisi mɩ wɩaa.”

1 Kɔrɩntɩ Nɩaa 12:13

La nɩalɩŋ sɩ laa Yesu wɩaa dii, la nagɛ ŋ-la nɛ. La yʋga nɛ, ama la ŋaa kʋbala nɛ. Wɩa Dɩŋ-zɔŋ-la doluŋ lɛ nɛ ba fola Wɩɩchʋɔlɛ lɩɩŋ, nɩalɩŋ sɩ ŋaa Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa, nɩalɩŋ sɩ ŋaa yosi arɩ nɩalɩŋ sɩ tɩɩ ba tɩtɩa. Wɩa leŋe la laa ʋ Dɩŋ-zɔmʋŋ a hɛ la tʋɔŋ nɛ.

Ɛfɛsɩs Nɩaa 5:18

Má sɩ́ sɩnɩŋ nyʋa bubugi, dɩ ma nɛ nyʋa sɩnɩŋ bubugi, ŋɩɩ jaŋ cheima. Ama má leŋ dɩ Wɩa Dɩŋ-zɔmʋŋ hɛ ma lɛ a tɩtɩŋ.

Jɔɔŋ Wʋnaalaa 21:6

Ŋɩɩ nɛ ʋ bʋla pɩmɛ, “Wɩɩkala dɛrɛ nɛ. Mɩ nɛ ŋaa Alɩfa arɩ Omega, mɩ nɛ dɩ-suomuŋ arɩ dɩdɛrɩŋ. Nɩɩ-la kala lɩɩnyʋasʋŋ sɩ kɛnɛ, mɩ jaŋ ŋaa lɩɩ-bulo lɩɩ-la sɩɩ pɩ nɩaa mɩɩsɩŋ a pʋ dɩ ʋ nyʋa pɛɩ.

Jɔɔŋ Wʋnaalaa 22:1

Ŋɩɩ nɛ Wɩa tɩndaarʋ-la bɩra dagɛmɛ fuo-la lɩɩŋ sɩɩ pɩ nɩaa mɩɩsɩŋ. Lɩɩ-la kala pʋlla nɛ chɩl chɩl a nagɛ beenantɩrɛ. Lɩɩ-la pɛllɛ lɩɩ Wɩa arɩ Pie-bie-la kuoru kpasa-la teeŋ nɛ,

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”