Jɔɔŋ 7:30 - WƖA TENIŊ

³⁰ Ŋɩɩ nɛ ba chɩchɛ dɩ ba kɛnʋ, ama nʋʋkala nɩsɩŋ bɩ ʋ dige, bɛɛ wɩaa bʋa-la lɛ ʋ sɩ jaŋ sʋʋ ha bɩ yie.

Jɔɔŋ 7:30 ပူးပေါင်းရင်းမြစ်များ

WƖA YƖƖLAA 76:10

Dɩ nɩaa nɛ na baanɩŋ, ŋɩɩ nɛ yie leŋ ŋ yɩrɩŋ faasa yɩrɛ. Nɩalɩŋ sɩ ka a bɩ sʋba nɛ jaŋ gbigbieli ŋ gbiele.

AZAAYA 46:10

Dɩ-suomuŋ kala nɛ mɩ dagɛ wɩalɩŋ sɩ jaŋ kʋ ŋaa maachie. Wɩɩ-la mɩ sɩɩ chɛ nɛ jaŋ chɩŋ, mɩ jaŋ ŋaaʋ, ʋ bɩ jaŋ birigi.

Matiu 12:14

Ŋɩɩ nɛ Farisii tɩŋŋaa lɩɩ lee-la a mʋ vʋʋrɛ ŋɩɩ ba sɩ jaŋ ŋaa a kpʋ Yesu.

Matiu 21:46

Ŋɩɩ nɛ ba wʋwalɩmɛ dɩ ba kɛnʋ kaa mʋ tɔ dɩa. Ama ba faa fá nɩ-daŋ-la sɩ hɛ nɩmɛ, bɛɛ wɩaa nɩ-daŋ-la joŋ Yesu arɩ ʋ ŋaa Wɩa wʋlaabʋllʋ nɛ.

Maak 11:18

Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba, ba kala nɩɩ wɩɩ-la ʋ sɩ bʋla. Ŋɩɩ nɛ baa chɛ wombiiŋ dɩ ba to kpʋʋ, aŋ fɩfáʋ, bɛɛ wɩaa wɩalɩŋ Yesu sɩ daga, nɩ-daŋ nɛ nɩa, ʋ ŋaaba wʋkpuŋkpere.

Luuk 20:19

Ŋɩɩ nɛ Wɩa teniŋ kerichiba arɩ Wɩɩsʋllɩ sɩpaalaaraa kʋhɩasɩŋ wʋwalɩmɛ dɩ ba kɛŋ Yesu naabʋɔsʋ-la lɛ, bɛɛ wɩaa ba jɩma arɩ ʋ magɛ namaga-la a tɩgɛ ba lɛ nɛ. Ama baa fá nɩalɩŋ sɩ hɛ nɩmɛ nɛ.

Luuk 22:53

Mɩ dɩ ma kala nɛ fa hɛ Wɩa dɩɩ-bal-la lɛ tapʋlɩɩ kala, aŋ ka ma bɩ walɩma dɩ ma kɛmmɛ nɩmɛ. Ama bʋa deeŋ lɛ nɛ birimiŋ tɩɩna Sɩtaanɩ pɩma doluŋ ma wuo kɔ dɩ ma kɛmmɛ.”

Jɔɔŋ 10:31

Yesu sɩ bʋl ŋɩɩ, Juu tɩmma-la bɩra paa tabɩaa dɩ ba yagʋ.

Jɔɔŋ 10:39

Ʋ sɩ bʋl ŋɩɩ, ba bɩra chɩchɛ dɩ ba kɛnʋ, ʋ fori ba nɩsɩŋ lɛ.

Jɔɔŋ 11:57

Bʋa-la lɛ, dɩ Wɩɩsʋllɩ sɩpaalaaraa kʋhɩasɩŋ arɩ Farisii tɩŋŋaa pa niiŋ, dɩ nʋʋkala nɛ jɩŋ Yesu sɩ hɛ lee-la, dɩ ʋ dagɛ, dɩ ba wuo kɛnʋ.

Jɔɔŋ 7:19

Mosis bil wombie-la sɩ maga dɩ maa to pɩma nɛ. Ama ma kʋŋkala bɩ wɩalɩŋ ka to. Bɛɛ nɛ tɩɩ maa chɛ dɩ ma kpʋmɛ?”

Jɔɔŋ 7:32

Farisii tɩŋŋaa sɩ nɩa dɩ nɩ-daŋ-la munso bʋbʋl Yesu wɩaa ŋɩɩ, ŋɩɩ nɛ ba dɩ Wɩɩsʋllɩ sɩpaalaaraa kʋhɩasɩŋ tɩŋ nɩalɩŋ sɩɩ pɔ Wɩa dɩɩ-balɩŋ dɩ ba mʋ kɛŋ Yesu.

Jɔɔŋ 7:6

Ŋɩɩ nɛ Yesu bʋla pɩba, “Bʋa-la sɩ jaŋ yi dɩ mɩ mʋ gbiele-la, ʋ ha bɩ yie. Ma-na teeŋ bʋa na-kala maga nɛ.

Jɔɔŋ 7:8

Má-na lɩɩ mʋ gbiele-la, mɩ-na ha bɩ mʋ, bɛɛ wɩaa bʋa-la sɩ jaŋ yi dɩ mɩ mʋ ha bɩ yie.”

Jɔɔŋ 8:20

Yesu bʋl wɩaa deemba kala bʋa-la lɛ ʋ sɩɩ dagɛ nɩaa Wɩa dɩɩ-bal-la lɛ nɛ, lee-la ba sɩ yie joŋ Wɩɩsʋlʋŋ kɩaa bil. Ka nʋʋkala bɩ ʋ kɛnɛ, bɛɛ wɩaa bʋa-la lɛ ba sɩ jaŋ kɛnʋ ha bɩ yie.

Jɔɔŋ 8:37

Mɩ jɩma arɩ ma ŋaa Abɩraham doho nɩaa nɛ, aŋ ka ma chɩchɛ dɩ ma kpʋmɛ, bɛɛ wɩaa wɩalɩŋ mɩ sɩ dagɛma bɩ ma dɩgɩlaa jʋa.

Jɔɔŋ 8:59

Ŋɩɩ nɛ ba paa tabɩaa dɩ ba yagʋ. Ʋ kɛŋ ʋ tɩtɩa faa a lʋara lɩɩ Wɩa dɩɩ-bal-la tʋɔŋ.

Jɔɔŋ 9:4

La sɩ na wombiiŋ, má leŋ dɩ la tɩŋ tɩntɩmɩɩ-la nɩɩ-la sɩ tɩmmɛ dɩ mɩ tɩŋ. Bʋa kʋbala jaŋ yi nʋʋkala bɩra bɩ jaŋ wuo tɩŋ tɩntɩmɩɩ-la.