Jɔɔŋ 7:27 - WƖA TENIŊ

²⁷ Nɩɩ-la Wɩa sɩ jaŋ tɩŋ, dɩ ʋ nɛ kɔ, nʋʋkala bɩ jaŋ jɩŋ ʋ sɩ lɩɩ lee-la, ama la kala nɛ jɩŋ lee-la baala deeŋ sɩ lɩa.”

Jɔɔŋ 7:27 ပူးပေါင်းရင်းမြစ်များ

AZAAYA 11:1

Devit kuoru gentine nagɛ tɩa ba sɩ kere lo nɛ, ama arɩ ba sɩ yie keri tɩa lo ka gentine bɩra tɔsɛ a nɛŋ ŋɩɩ, ŋɩɩ tɩtɩa nɛ kuori-falɩŋ jaŋ lɩɩ Devit doho nɩaa tʋɔŋ.

AZAAYA 53:8

Ba kɛnʋ nɛ a dɔgɩsʋ, a dii ʋ sarɩya, aŋ kɛnʋ mʋ kpʋ. Ʋ nɩaa tɩtɩa bɩ jɩŋ bʋa-la lɛ arɩ ba wʋbɔŋŋɔɔ wɩaa nɛ ʋ sʋʋ.

JƐRƖMAAYA 23:5

La TƖƖNA sɩ, “Tapʋlaa ka kɔ nɛ, dɩ mɩ lɩɩsɛ tʋɔpʋl Tɩɩna Devit doho nɩaa tʋɔŋ, ʋ jaŋ ŋaa kuoru sɩ jaŋ beŋ ʋ nɩaa arɩ wʋjɩmɩŋ. Ʋ jaŋ kɛŋ wʋtɩtɩɩ, a ŋaa wɩaa ba bʋa lɛ tintee-la lɛ.

JƐRƖMAAYA 30:21

Ba tɩtɩa dɔŋɔ nɛ jaŋ ŋaa ba sɩpaalaara. Nɩɩ-la sɩ jaŋ bibemba jaŋ lɩɩ ba tɩtɩa tʋɔŋ. Mɩ jaŋ kɛnʋ kʋ kpagɛmɛ, dɩ ʋ kʋ yimi. Kʋbɛɛ nɛ nɩɩ-la sɩ jaŋ sɛɩ a kɛŋ ʋ tɩtɩa a kʋ kpagɛmɛ? Mɩ-na ma TƖƖNA nɛ pɩɛsa.

MƖKA 5:2

Bɛtɩlɛhɛm Ɛfɩrata, Juda tinteeŋ tasɩŋ kala tʋɔŋ ŋ nɛ muuro. Ama La TƖƖNA sɩ ʋ jaŋ lɩɩsɛ kuoro ŋ lɛ dɩ ʋ bibeŋ Iziral, nɩɩ-la doho nɩaa sɩɩ dii kuoruŋ faafaa kala.

Maak 6:3

Kapɩnta-la dee ŋɩɩ? Mɛɛrɩ nanʋala dee? Jeems arɩ Josɛf arɩ Judas arɩ Saamɔŋ naambie dee? Ʋ dɩhaalaa na dee bɩ la tʋɔŋ hɛ ŋ-laa?” Ŋɩɩ nɛ ba vɩaʋ.

Luuk 4:22

Ŋɩɩ nɛ nɩaa kala tʋɔŋ tɔrɛ ʋ nyuŋ. Wʋzɔmɔ-la kala ʋ sɩ bʋla pɩba ŋaaba wʋkpuŋkpere. Ba pɩpɩɛsɛ dɔŋɔ, “Josɛf bile dee ŋ-laa?”

Jɔɔŋ 6:42

Ŋɩɩ nɛ ba pɩɛsɛ: “Baala deeŋ dee Josɛf bie Yesu? La jɩŋ ʋ nyɩmma arɩ ʋ naaŋ kala nɛ. Ɛɛ nɛ saa lɛɛlɛ ʋ sɩ dɩ ʋ lɩɩ Wɩa-jaŋ nɛ a kʋ tuu?”

Jɔɔŋ 7:15

Ʋ sɩ dagɛ nɩaa ŋɩɩ ŋaa Juu tɩmma-la sɩ jegile nɩɩ wɩalɩŋ wʋkpuŋkpere. Ba sɩ, “Ɛɛ nɛ baala deeŋ jɩŋ wɩaa ŋ-la kɩŋkɛŋ aŋ bɩ karɩma?”

Jɔɔŋ 9:29

La jɩma arɩ Wɩa fa bʋl wɩaa pɩ Mosis nɛ, ama baala deeŋ-na, la bɩ jɩŋ ʋ sɩ lɩɩ lee-la kala.”

Tɩntɩŋŋaa 8:33

Ba hɩɩsʋ nɛ, a kpaa kʋsɩŋŋaa vɔmʋ. Nʋʋkala bɩ ʋ doho naasɩŋ wuo to, bɛɛ wɩaa ba lɩɩsɛ ʋ mɩɩsɩŋ nɛ dʋnɩa lɛ.”