Jɔɔŋ 7:19 - WƖA TENIŊ

¹⁹ Mosis bil wombie-la sɩ maga dɩ maa to pɩma nɛ. Ama ma kʋŋkala bɩ wɩalɩŋ ka to. Bɛɛ nɛ tɩɩ maa chɛ dɩ ma kpʋmɛ?”

Jɔɔŋ 7:19 ပူးပေါင်းရင်းမြစ်များ

Matiu 12:14

Ŋɩɩ nɛ Farisii tɩŋŋaa lɩɩ lee-la a mʋ vʋʋrɛ ŋɩɩ ba sɩ jaŋ ŋaa a kpʋ Yesu.

Matiu 21:38

Tɩntɩnna-la sɩ na bile, ba bʋla pɩ dɔŋɔ, ‘Dɩ baga-la tɩɩna nɛ sʋba, bie deeŋ nɛ jaŋ dii ʋ kɩaa. Má kɔ dɩ la kpʋʋ. Dɩ la nɛ kpʋʋ, la nɛ jaŋ mɩɩra tɩɩ ʋ kɩalɩŋ.’

Maak 11:18

Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba, ba kala nɩɩ wɩɩ-la ʋ sɩ bʋla. Ŋɩɩ nɛ baa chɛ wombiiŋ dɩ ba to kpʋʋ, aŋ fɩfáʋ, bɛɛ wɩaa wɩalɩŋ Yesu sɩ daga, nɩ-daŋ nɛ nɩa, ʋ ŋaaba wʋkpuŋkpere.

Maak 3:4

Ŋɩɩ nɛ Yesu pɩɛsɛ nɩalɩŋ, “Ɛɛ nɛ wɩalɩŋ Mosis sɩ ŋmʋnsa bil dɩ la tuto dagɛ arɩ la ŋɩŋaa chɛ-wiesii-la chɛɛŋ? Dɩ la pɩpɛ nɩaa lɛ koo dɩ la dʋdɔgɩsɛba? Dɩ la laa nɩaa mɩɩsɩŋ tɩta koo dɩ la kpʋkpʋba?” Ʋ sɩ pɩɛsɛ ŋɩɩ, ba ŋaa fʋɩɩ.

Maak 3:6

Ŋɩɩ nɛ Farisii tɩŋŋaa sii lɩɩ. Ba dɩ Hɛrɔd nɩaa mʋ vʋʋrɛ ŋɩɩ ba sɩ jaŋ ŋaa a kpʋ Yesu.

Jɔɔŋ 1:17

Wɩa to Mosis lɛ nɛ a bil wombie-la sɩ maga la tuto pɩla. Ama Yesu Kirisito lɛ nɛ Wɩa to a fá la nenige, a dagɛla wʋtɩtɩɩ.

Jɔɔŋ 10:39

Ʋ sɩ bʋl ŋɩɩ, ba bɩra chɩchɛ dɩ ba kɛnʋ, ʋ fori ba nɩsɩŋ lɛ.

Jɔɔŋ 11:53

A chɩŋ tapʋlɩɩ-la a kaa mʋ Juu tɩŋŋaa kʋhɩasɩ-la vʋʋrɛ ŋɩɩ ba sɩ jaŋ to a kpʋ Yesu.

Jɔɔŋ 5:16

Yesu sɩ ŋaa ŋɩɩ chɛ-wiesii-la chɛɛŋ, ŋɩɩ nɛ tɩɩ Juu tɩŋŋaa suomo to Yesu naasɩŋ dɩ ba dɔgɩsʋ.

Jɔɔŋ 5:18

Yesu sɩ bʋl ŋɩɩ ŋaa Juu tɩmma-la wasa chɩchɛ wombii-la ba sɩ jaŋ to a kpʋʋ. Wɩaa balɩa nɛ ba sɩ dɩ ʋ cheye: Ʋ chei ba chɛ-wiesii-la kɩsɩŋ, aŋ pɛ bʋl dɩ Wɩa nɛ ŋaa ʋ Nyɩmma, a bʋl ŋɩɩ arɩ ʋ dɩ Wɩa magɛ dɔŋɔ nɛ.

Jɔɔŋ 5:45

Má sɩ́ bɩɩna arɩ mɩ jaŋ joŋ cheeriŋ pɩma mɩ Nyɩmma sɩpaaŋ. Mosis nɛ jaŋ joŋ cheeriŋ pɩma. Ma yɩɛlaa kala hɛ ʋ lɛ nɛ.

Jɔɔŋ 7:1

Ŋɩɩ harɩŋ Yesu gʋgɔllɛ Galilii tinteeŋ. Ʋ bɩ chɛ dɩ ʋ mʋ gɔllɛ Judiya tinteeŋ lɛ, bɛɛ wɩaa Juu tɩŋŋaa fa sɩ hɛ Judiya tinteeŋ lɛ ka chɛ dɩ ba kpʋʋ nɛ.

Jɔɔŋ 7:25

Ŋɩɩ nɛ nɩaa dɔnsʋŋ sɩ lɩɩ Jerusalɛm pɩɛsɛ, “Baala deeŋ dee ba chɩchɛ dɩ ba kpʋ ŋɩɩ?

Tɩntɩŋŋaa 7:38

Ŋɩɩ nɛ Sɩtɩɩvɩŋ bɩra suomo bʋbʋl, “Mosis arɩ la naabalɩmaba nɛ fa hilimi tintee-hɩlɩŋ tʋɔŋ. Nɩmɛ nɛ Wɩa tɩndaara fa bʋl wɩaa pʋ peel kʋbala nyuŋ baa yɩrɛ Sɩnaɩ lɛ. Ʋ joŋ Wɩa niiŋ wɩalɩŋ sɩ kɛŋ mɩɩsɩŋ pʋ dɩ ʋ laa bʋla pɩla.

Galiisia Nɩaa 3:19

Ŋɩɩ-na saa wɩalɩŋ Mosis sɩ bile dɩ nɩaa tuto bʋbʋɔŋ nɛ bɛɛ? Mosis sɩ bil wɩalɩŋ dɩ nɩaa tuto pɛ dagɛ ŋɩɩ wʋbɔmʋŋ sɩ naga nɛ. Wɩalɩŋ hɛ nɩmɛ ŋɩɩ a mʋ yi bʋa-la lɛ Abɩraham doho nɩɩ-la sɩ kɔ. Ʋ lɛ nɛ Wɩa sɩ ʋ jaŋ to a pɛ nɩaa lɛ. Wɩalɩŋ Mosis fa sɩ bile, Wɩa tɩndaaraa nɛ kaa kʋ tuu pʋ. Mosis nɛ saa ŋaa Wɩa arɩ nɩaa sɩpaa-tooro ŋɩɩ.

Galiisia Nɩaa 6:13

Nɩalɩŋ tɩtɩa sɩ keri ba penee, ba bɩ wɩalɩŋ Mosis fa sɩ bile ka to. Baa chɛ dɩ ma keri ma penee dɩ ba wuo bibigisi ba tɩtɩa lɛ arɩ ma maa to Juu tɩŋŋaa wombii-la nɛ.

MOSIS BƖRA WULLI WƖA WOMBIIŊ 1:17

Má dii nʋʋkala sarɩya ʋ bʋa lɛ, má sɩ́ nʋʋkala sɩɩŋ fá, bɛɛ wɩaa wɩalɩŋ kala ma sɩɩ bʋl Wɩa nɛ dagɛma. Wɩɩ-la kala sɩ dolie kɩɩma, má kaa kɔ mɩ teeŋ.

MOSIS BƖRA WULLI WƖA WOMBIIŊ 33:4

arɩ wombie-la Mosis sɩ daga dɩ ba tuto. Ʋ ŋaa Jekɔb doho nɩaa kʋŋ nɛ.