Jɔɔŋ 7:17 - WƖA TENIŊ

¹⁷ Nɩɩ-la kala sɩɩ chɛ dɩ ʋ ŋaa wɩɩ-la Wɩa sɩ cho, ʋ jaŋ wuo jɩŋ arɩ wɩalɩŋ mɩ sɩɩ dagʋ lɩɩ Wɩa teeŋ nɛ koo mɩ tɩtɩa doluŋ lɛ nɛ.

Jɔɔŋ 7:17 ပူးပေါင်းရင်းမြစ်များ

WƖA YƖƖLAA 119:10

Mɩ kɛŋ mɩ tʋɔŋ kala nɛ aa toŋ, pɛ mɩ lɛ dɩ mɩ sɩ́ wɩalɩŋ ŋ sɩ daga lɛ yeŋŋu.

WƖA YƖƖLAA 25:12

Nɩalɩŋ kala sɩɩ fá La Tɩɩna, ʋ jaŋ dagɛba wombii-la sɩ maga dɩ ba to.

WƖA YƖƖLAA 25:14

La Tɩɩna, ŋ ŋaa nɩalɩŋ kala sɩɩ toŋ nandɔŋ nɛ. Ŋ leŋe ba kala jɩŋ nii-la sɩ hɛ ŋ dɩ ba pɛgɛ nɛ.

NAMAGABA 28:5

Nɩbɔŋŋɔɔ paala bɩ wʋtɩtɩɩ jɩŋ, ama nɩalɩŋ sɩɩ chɛ La Tɩɩna, ba-na jɩmʋ nɛ woruŋ.

NAMAGABA 3:32

bɛɛ wɩaa La Tɩɩna bɛrɛ nʋʋ na-kala sɩ bɩ wʋtɩtɩɩ kɛnɛ nɛ, ama nɩalɩŋ-na sɩɩ ŋaa wɩaa ba bʋa lɛ ŋaa ʋ nandɔsʋ nɛ.

AZAAYA 35:8

Womporuŋ jaŋ pɩŋ nɩmɛ, dɩ ba kɛnʋ yɩyɩrɛ wombii-la sɩ bɩ disiniŋ kɛnɛ. Disiŋ tɩɩna kala bɩ jaŋ vɛŋ ʋ lɛ, see nɩalɩŋ sɩ bɩ disiniŋ kɛnɛ dʋndʋŋa. Nɩyaara-la sɩɩ ŋaa wʋbɔŋŋɔɔ bɩ ʋ lɛ jaŋ vɛŋ.

DANƖƐL 12:10

Wɩa jaŋ chɛsɛ nɩ-daŋ a pɩɩsɛ ba disiniŋ ta, dɩ ba zɔŋ. Ama nɩbɔŋŋɔɔ ha jaŋ ŋɩŋaa wʋbɔŋŋɔɔ. Nɩbɔmɔ-la kʋŋkala bɩ jaŋ jɩŋ wɩaa sɩaa, ama nɩalɩŋ sɩ kɛŋ wʋjɩmɩŋ jaŋ jɩŋ ba sɩaa.

HOSIA 6:3

Má leŋ dɩ la jɩŋ La TƖƖNA. Má leŋ la hɛ doluŋ aŋ jɩmʋ. Ʋ jaŋ kʋ lɩɩ, a nagɛ wɩɩpɔsʋŋ sɩ yie pɔsɛ. Ʋ jaŋ kɔ la teeŋ a nagɛ tafaaŋ duonuŋ, a nagɛ yɩ-biiniŋ duonuŋ sɩ yie nɩɩ ŋɩɩ leriŋ fɩɛlɛ.”

MƖKA 4:2

Tintee daŋ nɩaa jaŋ kɔ a bʋl, “Má kɔ dɩ la jɩl La TƖƖNA peel-la nyuŋ a mʋ Jekɔb Wɩa dɩa. La TƖƖNA jaŋ dagɛla ʋ wombiee, dɩ la tuto. Wɩa jaŋ dagɛla ʋ wombii-la ʋ sɩ bile dɩ la tuto a lɩɩ Zaayɔŋ lɛ. La TƖƖNA niiŋ wɩaa jaŋ lɩɩ Jerusalɛm nɛ.”

MALAKAƖ 4:2

Ama, ma nɩalɩŋ sɩɩ zilmi, mɩ doluŋ jaŋ hɛ ma lɛ a nagɛ wɩɩpɔsʋŋ dɩ ma duori. Ma jaŋ lɩɩ fɩla jʋɔsɛ a nagɛ ba sɩ kɛŋ nɛ-biiriŋ suro ta ba lɩɩ jʋjʋɔsɛ.

Matiu 6:22

Ŋ sɩaa nɛ ŋaa ŋ yaraa pʋlʋmʋŋ. Dɩ ŋ sɩaa nɛ zɔmɔ, ŋ yaraa kala kɛŋ pʋlʋmʋŋ nɛ,

Luuk 8:15

Kɩalɩŋ sɩ tel tintee-zɔmʋŋ tʋɔŋ ma nɛ ŋaa nɩalɩŋ sɩ nɩɩ Wɩa niiŋ wɩalɩŋ a laaba hɛ ba tʋɔŋ lɛ a tutoba, a pɛsɛ wɩalɩŋ lɛ halɩɩ, ba kɛŋ doho.”

Jɔɔŋ 3:21

Ama nʋʋ na-kala sɩɩ ŋaa wʋzɔŋŋɔɔ cho pʋlʋmʋŋ a yie lɩlɩɩ pʋlʋmʋŋ tʋɔŋ, dɩ nɩaa wuo na arɩ ʋʋ ŋaa wʋzɔmɔ-la Wɩa doluŋ lɛ nɛ.”

Jɔɔŋ 8:43

Bɛɛ nɛ saa tɩɩ ma bɩ wɩalɩŋ mɩ sɩ bʋla bʋbʋɔŋ jɩŋ? Ma bɩ chɛ dɩ ma jegile nɩɩ wɩalɩŋ mɩ sɩɩ bʋl. Ŋɩɩ nɛ tɩɩ ma bɩ ba bʋbʋɔŋ jɩŋ.

Jɔɔŋ 8:44

Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.

Jɔɔŋ 8:47

Nɩɩ-la kala sɩ lɩɩ Wɩa teeŋ yie jegile nɩɩ wɩalɩŋ Wɩa sɩɩ bʋl nɛ. Ma bɩ Wɩa teeŋ lɩa, ŋɩɩ nɛ tɩɩ ma bɩ wɩalɩŋ ʋ sɩɩ bʋl jegile nɩɩ.”

Tɩntɩŋŋaa 17:11

Juu tɩmma-la sɩ hɛ Biriya lɛ nɛ kɛŋ mɛlɛ a kɩɩ Juu tɩmma-la fa sɩ hɛ Tɛsalonaaka lɛ. Ba chaga laa Wɩa niiŋ wɩalɩŋ arɩ na-kparɩba nɛ, a kɩkarɩmɛ Wɩa teniŋ arɩ sɩɩfɩɛsɩŋ tapʋlɩɩ-na kala, dɩ ba na wɩalɩŋ Pɔɔl sɩ bʋla ŋaa wʋtɩtɩɩba nɛ.