Jɔɔŋ 7:15 - WƖA TENIŊ

¹⁵ Ʋ sɩ dagɛ nɩaa ŋɩɩ ŋaa Juu tɩmma-la sɩ jegile nɩɩ wɩalɩŋ wʋkpuŋkpere. Ba sɩ, “Ɛɛ nɛ baala deeŋ jɩŋ wɩaa ŋ-la kɩŋkɛŋ aŋ bɩ karɩma?”

Jɔɔŋ 7:15 ပူးပေါင်းရင်းမြစ်များ

AZAAYA 29:12

Koo dɩ ma nɛ joŋ teŋ-la pɩ nɩɩ-la sɩ bɩ karɩmɩŋ jɩŋ, aŋ bʋla pʋ, “Laa sʋlʋŋ karɩmɛ wɩɩŋ deeŋ pɩla,” Ʋ jaŋ bʋl, “Mɩ bɩ karɩmɩŋ jɩŋ.”

Matiu 13:54

a mɩɩra mʋ Nazarɛt. Ŋɩɩ nɛ ʋ mʋ dagɛ nɩaa Wɩɩchʋɔlɛ dɩa lɛ. Nɩalɩŋ kala sɩ nɩɩ wɩalɩŋ ʋ sɩ bʋla, ba hirigi. Ŋɩɩ nɛ ba pɩpɩɛsɛ dɔŋɔ, “Nɩɩ nɛ baala deeŋ na wʋjɩmɩŋ deeŋ arɩ wʋduoruŋ deemba kala ŋaanɩŋ?

Matiu 22:22

Yesu sɩ bʋl ŋɩɩ, ʋ ŋaaba wʋkpuŋkpere ba sii viiri.

Matiu 22:33

Nɩ-daŋ-la sɩ nɩɩ ŋɩɩ ʋ sɩɩ dagɛ wɩaa, ʋ ŋaaba wʋkpuŋkpere.

Luuk 2:47

Nɩalɩŋ kala sɩ hɛ nɩmɛ a nɩɩ ʋ sɩɩ chaarɛ wɩaa sɩaa arɩ wʋjɩmɩŋ ŋɩɩ, ʋ ŋaaba wʋkpuŋkpere.

Luuk 4:22

Ŋɩɩ nɛ nɩaa kala tʋɔŋ tɔrɛ ʋ nyuŋ. Wʋzɔmɔ-la kala ʋ sɩ bʋla pɩba ŋaaba wʋkpuŋkpere. Ba pɩpɩɛsɛ dɔŋɔ, “Josɛf bile dee ŋ-laa?”

Jɔɔŋ 1:19

Juu tɩŋŋaa fa sɩ hɛ Jerusalɛm lɛ tɩŋ Wɩɩsʋllɩ sɩpaalaaraa arɩ Levi doho nɩaa, ba kɔ Jɔɔŋ teeŋ a pɩɛsʋ, “Kʋbɛɛ nɛ ŋ ŋaa?”

Jɔɔŋ 7:11

Juu tɩŋŋaa sɩ hɛ gbiele-la lɛ, ba bee chɩchɛ Yesu gbiele-la lɛ a pɩpɩɛsɛ, “Nɩɩ nɛ baal-la hɛ?”

Jɔɔŋ 7:13

Ama ba kala faa fá Juu tɩmma-la nɛ, ŋɩɩ nɛ tɩɩ nʋʋkala bɩ wuo faasa bʋl ʋ wɩaa.

Jɔɔŋ 7:46

Ŋɩɩ nɛ ba bʋl, “Nʋʋkala ha bɩ wɩaa bʋla a nagɛ baala deeŋ sɩɩ bʋl ŋɩɩ.”

Tɩntɩŋŋaa 26:24

Pɔɔl sɩɩ bʋl wɩaa dɩ ʋ laa ʋ tɩtɩa ŋɩɩ, Fɛsɩtɔs kpɩaʋ lɛ a bʋl, “Pɔɔl, ŋŋ nyaasɛ nɛ. Ŋ wʋjɩŋ kɩŋkɛŋ kɛnɩŋ nyɩnyaasɛ nɛ.”

Tɩntɩŋŋaa 4:13

Nɩalɩŋ sɩ hilime a na Pɩɩta arɩ Jɔɔŋ dɩ baa bʋl wɩaa arɩ nyuduoŋ ŋɩɩ, ʋ ŋaaba wʋkpuŋkpere, bɛɛ wɩaa ba jɩma ba bɩ nɩfɩɛma ŋaa ba taŋ lɛ a bɩ teniŋ ma jɩŋ. Ŋɩɩ nɛ ba wuo jɩŋ arɩ ba faa to Yesu harɩŋ nɛ a gʋnnɛ ʋ wɩaa.

1 SAMƲƐL 10:11

Nɩalɩŋ kala sɩ jɩmʋ sɩ naʋ dɩ ʋ pɛ ba lɛ a bʋbʋl wɩaa Wɩa doluŋ lɛ, ba pɩpɩɛsɛ dɔŋɔ, “Bɛɛ kʋŋ wɩɩ ma nɛ ŋaa Kɩs nanʋala Sɔɔl lɛ ŋ-la? Sɔɔl ma ŋaa Wɩa wʋlaabʋlla-la dɔŋɔ nɛɛ?”