Jɔɔŋ 7:14 - WƖA TENIŊ

¹⁴ Gbiele-la sɩ kʋ kpaa magɛ dɔŋɔ, Yesu jʋʋ Wɩa dɩɩ-bal-la a dɩdagɛ nɩaa.

Jɔɔŋ 7:14 ပူးပေါင်းရင်းမြစ်များ

MALAKAƖ 3:1

La TƖƖNA doluŋ kala Tɩɩna sɩ, “Mɩ jaŋ tɩŋ mɩ tɩndaara dɩ ʋ kʋ wasɛ wombiiŋ a bil mɩ lɛ. Ŋɩɩ harɩŋ nɛ ma Tɩɩna-la ma sɩ bee chɩchɛ jaŋ guu kʋ jʋʋ ʋ dɩɩ-balɩŋ. Tɩndaarʋ-la ma sɩɩ yɩɛlʋ nɛ jaŋ kɛŋ nii-la sɩ hɛ mɩ dɩ ma pɛgɛ wɩaa polli.”

NAMBABA 29:17

Tapʋl-lɩa chɛɛŋ, má kɛŋ nɛ-bel-pɔrɔɔ fii arɩ balɩa, pie-belliŋ balɩa arɩ pie-bel-pɔrɔɔ fii arɩ banɛsɛ sɩ yi jɩna jɩna a kaa kʋ ŋaa Wɩɩsʋlʋŋ a pɩmɛ. Pʋsʋ-la kʋŋkala bɩ maga dɩ ʋ kɛŋ nyɔɔ.

NAMBABA 29:20

Tapʋl-tori chɛɛŋ, má kɛŋ nɛ-bel-pɔrɔɔ fii arɩ kʋbala, pie-belliŋ balɩa arɩ pie-bel-pɔrɔɔ fii arɩ banɛsɛ sɩ yi jɩna jɩna a kaa kʋ ŋaa Wɩɩsʋlʋŋ pɩmɛ. Pʋsʋ-la kʋŋkala bɩ maga dɩ ʋ kɛŋ nyɔɔ.

Matiu 21:12

Ŋɩɩ nɛ Yesu jʋʋ Wɩa dɩɩ-balɩŋ. Nɩaa dɔnsʋŋ fa hɛ nɩmɛ a yɩyallɛ kɩaa, dɔnsʋŋ ma yʋyɔɔ kɩaa. Yesu kiri ba kala ta ba lɩɩ. Nɩaa dɔnsʋŋ ma fa hɛ nɩmɛ a yɩyɛrɛ moribiee, dɔnsʋŋ ma yɩyallɛ kokosuŋ, ʋ ŋmoo ba teebʋlba lo.

Matiu 26:55

Ŋɩɩ nɛ Yesu pɩɛsɛ nɩ-daŋ-la, “Mɩ ŋaa wʋcheeru nɛ ma sii kɛŋ tokobiee arɩ toŋguloo a kʋkɔ dɩ ma kɛmmɛɛ? Tapʋlɩɩ kala nɛ mɩ yie hɔŋ Wɩa dɩa lɛ a dɩdagɛ nɩaa, aŋ ka ma bɩ walɩma dɩ ma kɛmmɛ nɩmɛ.

Luuk 19:47

Tapʋlɩɩ-na kala Yesu yie dɩdagɛ nɩaa Wɩa dɩɩ-bal-la tʋɔŋ. Ŋɩɩ nɛ Wɩɩsʋllɩ sɩpaalaaraa kʋhɩasɩŋ arɩ Wɩa teniŋ kerichiba arɩ Juu tɩŋŋaa sɩpaalaaraa chɩchɛ dɩ ba kpʋʋ.

Jɔɔŋ 18:20

Yesu bʋl, “Wɩalɩŋ kala mɩ sɩ bʋla, mɩ yie chɩŋ nɩ-daŋ tʋɔŋ nɛ a bʋl. Mɩ yie chaasa chɩŋ Wɩɩchʋɔlɛ dɩɩsɩŋ tʋɔŋ nɛ arɩ Wɩa dɩɩ-balɩŋ tʋɔŋ, lee-la Juu tɩŋŋaa kala sɩ yie kʋ hilimi a bʋl. Mɩ ha bɩ wɩɩkala lʋara bʋl.

Jɔɔŋ 5:14

Ʋ ŋɩɩ harɩŋ nɛ Yesu na baal-la Wɩa dɩɩ-balɩŋ lɛ a bʋla pʋ, “Na, lɛɛlɛ ŋ duoro nɛ, bɩra sɩ́ wʋbɔŋŋɔɔ ŋaa. Dɩ ŋɩɩ dee, wɩɩ dɔŋ sɩ lɔrɔ kɩɩ ŋɩɩ jaŋ ŋaa ŋ lɛ.”

Jɔɔŋ 7:2

Juu tɩŋŋaa lɛŋŋɛɛ gbiele-la sɩ yie,

Jɔɔŋ 7:28

Yesu sɩɩ dagɛ nɩaa Wɩa dɩɩ-bal-la tʋɔŋ ŋɩɩ, ŋɩɩ nɛ ʋ faasa pɩɛsɛ, “Ma sɛnɛ jɩmmɛ nɛ, a jɩŋ lee-la mɩ sɩ lɩaa? Mɩ bɩ mɩ tɩtɩa doluŋ lɛ nɛ kɔ, nʋʋ nɛ tɩmmɛ. Nɩɩ-la ma saa sɩ tɩmmɛ ŋaa wʋtɩtɩɩ Tɩɩna nɛ, ma bɩ ʋ jɩŋ.

Jɔɔŋ 7:37

Gbiele-la chɛ-dɛrɩŋ, tapʋlɩɩ-la nɛ fa ŋaa gbiele-la sɩɩfɩaŋ chɛɛŋ. Ŋɩɩ nɛ Yesu sii chɩŋ a faasa bʋl, “Nɩɩ-la kala lɩɩnyʋasʋŋ sɩ kɛnɛ, má leŋ dɩ ʋ kɔ mɩ teeŋ a nyʋa lɩɩŋ.

Jɔɔŋ 8:2

Taŋ sɩ pʋla chʋchʋɔ-fɩɛla, ʋ bɩra mɩɩra mʋ a jʋʋ Wɩa dɩɩ-bal-la. Nɩaa kʋ gbaarʋ, ʋ hɔŋ a suomo dɩdagɛba.

Jɔɔŋ 8:20

Yesu bʋl wɩaa deemba kala bʋa-la lɛ ʋ sɩɩ dagɛ nɩaa Wɩa dɩɩ-bal-la lɛ nɛ, lee-la ba sɩ yie joŋ Wɩɩsʋlʋŋ kɩaa bil. Ka nʋʋkala bɩ ʋ kɛnɛ, bɛɛ wɩaa bʋa-la lɛ ba sɩ jaŋ kɛnʋ ha bɩ yie.