Jɔɔŋ 7:13 - WƖA TENIŊ

¹³ Ama ba kala faa fá Juu tɩmma-la nɛ, ŋɩɩ nɛ tɩɩ nʋʋkala bɩ wuo faasa bʋl ʋ wɩaa.

Jɔɔŋ 7:13 ပူးပေါင်းရင်းမြစ်များ

NAMAGABA 29:25

Dɩ nʋʋ nɩɩ fá nuhuobiinee, ŋɩɩ ŋaa bɛrɛ́ nɛ ʋ lɛ, ama nɩɩ-la sɩ laa La Tɩɩna dii, wɩɩkala bɩ jaŋ jʋʋ ʋ lɛ.

Jɔɔŋ 19:38

Yesu sɩ sʋba, baal kʋbala ma fa hɛ nɩmɛ baa yɩrɛ Josɛf. Ʋ fa lɩɩ Arɩmatɩya tinteeŋ nɛ. Ʋ ma fa ŋaa Yesu harɩ-tooru nɛ. Ama ʋ-na faa lʋarʋ nɛ a tɩŋ ʋ sɩɩ fá Juu tɩŋŋaa wɩaa. Ŋɩɩ nɛ ʋ mʋ sʋl Paalɩt dɩ ʋ leŋ dɩ ʋ sori Yesu kʋsʋʋŋ. Paalɩt pʋ wombiiŋ. Ŋɩɩ nɛ ʋ mʋ sori.

Jɔɔŋ 20:19

Lahadi chɛɛŋ tɩtaŋɩŋ ʋ harɩ-tooroo hilimi dɩa tʋɔŋ aŋ kɛŋ boiŋ yagɛ. Baa fá Juu tɩmma-la nɛ. Ŋɩɩ nɛ tɩɩ ba kɛŋ borusuŋ tɔ a yagɛ. Ŋɩɩ nɛ Yesu kʋ chɩŋ ba tʋɔŋ aŋ bʋl, “Ma jaŋ hɔŋ arɩ fɩɛlɩŋ.”

Jɔɔŋ 3:2

Tɩtaŋ kʋbala ʋ sii kɔ Yesu teeŋ a bʋl, “Kʋhɩaŋ, la jɩma arɩ ŋ nɛ ŋaa Nɩɩ-la Wɩa sɩ ta dɩ ŋ dagɛ nɩaa. Nʋʋkala bɩ jaŋ wuo ŋaa wʋmagɩla-la ŋ sɩɩ ŋaa, see dɩ Wɩa pɛ tɩɩna lɛ.”

Jɔɔŋ 7:1

Ŋɩɩ harɩŋ Yesu gʋgɔllɛ Galilii tinteeŋ. Ʋ bɩ chɛ dɩ ʋ mʋ gɔllɛ Judiya tinteeŋ lɛ, bɛɛ wɩaa Juu tɩŋŋaa fa sɩ hɛ Judiya tinteeŋ lɛ ka chɛ dɩ ba kpʋʋ nɛ.

Jɔɔŋ 7:11

Juu tɩŋŋaa sɩ hɛ gbiele-la lɛ, ba bee chɩchɛ Yesu gbiele-la lɛ a pɩpɩɛsɛ, “Nɩɩ nɛ baal-la hɛ?”

Jɔɔŋ 7:15

Ʋ sɩ dagɛ nɩaa ŋɩɩ ŋaa Juu tɩmma-la sɩ jegile nɩɩ wɩalɩŋ wʋkpuŋkpere. Ba sɩ, “Ɛɛ nɛ baala deeŋ jɩŋ wɩaa ŋ-la kɩŋkɛŋ aŋ bɩ karɩma?”

Jɔɔŋ 9:22

Baal-la nyɩmma arɩ ʋ naaŋ faa fá Juu tɩmma-la nɛ. Ŋɩɩ nɛ tɩɩ ba bʋl ŋɩɩ. Juu tɩmma-la fa sɩ dɩ nɩɩ-la kala sɩ bʋla arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ba jaŋ kiru ba Wɩɩchʋɔlɛ dɩa lɛ.

Jɔɔŋ 9:34

Ŋɩɩ nɛ ba bʋla pɩ baal-la, “Ba paala lʋlʋŋ dɩ ŋ ŋaa wʋbɔŋ ŋaarʋ nɛ, ka ŋ ma saa chɩchɛ dɩ ŋ dagɛla koo?” Ŋɩɩ nɛ ba kiru ta ʋ lɩɩ Wɩɩchʋɔlɛ dɩa-la lɛ.

Jɔɔŋ Wʋnaalaa 2:13

Mɩ jɩŋ lee-la ma sɩ hɛ nɛ, nɩmɛ nɛ Sɩtaanɩ dii kuoruŋ. Ama ma ha kɛŋ wʋtɩtɩɩ nɛ a mʋ tɩgɛ mɩ yɩrɩŋ lɛ. Ma bɩ wɩalɩŋ ma sɩ laa dii joŋo ta bʋa-la lɛ ba sɩ kpʋ Antɩpas sɩ ŋaa wʋtɩtɩɩ tɩɩna a bʋl wɩaa a tɩgɛ mɩ lɛ. Ba kpʋʋ ma tabalɩŋ lɛ nɛ, lee-la Sɩtaanɩ sɩ hɛ.