Jɔɔŋ 6:70 - WƖA TENIŊ

⁷⁰ Ŋɩɩ nɛ Yesu pɩɛsɛba, “Ma nɩaa fii arɩ balɩa dee mɩ lɩɩsɛɛ? Ama ma dɔŋɔ ŋaa dʋndɔŋ nɛ a ŋaa Sɩtaanɩ nʋʋ.”

Jɔɔŋ 6:70 ပူးပေါင်းရင်းမြစ်များ

Jɔɔŋ 13:18

Ma kala dee mɩ bʋl arɩ ma jaŋ kɛŋ tʋɔtɔrʋŋ. Mɩ jɩŋ nɩalɩŋ mɩ sɩ lɩɩsa nɛ. Wɩɩ-la ba sɩ ŋmʋnsa Wɩa teniŋ tʋɔŋ sɛnɛ jaŋ ŋaa wʋtɩtɩɩ. Ba bʋla arɩ la dɩ nɩɩ-la kala sɩ pɛ dɔŋɔ lɛ dii kʋdiilee nɛ jaŋ mɩɩra sii chɩŋ mɩ lɛ.

Jɔɔŋ 13:2

Tapʋlɩɩ-la dɩdaanɩŋ Yesu arɩ ʋ harɩ-tooroo hɔŋ dɩ ba dii kʋdiilee. Bʋa deeŋ lɛ dɩ Sɩtaanɩ kʋ jʋʋ Saamɔŋ bie Judas Ɩsɩkarɔt dɩ ʋ joŋ Yesu yallɛ.

Jɔɔŋ 13:21

Yesu sɩ bʋl wɩaa deemba dɛrɛ, ʋ tʋɔŋ bɩ dɩ-bala pɩna. Ŋɩɩ nɛ ʋ chaasa bʋl, “Wʋtɩtɩɩ nɛ mɩ bʋlaa pɩma, ma dɔŋɔ nɛ jaŋ jommi yallɛ.”

Jɔɔŋ 13:27

Judas sɩ yɩa laa boroboro-la dɛrɛ, Sɩtaanɩ kʋ jʋʋ-ʋ. Ŋɩɩ nɛ Yesu bʋla pʋ, “Wɩɩ-la ŋ sɩɩ chɛ dɩ ŋ ŋaa, ŋaaʋ lɩma lɩma.”

Jɔɔŋ 15:16

Ma dee bɩ mɩ lɩɩsa, mɩ nɛ lɩɩsɛma. Mɩ nɛ lɩɩsɛma dɩ ma mʋ faasa ŋaa wʋzɔŋŋɔɔ, wʋzɔmɔ-la sɩ bɩ jaŋ lɛl. Dɩ ma nɩɩ ŋaa ŋɩɩ, mɩ Nyɩmma jaŋ pɩma kʋŋkala ma sɩ pɩɛsa chɩchɛ mɩ yɩrɩŋ lɛ.

Jɔɔŋ 15:19

Dɩ ma nɛ fa ŋaa dʋnɩa nɩaa, dʋnɩa nɩaa fa jaŋ choma woruŋ, arɩ ba sɩ cho dɔŋɔ ŋɩɩ. Ama ma dɩ dʋnɩa nɩaa bɩ kʋbala ŋaa. Mɩ lɩɩsɛma dʋnɩa nɩaa tʋɔŋ nɛ. Ŋɩɩ nɛ tɩɩ ba bɛrɛma.

Jɔɔŋ 17:12

Mɩ sɩ hɛ ba teeŋ, mɩ beŋ ba nyuŋ nɛ woruŋ ŋ doluŋ lɛ, dol-la ŋ sɩ joŋo pɩmɛ nɛ mɩ kaa bemba. Mɩ sɩ ŋaa ŋɩɩ, ba kʋbala ma bɩ lɛlɛ, see nɩɩ-la sɩ maga dɩ ʋ lɛl, dɩ wɩalɩŋ ba fa sɩ ŋmʋnsa Wɩa teniŋ tʋɔŋ sɛnɛ ŋaa.

Jɔɔŋ 2:2

Ba fa yɩrɛ Yesu arɩ ʋ harɩ-tooroo ma hajaarɩ gbiele-la leriŋ nɛ.

Jɔɔŋ 20:24

Bʋa-la lɛ Yesu sɩ kɛŋ ʋ tɩtɩa kʋ dagɛ ʋ harɩ-tooroo, ʋ harɩ-tooro-la dɔŋɔ ba sɩɩ yɩrɛ Tɔmas fa tuo. Ʋ yɩrɩŋ dɔŋɔ nɛ fa daalɩarɩŋ.

Jɔɔŋ 6:64

Ama ma dɔnsʋŋ bɩ mɩ wɩaa laa dii.” Bumbuŋ kala Yesu fa jɩŋ nɩalɩŋ sɩ bɩ ʋ wɩaa laa dii nɛ arɩ nɩɩ-la sɩ jaŋ joŋu yallɛ.

Jɔɔŋ 6:67

Ŋɩɩ nɛ Yesu pɩɛsɛ ʋ harɩ-tooroo fii arɩ balɩa-la, “Ma ma cho dɩ ma mɩɩrɛ mɩ harɩŋ nɛɛ?”

Jɔɔŋ 6:71

Judas sɩ ŋaa Saamɔŋ Ɩsɩkarɔt nanʋala wɩaa nɛ ʋ faa bʋl ŋɩɩ. Ʋ fa hɛ ʋ harɩ-tooro-la fii arɩ balɩa tʋɔŋ nɛ, ama ʋ nɛ fa jaŋ joŋ Yesu yallɛ.

Jɔɔŋ 8:44

Ma nyɩmma nɛ ŋaa Sɩtaanɩ. Ma saa cho dɩ maa ŋaa ʋ tʋɔtɔrɛ wɩaa nɛ. Dʋnɩa dɩ-suomuŋ kala lɛ nɛ ʋ ŋaa nɩkpʋʋrʋ. Ʋ tɩtɩa bɩ wʋtɩtɩɩ kɛnɛ. Ŋɩɩ nɛ tɩɩ ʋ bɩ wʋtɩtɩɩ ka to. Dɩ ʋ nɛ nyɩɛ wɩaa ma, ʋ nagɩsɩŋ nɛ paala ŋɩɩ. Ʋ ŋaa wʋnyɩɛrʋ nɛ, a paala ŋaa wʋnyɩɛraa kala nyɩmma ma.

Tɩntɩŋŋaa 1:17

Judas fa ŋaa la dɔŋɔ nɛ, la kala tɩtɩŋ tɩntɩmɩŋ deeŋ.

Tɩntɩŋŋaa 13:10

a bʋla pʋ, “Ŋ-na Sɩtaanɩ bie deeŋ, ŋ ŋaa wʋzɔŋ kala dʋndɔŋ nɛ. Ŋŋ nyɩsɛ nɩaa nɛ, a ŋɩŋaa wʋbɔŋŋɔɔ kɩŋkɛŋ. Wɩa wombii-tɩtɩɩba-la ŋ kaa golibi nɛ.

1 Timoti 3:11

Haalaa ma sɩɩ pɛ Wɩa nɩaa kʋhɩasɩŋ lɛ, ʋ maga dɩ ba kɛŋ mɛl-zɔŋ nɛ a sɩ́ nɩaa harɩŋ ma gɩgaa. Ʋ maga dɩ ba fɩɛlɛ ba sɩaa a pɛ kɛŋ wʋtɩtɩɩ wɩɩ na-kala ba sɩɩ ŋaa lɛ.

Taatɩs 2:3

Bʋla pɩ hanɩhɩasɩ-la ma dɩ ba ŋaa wɩalɩŋ sɩ daga arɩ baa to Wɩa wombiiŋ nɛ. Ʋ bɩ maga dɩ ba gɩgaa nɩaa harɩŋ koo dɩ ba ŋaa sɩ-nyʋaraa. Bʋla pɩba dɩ ba dɩdagɛ wɩalɩŋ sɩ zɔmɔ,

1 Jɔɔŋ 3:8

Ama nɩɩ-la kala ha sɩɩ ŋaa wʋbɔŋŋɔɔ, ʋ ŋaa Sɩtaanɩ nʋʋ nɛ. Sɩtaanɩ ŋaa wʋbɔŋŋɔɔ bumbuŋ kala nɛ a kaa kɔ arɩ jɩnɩŋ kala. Wɩɩ-la sɩ tɩɩ Wɩa Bie kɔ dʋnɩa nɛ ŋ-la: Ʋ kɔ dɩ ʋ chei Sɩtaanɩ tɩntɩŋŋaa nɛ.