Jɔɔŋ 6:68 - WƖA TENIŊ

⁶⁸ Saamɔŋ Pɩɩta bʋl, “La Tɩɩna, kʋbɛɛ teeŋ nɛ saa la ma jaŋ mʋ? Wɩalɩŋ ŋ sɩɩ bʋl nɩɩ pɩ nɩaa mɩɩsɩ-la sɩ bɩ dɛrɛ.

Jɔɔŋ 6:68 ပူးပေါင်းရင်းမြစ်များ

WƖA YƖƖLAA 73:25

Wɩa-jaŋ lɛ ŋ dʋndʋŋa nɛ mɩ kʋa, tinteeŋ ma lɛ, mɩ bɩ kʋŋkala ka chɛ, see ŋ dʋndʋŋ.

Matiu 16:16

Ŋɩɩ nɛ Saamɔŋ Pɩɩta bʋl, “Ŋ nɛ ŋaa Kirisito, Wɩa-la sɩ weye Bie.”

Maak 8:29

Ŋɩɩ nɛ Yesu bɩra pɩɛsɛ ʋ harɩ-tooroo ma a bʋl, “Ka ma ma, ma sɩ mɩ ŋaa kʋbɛɛ nɛ?” Pɩɩta sɩ, “Ŋ nɛ ŋaa Kirisito, nɩɩ-la Wɩa sɩ lɩɩsa.”

Luuk 9:20

Ŋɩɩ nɛ Yesu mɩɩra pɩɛsɛ ʋ harɩ-tooroo maa, “Ka ma maa, ma sɩ mɩ ŋaa kʋbɛɛ nɛ?” Pɩɩta sɩ, “Ŋ nɛ ŋaa Kirisito, Nɩɩ-la Wɩa sɩ lɩɩsa.”

Jɔɔŋ 12:49

Wɩalɩŋ mɩ sɩ bʋla, mɩ tɩtɩa doluŋ lɛ dee mɩ bʋl. Mɩ Nyɩmma sɩ tɩmmɛ, ʋ tɩtɩa nɛ dagɛmɛ wɩalɩŋ mɩ sɩ jaŋ bʋl, arɩ ŋɩɩ mɩ sɩ jaŋ bʋlba.

Jɔɔŋ 12:50

Mɩ jɩma arɩ wɩalɩŋ ʋ sɩɩ dagʋ jaŋ pɩ nɩalɩŋ sɩɩ toba mɩɩsɩ-la sɩ bɩ dɛrɛ. Ŋɩɩ wɩaa, wɩalɩŋ kala mɩ sɩɩ bʋl, mɩ Nyɩmma nɛ dagɛmɛ.”

Jɔɔŋ 17:8

Mɩ bʋl ŋ niiŋ wɩalɩŋ ŋ sɩ bʋla pɩmɛ pɩba nɛ, ba laa dii. Ba jɩma arɩ wʋtɩtɩɩ nɛ, mɩ sɛnɛ lɩɩ ŋ teeŋ nɛ. Ba laa dii nɛ arɩ ŋ nɛ tɩmmɛ.

Jɔɔŋ 5:24

Wʋtɩtɩɩ nɛ mɩ bʋla pɩpɩma, nɩɩ-la kala sɩ jegile nɩɩ mɩ niiŋ wɩaa a laa nɩɩ-la ma sɩ tɩmmɛ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ. Sarɩya bɩ jaŋ dii tɩɩna, ʋ lɩɩ sʋʋŋ bʋa lɛ nɛ a kɛŋ mɩɩsɩŋ.

Jɔɔŋ 6:40

Wɩalɩŋ mɩ Nyɩmma sɩɩ chɛ nɛ ŋ-la: Dɩ nʋʋ na-kala sɩ na mɩ-na ʋ Bie a laa mɩ wɩaa dii, dɩ ʋ kɛŋ mɩɩsɩ-la sɩ bɩ dɛrɛ. Dʋnɩa dɩdɛrɩŋ ma, mɩ jaŋ chɩsʋ sʋʋŋ lɛ dɩ ʋ kɛŋ mɩɩsɩŋ.”

Jɔɔŋ 6:63

Wɩa Dɩŋ-zɔmʋŋ nɩɩ pɩla mɩɩsɩŋ. Nuhuobiine yaraa doluŋ-na ŋaa pɛɩ nɛ, ʋ bɩ mɩɩsɩ-la sɩ bɩ dɛrɛ wuo pa. Wɩa Dɩŋ-zɔmʋŋ wɩaa nɛ mɩ bʋla pɩma. Ba jaŋ pɩma mɩɩsɩŋ.

Tɩntɩŋŋaa 13:26

Mɩ naambiiriŋ Abɩraham doho nɩaa arɩ ma nɩalɩŋ sɩ bɩ Juu tɩŋŋaa ŋaa a hɛ daha a fɩfá Wɩa, la wɩaa nɛ ba tɩŋ dɩ ba bʋl wɩaa deemba sɩ jaŋ wuo laala ta.

Tɩntɩŋŋaa 4:12

Nʋʋkala bɩ jaŋ wuo laala ta, see Yesu dʋndʋŋa. Ʋ yɩrɩŋ dʋndʋŋa nɛ Wɩa sɩ la yɩrɛ dʋnɩa lɛ dɩ ʋ laala ta. Nʋʋ dɔŋ bɩra tuo dɩ ʋ laala ta.”

Tɩntɩŋŋaa 5:20

“Má mʋ jʋʋ chɩŋ Wɩa dɩɩ-bal-la lɛ a chaasa bʋl wombii-falɩŋ deeŋ wɩaa pɩ nɩaa.”

Tɩntɩŋŋaa 7:38

Ŋɩɩ nɛ Sɩtɩɩvɩŋ bɩra suomo bʋbʋl, “Mosis arɩ la naabalɩmaba nɛ fa hilimi tintee-hɩlɩŋ tʋɔŋ. Nɩmɛ nɛ Wɩa tɩndaara fa bʋl wɩaa pʋ peel kʋbala nyuŋ baa yɩrɛ Sɩnaɩ lɛ. Ʋ joŋ Wɩa niiŋ wɩalɩŋ sɩ kɛŋ mɩɩsɩŋ pʋ dɩ ʋ laa bʋla pɩla.

Tɩntɩŋŋaa 8:37

Ŋɩɩ nɛ Fɩlɩp bʋla pʋ, “Dɩ ŋ nɛ laa Yesu wɩaa dii arɩ ŋ tʋɔŋ kala, mɩ jaŋ foŋ Wɩɩchʋɔlɛ lɩɩŋ.” Ŋɩɩ nɛ baal-la bʋl, “Mɩ laa dii arɩ Yesu Kirisito nɛ ŋaa Wɩa Bie.”