Jɔɔŋ 6:62 - WƖA TENIŊ

⁶² Ka dɩ ma nɛ saa fa na mɩ-na Nuhuobiine Bie dɩ mɩ mɩɩraa mʋ lee-la mɩ sɩ lɩa?

Jɔɔŋ 6:62 ပူးပေါင်းရင်းမြစ်များ

Matiu 8:20

Ŋɩɩ nɛ Yesu bʋla pʋ, “Jolluŋ kɛŋ bʋɔsʋŋ nɛ a jʋjʋʋ, diibiisiŋ ma kɛŋ dɛllɩŋ a jʋjʋʋ, ama mɩ-na Nuhuobiine Bie bɩ dɩpɩnɩŋ kɛnɛ dɩ mɩ pɩna wiesi.”

Maak 16:19

La Tɩɩna Yesu sɩ bʋl wɩalɩŋ dɛrɛ, Wɩa joŋu a kaa mʋ Wɩa-jaŋ, ʋ hɔŋ Wɩa nadiiŋ, nɩduoŋ dɩhɔnʋŋ.

Luuk 24:51

Ʋ ha sɩ chʋɔlɛ Wɩa pɩpɩba ŋɩɩ, ŋɩɩ nɛ ʋ sii ba teeŋ (ka Wɩa joŋu kaa jɩl Wɩa-jaŋ).

Jɔɔŋ 16:28

Mɩ lɩɩ mɩ Nyɩmma teeŋ nɛ a kʋ tuu dʋnɩa. Lɛɛlɛ mɩ saa jaŋ leŋ dʋnɩa aŋ mɩɩra mʋ mɩ Nyɩmma teeŋ.”

Jɔɔŋ 17:11

Lɛɛlɛ mɩɩ kɔ ŋ teeŋ nɛ, mɩ bɩra bɩ jaŋ hɛ dʋnɩa lɛ, ama ba-na jaŋ hɛ dʋnɩa lɛ. Mɩ Nyɩmma, ŋ nɛ ŋaa Nɩɩ-la sɩ bɩ disiniŋ kɛnɛ. Beŋ nɩalɩŋ ŋ sɩ lɩɩsa pɩmɛ nyuŋ woruŋ ŋ doluŋ lɛ, a leŋ dɩ ba ŋaa kʋbala, arɩ mɩ dɩŋ kala sɩ ŋaa kʋbala ŋɩɩ.

Jɔɔŋ 3:13

Nʋʋkala ha bɩ Wɩa-jaŋ jɩla, see mɩ-na Nuhuobiine Bie sɩ lɩɩ nɩmɛ kʋ tuu.

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Jɔɔŋ 6:42

Ŋɩɩ nɛ ba pɩɛsɛ: “Baala deeŋ dee Josɛf bie Yesu? La jɩŋ ʋ nyɩmma arɩ ʋ naaŋ kala nɛ. Ɛɛ nɛ saa lɛɛlɛ ʋ sɩ dɩ ʋ lɩɩ Wɩa-jaŋ nɛ a kʋ tuu?”

Jɔɔŋ 6:53

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, dɩ ma nɛ bɩ mɩ-na Nuhuobiine Bie yaraa nammɩa chaŋa, a nyʋa mɩ chalɩŋ ma, ma bɩ jaŋ kɛŋ mɩɩsɩŋ.

Tɩntɩŋŋaa 1:9

Yesu sɩ bʋl ŋɩɩ dɛrɛ, Wɩa joŋu kaa jɩl Wɩa-jaŋ, ka ba chɩna bibeŋ. Ŋɩɩ nɛ duoŋ-bɩlɩmbaanɩŋ kʋ tɔʋ, ba bɩra bɩ ʋ na.

1 Pɩɩta 3:22

Ʋ nɛ lɩɩ dʋnɩa lɛ a jɩl Wɩa-jaŋ a hɔŋ Wɩa nadiiŋ, nɩduoŋ dɩhɔnʋŋ. Ʋ nɛ kɛŋ doluŋ a bibeŋ Wɩa tɩndaaraa arɩ kʋŋkala sɩ kɛŋ doluŋ a hɛ Wɩa-jaŋ lɛ.