Jɔɔŋ 6:53 - WƖA TENIŊ

⁵³ Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, dɩ ma nɛ bɩ mɩ-na Nuhuobiine Bie yaraa nammɩa chaŋa, a nyʋa mɩ chalɩŋ ma, ma bɩ jaŋ kɛŋ mɩɩsɩŋ.

Jɔɔŋ 6:53 ပူးပေါင်းရင်းမြစ်များ

Matiu 18:3

aŋ bʋla pɩba, “Wʋtɩtɩɩ nɛ mɩ bʋlaa pɩma, see dɩ ma kɛŋ ma tɩtɩa muuri a nagɛ hambiisiŋ, dɩ ŋɩɩ dee, ma bɩ jaŋ wuo jʋʋ Wɩa kuorii-la tʋɔŋ.

Matiu 5:18

Wʋtɩtɩɩ nɛ mɩ bʋlaa pɩma, tinteeŋ arɩ wɩa-nyuŋ sɩ jaŋ hɛ nɩmɛ a dieni ŋɩɩ, wɩalɩŋ Mosis fa sɩ ŋmʋnsa bil dɩ nɩaa tuto, ba bɩ jaŋ keri ba mʋa ma ta see dɩ tinteeŋ arɩ wɩa-nyuŋ lɛlɛ.

Matiu 8:20

Ŋɩɩ nɛ Yesu bʋla pʋ, “Jolluŋ kɛŋ bʋɔsʋŋ nɛ a jʋjʋʋ, diibiisiŋ ma kɛŋ dɛllɩŋ a jʋjʋʋ, ama mɩ-na Nuhuobiine Bie bɩ dɩpɩnɩŋ kɛnɛ dɩ mɩ pɩna wiesi.”

Luuk 13:3

Aɩ, ŋɩɩ dee. Dɩ ma nɛ bɩ bɩrɩma lɩɩ ma wʋbɔŋŋɔɔ lɛ, ma kala jaŋ sʋʋ arɩ nɩaa deemba sɩ sʋʋ ŋɩɩ.

Luuk 13:5

Aɩ, ŋɩɩ dee. Mɩ bʋlaa pɩma, dɩ ma kala bɩ bɩrɩma lɩɩ ma wʋbɔŋŋɔɔ lɛ, ma kala jaŋ sʋʋ a nagɛ nɩaa deemba fa sɩ sʋʋ ŋɩɩ.”

Jɔɔŋ 13:8

Ŋɩɩ nɛ Pɩɩta bʋla pʋ, “Ŋ bɩ jaŋ sɔŋ mɩ-na naasɩŋ da.” Yesu ma bʋl, “Dɩ mɩ nɛ bɩ ŋ naasɩŋ sɔmɔ, ŋ bɩra bɩ mɩ harɩ-tooru ŋaa.”

Jɔɔŋ 15:4

Má mɛrɛ mɩ lɛ dɩ mɩ ma mɛrɛ ma lɛ. Tɩa naakelee dʋndʋŋa bɩ jaŋ wuo nɛŋ, see dɩ ba mɛrɛ tɩa gentine lɛ. Ma ma bɩ jaŋ wuo ŋaa wɩɩkala, see dɩ ma mɛrɛ mɩ lɛ.”

Jɔɔŋ 3:3

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ ba wasa lʋl tɩɩna.”

Jɔɔŋ 3:36

Nɩɩ-la kala sɩ laa mɩ-na Wɩa Bie wɩaa dii, ʋ kɛŋ mɩɩsɩ-la sɩ bɩ dɛrɛ, ama nɩɩ-la kala sɩ bɩ mɩ-na Wɩa Bie wɩalɩŋ ka to, ʋ bɩ jaŋ kɔ dɩ ʋ kɛŋ mɩɩsɩ-la sɩ bɩ dɛrɛ, ama Wɩa jaŋ na baanɩŋ ʋ tɩɩna nyuŋ a kaa mʋ wuu.

Jɔɔŋ 3:5

Yesu bʋl, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ Wɩa joŋ ʋ Dɩŋ-zɔmʋŋ hɛ tɩɩna lɛ, dɩ tɩɩna ma pɛ fo Wɩɩchʋɔlɛ lɩɩŋ.

Jɔɔŋ 6:47

Wʋtɩtɩɩ nɛ mɩ bʋlaa pɩma, nɩɩ-la kala sɩ laa mɩ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 6:51

Mɩ-na nɛ ŋaa kʋdiile-la sɩ kɛŋ mɩɩsɩŋ a lɩɩ Wɩa-jaŋ kʋ tuu. Dɩ nʋʋ nɛ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ. Mɩ yaraa nammɩa nɛ ŋaa kʋdiile-la mɩ sɩ jaŋ joŋo pɩ dʋnɩa nɩaa dɩ ba kɛŋ mɩɩsɩŋ.”

Jɔɔŋ 6:55

bɛɛ wɩaa mɩ yaraa nammɩa sɛnɛ ŋaa kʋdiilee nɛ, mɩ chalɩŋ ma sɛnɛ ŋaa lɩɩ-nyʋalʋŋ.

Jɔɔŋ 6:62

Ka dɩ ma nɛ saa fa na mɩ-na Nuhuobiine Bie dɩ mɩ mɩɩraa mʋ lee-la mɩ sɩ lɩa?

1 Jɔɔŋ 5:12

Nɩɩ-la kala sɩ hɛ Wɩa Bie teeŋ kɛŋ mɩɩsɩ-la nɛ. Nɩɩ-la kala ma sɩ bɩ Wɩa bile teeŋ hɛ, ʋ ma bɩ mɩɩsɩ-la kɛnɛ.

Jɔɔŋ Wʋnaalaa 2:17

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dii aa hilimi Esia tinteeŋ lɛ. Nɩɩ-la kala sɩ yuo dii Sɩtaanɩ, mɩ jaŋ joŋ kʋdiile-la sɩ faa Wɩa-jaŋ lɛ a pʋ, a joŋ tabɩɩ-pʋla ma a pʋ. Mɩ jaŋ ŋmʋnsɛ yɩrɩ-falɩŋ a hɛ tabɩɩ-la lɛ. Yɩrɩ-la nʋʋkala bɩ jaŋ jɩmʋ, see nɩɩ-la sɩ laa tabɩɩ-la dʋndʋŋa.”

Jɔɔŋ Wʋnaalaa 2:7

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋlaa pɩ nɩalɩŋ sɩ laa Yesu wɩaa dii a hihilimi lee-kala Esia lɛ. Nɩɩ-la kala sɩ wuo yuo dii Sɩtaanɩ, mɩ jaŋ leŋ dɩ ʋ dii tɩa-la nɛnɛɛ sɩɩ pɩ nɩaa mɩɩsɩŋ a hɛ Wɩa-jaŋ lɛ.