Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jɔɔŋ 6:51 - WƖA TENIŊ

51 Mɩ-na nɛ ŋaa kʋdiile-la sɩ kɛŋ mɩɩsɩŋ a lɩɩ Wɩa-jaŋ kʋ tuu. Dɩ nʋʋ nɛ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ. Mɩ yaraa nammɩa nɛ ŋaa kʋdiile-la mɩ sɩ jaŋ joŋo pɩ dʋnɩa nɩaa dɩ ba kɛŋ mɩɩsɩŋ.”

အခန်းကိုကြည့်ပါ။ ကော်ပီ




Jɔɔŋ 6:51
30 ပူးပေါင်းရင်းမြစ်များ  

Mɩ-na Nuhuobiine Bie, mɩ bɩ kɔ dɩ mɩ chɛ nɩaa dɩ ba tɩma pɩmɛ, mɩ kɔ dɩ mɩ tɩma pɩba nɛ a sʋʋ a laa nɩ-daŋ mɩɩsɩŋ pɩba.”


Ŋɩɩ nɛ Yesu bɩra joŋ boroboro a lɔllɛ Wɩa aŋ kaa chɔgɛ chɔgɛ, a joŋo pɩba aŋ bʋl, “Mɩ yaraa nɛ ŋɩɩ, mɩ joŋo pɩ Wɩa a tɩŋ ma wɩaa, má laa dii. Maa ŋaa ŋɩɩ a liliisi mɩ wɩaa.”


Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.


Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.


Nɩɩ-la ma kala sɩ weye aŋ laa mɩ wɩaa dii, ʋ bɩ jaŋ kɔ dɩ ʋ sʋba. Ŋ laa wɩɩŋ deeŋ dii nɛɛ?”


Nʋʋkala ha bɩ Wɩa-jaŋ jɩla, see mɩ-na Nuhuobiine Bie sɩ lɩɩ nɩmɛ kʋ tuu.


Mosis fa sɩ hɛ gɩrɩ-bine tʋɔŋ, ʋ fa kɛŋ hɔɔŋ a libi dɩmɩŋ nɛ, a joŋo mɛrɛ daaŋ lɛ a kaa jee. Ŋɩɩ tɩtɩa nɛ ba jaŋ kpaasɛ mɩ-na Nuhuobiine Bie ma daaŋ lɛ a kaa jee,


Wɩa cho dʋnɩa nɩaa a mʋ kieli, ŋɩɩ nɛ tɩɩ ʋ joŋ ʋ Bii-bala a pɩla, dɩ nɩɩ-la kala sɩ laa ʋ wɩaa dii, ŋ bɩ jaŋ lɛl, ama ŋ jaŋ kɛŋ mɩɩsɩ-la sɩ bɩ dɛrɛ.


Nɩɩ-la kala sɩ laa mɩ-na Wɩa Bie wɩaa dii, ʋ kɛŋ mɩɩsɩ-la sɩ bɩ dɛrɛ, ama nɩɩ-la kala sɩ bɩ mɩ-na Wɩa Bie wɩalɩŋ ka to, ʋ bɩ jaŋ kɔ dɩ ʋ kɛŋ mɩɩsɩ-la sɩ bɩ dɛrɛ, ama Wɩa jaŋ na baanɩŋ ʋ tɩɩna nyuŋ a kaa mʋ wuu.


Wʋtɩtɩɩ nɛ mɩ bʋla pɩpɩma, nɩɩ-la kala sɩ jegile nɩɩ mɩ niiŋ wɩaa a laa nɩɩ-la ma sɩ tɩmmɛ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ. Sarɩya bɩ jaŋ dii tɩɩna, ʋ lɩɩ sʋʋŋ bʋa lɛ nɛ a kɛŋ mɩɩsɩŋ.


Boroboro-la Wɩa sɩ ta, ʋ lɩɩ Wɩa-jaŋ nɛ a kʋ tuu. Ʋ nɛ pɩ dʋnɩa nɩaa mɩɩsɩŋ.”


Ŋɩɩ nɛ Yesu bʋla pɩba, “Mɩ nɛ ŋaa kʋdiile-la sɩɩ pɩ nɩaa mɩɩsɩŋ. Nɩɩ-la kala sɩ kɔ mɩ teeŋ, losuŋ bɩra bɩ jaŋ kɛnʋ. Nɩɩ-la ma sɩ laa mɩ wɩaa dii, lɩɩnyʋasʋŋ bɩra bɩ jaŋ kɛnʋ.


Ŋɩɩ nɛ Juu tɩŋŋaa suomo gʋgʋrɩmɛ wɩaa, a tɩŋ ʋ sɩ sɩ, “Mɩ-na nɛ ŋaa kʋdiile-la sɩ lɩɩ Wɩa-jaŋ kʋ tuu.”


Wʋtɩtɩɩ nɛ mɩ bʋlaa pɩma, nɩɩ-la kala sɩ laa mɩ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ.


Mɩ nɛ ŋaa kʋdiile-la sɩɩ pɩ nɩaa mɩɩsɩŋ.


Ama kʋdiile-la sɩ lɩɩ Wɩa-jaŋ kʋ tuu, dɩ nʋʋ nɛ diiba, ʋ bɩ jaŋ sʋʋ.


Nɩɩ-la kala sɩ laa mɩ wɩaa dii, ʋ jaŋ nagɛ lɩɩ-bulo ʋ tʋɔŋ lɛ a bubul, arɩ ba sɩ ŋmʋnsɛ ŋɩɩ Wɩa teniŋ tʋɔŋ.”


Wɩa to Kirisito lɛ nɛ a wuo ŋaa ʋ dɩ dʋnɩa nɩaa kala sɩŋ. Wɩa na dʋnɩa nɩaa arɩ ba ŋaa wʋbɔŋŋɔɔ nɛ, ama ʋ fá ba nenige a joŋ ba wʋbɔmɔ-la a chɛba. Wɩa nɛ sɩ la bʋla pɩ nɩaa arɩ la dɩ Wɩa sɩma nɛ lɛɛlɛ.


Kirisito fa bɩ wʋbɔŋ kɛnɛ, ama a tɩŋ la wɩaa, Wɩa leŋe ʋ sʋʋ a nagɛ wʋbɔŋ ŋaarʋ. Wɩa ŋaa ŋɩɩ dɩ la wuo to Kirisito lɛ nɛ a kɛŋ tʋɔpʋla ʋ teeŋ.


Má cho dɔŋɔ arɩ Kirisito sɩ chola ŋɩɩ a sʋʋ la wɩaa. Ʋ joŋ ʋ tɩtɩa a pɩ Wɩa nɛ, ba kpʋʋ arɩ ba sɩ yie kpʋ pʋsʋŋ a nyɩga pɩ Wɩa ŋɩɩ, ʋ sʋɔra sɩŋ.


Baalaa, má cho ma haalaa, arɩ Kirisito sɩ cho nɩalɩŋ sɩ laa Wɩa wɩaa dii aa hilimi ŋɩɩ, ʋ sʋʋ ba wɩaa,


La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.


Wombii-falɩɩ nɛ Yesu suro pɩla. Wombii-la ʋ sɩ suro pɩla lɛ nɛ la jaŋ to a jʋʋ Wɩa dɩ-zɔŋ-la, a kɛŋ mɩɩsɩŋ Wɩa teeŋ. Yesu sɩ sʋba ŋɩɩ, ʋ kɛŋ patɩɩsaŋ-la fa sɩ kɛrɛ Wɩa dɩ-zɔŋ-la lee-la zɔmʋŋ sɩ bɩ magɩa kɛnɛ suro pɩla nɛ.


Ŋɩɩ wɩaa, má kʋ kpagɛ La Tɩɩna Kirisito, Nɩɩ-la sɩ nagɛ tabɩɩ-la sɩ kɛŋ mɩɩsɩŋ. Nɩaa vɩaʋ ta nɛ, ama Wɩa nɛ lɩɩsʋ ʋ ŋaa kʋzɔŋ ʋ teeŋ.


Ʋ nɛ joŋ ʋ mɩɩsɩŋ a yɔɔ sʋʋŋ la wʋbɔŋŋɔɔ wɩaa, dɩ Wɩa joŋ la wʋbɔŋŋɔɔ a chɛla. La dʋndʋŋa wʋbɔŋŋɔɔ wɩaa dee, ama dʋnɩa nɩaa kala wʋbɔŋŋɔɔ wɩaa nɛ.


Ŋ-la nɛ chonuŋ nagɛ: Ʋ bɩ naga la nɛ laa sɩpaaŋ cho Wɩa, ama Wɩa nɛ laa sɩpaaŋ chola. Ʋ tɩŋ ʋ Bie ʋ kʋ tuu sʋʋ la wɩaa, dɩ Wɩa joŋ ʋ baanɩŋ ta ʋ fa sɩ kɛnɛ a tɩŋ la wʋbɔŋŋɔɔ wɩaa, a joŋ la wʋbɔŋŋɔɔ chɛla.


La tɩtɩa na nɛ a laa dii arɩ Wɩa ta ʋ Bie dɩ ʋ kʋ tuu ŋaa dʋnɩa nɩaa Laataara nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ