Jɔɔŋ 6:40 - WƖA TENIŊ

⁴⁰ Wɩalɩŋ mɩ Nyɩmma sɩɩ chɛ nɛ ŋ-la: Dɩ nʋʋ na-kala sɩ na mɩ-na ʋ Bie a laa mɩ wɩaa dii, dɩ ʋ kɛŋ mɩɩsɩ-la sɩ bɩ dɛrɛ. Dʋnɩa dɩdɛrɩŋ ma, mɩ jaŋ chɩsʋ sʋʋŋ lɛ dɩ ʋ kɛŋ mɩɩsɩŋ.”

Jɔɔŋ 6:40 ပူးပေါင်းရင်းမြစ်များ

AZAAYA 52:10

La TƖƖNA jaŋ dagɛ ʋ doluŋ dɩ tinteyee kala na. Dʋnɩa sɛmɛ na-kala nɩaa jaŋ na ŋɩɩ, la Wɩa sɩ laa ʋ nɩaa ta.

AZAAYA 53:2

La TƖƖNA sɩɩŋ lɛ nɛ ka ʋ tɩntɩnna wʋwaa, a nagɛ jɩnjaaŋ-bʋgʋŋ sɩ tɔsɔ lɩlɩɩ tintee-hɩlɩŋ lɛ. Ʋ bɩ tʋla kɛnɛ sɩ jaŋ leŋ dɩ nʋʋ bɩbagɩsʋ a kɔ ʋ teeŋ, kʋŋkala tuo ʋ lɛ sɩ jaŋ ŋaa dɩ la chou.

NAMBABA 21:9

Ŋɩɩ nɛ Mosis kɛŋ kɔlɩɩŋ libi dɩmɩŋ a joŋo mɛrɛ daaterige lɛ a joŋo pɛ. Dɩ dɩma-la kʋŋ nɛ dɩŋ nɩalɩŋ dɔŋɔ, ʋ yie wʋla beŋ kɔlɩɩŋ dɩŋ-la nɛ a duori.

Matiu 10:15

Mɩ bʋlaa pɩma arɩ sarɩya chɛ-diiliŋ, Wɩa jaŋ dɔgɩsɛ taŋ-la nɩaa a kɩɩ bʋa-la lɛ ʋ sɩ dɔgɩsɛ Sodom arɩ Gomora nɩaa ŋɩɩ.”

Matiu 25:46

Ŋɩɩ nɛ ba jaŋ jʋʋ lee-la hɛɛŋ sɩ bɩ dɛrɛ, aŋ ka dɩ tʋɔpʋl tɩŋŋaa ma jʋʋ lee-la mɩɩsɩŋ sɩ bɩ dɛrɛ.”

Maak 16:16

Nɩɩ-la kala sɩ laa mɩ wɩaa dii a leŋ ba fou Wɩɩchʋɔlɛ lɩɩŋ, Wɩa jaŋ laaʋ ta, ama nɩɩ-la kala sɩ bɩ mɩ wɩaa laa dii, Wɩa jaŋ joŋ cheeriŋ pʋ.

Luuk 2:30

Mɩ sɛnɛ na nɩɩ-la sɩ kɔ dɩ ʋ laa dʋnɩa nɩaa ta nɛ.

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 10:28

Ŋɩɩ nɛ mɩ pɩba mɩɩsɩ-la sɩ bɩ dɛrɛ, ba bɩ jaŋ kɔ dɩ ba sʋba. Nʋʋ ma saa bɩ jaŋ wuo kɛmba kaa laa mɩ nɩsɩŋ lɛ da.

Jɔɔŋ 11:24

Ŋɩɩ nɛ Maata bʋla pʋ, “Mɩ jɩma arɩ dʋnɩa chɛ-dɛrɩŋ ʋ jaŋ sii sʋʋŋ lɛ, bʋa-la lɛ nɩalɩŋ kala sɩ sʋba sɩ jaŋ sii.”

Jɔɔŋ 11:25

Ŋɩɩ nɛ Yesu bʋla pʋ, “Mɩ nɛ ŋaa Nɩɩ-la sɩ jaŋ sii sʋʋŋ lɛ, a chɩsɛ nɩaa sʋʋŋ lɛ dɩ ba kɛŋ mɩɩsɩŋ. Nʋʋkala sɩ laa mɩ wɩaa dii, dɩ ŋ sʋba ma, ŋ jaŋ sii a kɛŋ mɩɩsɩŋ.

Jɔɔŋ 12:45

Nɩɩ-la kala sɩ namɛ, ʋ na nɩɩ-la ma sɩ tɩmmɛ nɛ.

Jɔɔŋ 12:50

Mɩ jɩma arɩ wɩalɩŋ ʋ sɩɩ dagʋ jaŋ pɩ nɩalɩŋ sɩɩ toba mɩɩsɩ-la sɩ bɩ dɛrɛ. Ŋɩɩ wɩaa, wɩalɩŋ kala mɩ sɩɩ bʋl, mɩ Nyɩmma nɛ dagɛmɛ.”

Jɔɔŋ 14:17

Ʋ jaŋ dɩdagɛma wʋtɩtɩɩ. Dʋnɩa nɩaa bɩ ʋ jɩŋ. Ba bɩ jaŋ wuo naʋ, ŋɩɩ nɛ tɩɩ ʋ bɩ jaŋ wuo hɛ ba lɛ. Ama ma-na jɩmʋ nɛ. Ʋ hɛ ma teeŋ nɛ. Ʋ saa jaŋ hɛ ma lɛ.

Jɔɔŋ 14:19

Ʋ ka mʋa dʋnɩa nɩaa bɩra bɩ jaŋ namɛ, ama ma-na jaŋ namɛ. Mɩ sɩ jaŋ kɛŋ mɩɩsɩŋ ŋɩɩ, ma ma jaŋ kɛŋ mɩɩsɩŋ.

Jɔɔŋ 17:2

Ŋ nɛ joŋ doluŋ pɩmɛ dɩ mɩ bibeŋ nuhuobiinee kala, a joŋ mɩɩsɩ-la sɩ bɩ dɛrɛ a pɩ nɩalɩŋ kala ŋ sɩ lɩɩsa pɩmɛ.

Jɔɔŋ 3:36

Nɩɩ-la kala sɩ laa mɩ-na Wɩa Bie wɩaa dii, ʋ kɛŋ mɩɩsɩ-la sɩ bɩ dɛrɛ, ama nɩɩ-la kala sɩ bɩ mɩ-na Wɩa Bie wɩalɩŋ ka to, ʋ bɩ jaŋ kɔ dɩ ʋ kɛŋ mɩɩsɩ-la sɩ bɩ dɛrɛ, ama Wɩa jaŋ na baanɩŋ ʋ tɩɩna nyuŋ a kaa mʋ wuu.

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Jɔɔŋ 5:24

Wʋtɩtɩɩ nɛ mɩ bʋla pɩpɩma, nɩɩ-la kala sɩ jegile nɩɩ mɩ niiŋ wɩaa a laa nɩɩ-la ma sɩ tɩmmɛ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ. Sarɩya bɩ jaŋ dii tɩɩna, ʋ lɩɩ sʋʋŋ bʋa lɛ nɛ a kɛŋ mɩɩsɩŋ.

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Jɔɔŋ 6:39

Ŋ-la nɛ nɩɩ-la sɩ tɩmmɛ chɩchɛ dɩ mɩɩ ŋaa: Dɩ mɩ sɩ́ leŋe dɩ nɩalɩŋ ʋ sɩ joŋo pɩmɛ kʋŋkala lɛl, ama dɩ mɩ chɩsɛ ba kala dʋnɩa dɩdɛrɩŋ dɩ ba kɛŋ mɩɩsɩŋ.

Jɔɔŋ 6:44

Nʋʋkala bɩ jaŋ wuo kɔ mɩ teeŋ, see dɩ mɩ Nyɩmma-la sɩ tɩmmɛ nɛ kɛŋ ʋ tɩɩna kaa kɔ mɩ teeŋ, dɩ mɩ chɩsʋ sʋʋŋ lɛ dʋnɩa dɩdɛrɩŋ.

Jɔɔŋ 6:54

Nɩɩ-la kala sɩ chaŋ mɩ yaraa nammɩa, a nyʋa mɩ chalɩŋ ma, ʋ jaŋ kɛŋ mɩɩsɩ-la sɩ bɩ dɛrɛ. Dɩ dʋnɩa nɛ dɛrɛ, mɩ jaŋ chɩsɛ ʋ tɩɩna sʋʋŋ lɛ dɩ ʋ kɛŋ mɩɩsɩŋ,

Jɔɔŋ 8:56

Ma naabalɩma Abɩraham faa jʋɔsʋ nɛ ʋ sɩ nɩa arɩ mɩ jaŋ kɔ dʋnɩa. Ʋ sɩ na ŋɩɩ, ʋ tʋɔŋ fa tɔrɔ nɛ.”

Rom Tɩŋŋaa 5:21

Wʋbɔŋŋɔɔ sɩ kɛŋ doluŋ a laa dʋnɩa nɩaa tɩɩ ŋɩɩ, ŋɩɩ nɛ kɛŋ sʋʋŋ kaa kɔ. Ŋɩɩ tɩtɩa nɛ Wɩa lahɔrɩmɔ-la ma to tʋɔpʋla-la Wɩa sɩ leŋe la kɛŋ lɛ a yuo dii dʋnɩa. Ŋɩɩ leŋ la to La Tɩɩna Yesu Kirisito lɛ a kɛŋ mɩɩsɩ-la sɩ bɩ dɛrɛ.

Rom Tɩŋŋaa 6:23

Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Hiburu TƖŊŊAA 11:1

Dɩ ŋ nɛ laa Wɩa wɩaa dii, ŋ yie jɩŋ arɩ kɩalɩŋ ŋ sɩɩ yɩɛlʋ Wɩa teeŋ, ŋ jaŋ naba. Ŋ jaŋ jɩŋ arɩ kɩalɩŋ ŋ sɩɩŋ sɩ bɩ na sɛnɛ hɛ nɩmɛ nɛ.

Hiburu TƖŊŊAA 11:27

Mosis fa laa Wɩa wɩaa dii nɛ, ŋɩɩ nɛ tɩɩ ʋ lɩɩ Ijipiti tinteeŋ lɛ. Ʋ jɩma arɩ Ijipiti kuoro jaŋ na baanɩŋ ʋ nyuŋ, ama ʋ bɩ leŋe ŋɩɩ fawʋllʋŋ kɛnʋ. Ʋ na hɛɛŋ nɛ, ama ʋ nyalɩma nɛ aŋ beŋ Wɩa lɛ, Wɩa-la la sɩ bɩ na.

1 Pɩɩta 1:8

Arɩ ma ha sɩ bɩ Yesu Kirisito na ma kala, ma ha chou nɛ. Ma ha sɩ bɩ ʋ na lɛɛlɛ ma, ma laa ʋ wɩaa dii nɛ. Ma tʋɔŋ tɔrɛ nɛ woruŋ, ma paala bɩ jaŋ wuo dagɛ ŋɩɩ ma tʋɔŋ sɩ tɔrɛ magɛ.

1 Jɔɔŋ 2:25

Wɩɩ-la Kirisito tɩtɩa sɩ bʋla dɩ ʋ jaŋ ŋaa pɩla nɛ ŋ-la: Ʋ sɩ ʋ jaŋ joŋ mɩɩsɩ-la sɩ bɩ dɛrɛ a pɩla.

Juud 1:21

Wɩa sɩ choma ŋɩɩ, má chɩŋ ŋɩɩ lɛ kpaŋ kpaŋ, a gbɛrɛ La Tɩɩna Yesu Kirisito dɩ ʋ kɔ, Nɩɩ-la sɩ jaŋ fá ma nenige a pɩma mɩɩsɩ-la sɩ bɩ dɛrɛ.