Jɔɔŋ 6:39 - WƖA TENIŊ

³⁹ Ŋ-la nɛ nɩɩ-la sɩ tɩmmɛ chɩchɛ dɩ mɩɩ ŋaa: Dɩ mɩ sɩ́ leŋe dɩ nɩalɩŋ ʋ sɩ joŋo pɩmɛ kʋŋkala lɛl, ama dɩ mɩ chɩsɛ ba kala dʋnɩa dɩdɛrɩŋ dɩ ba kɛŋ mɩɩsɩŋ.

Jɔɔŋ 6:39 ပူးပေါင်းရင်းမြစ်များ

Jɔɔŋ 17:12

Mɩ sɩ hɛ ba teeŋ, mɩ beŋ ba nyuŋ nɛ woruŋ ŋ doluŋ lɛ, dol-la ŋ sɩ joŋo pɩmɛ nɛ mɩ kaa bemba. Mɩ sɩ ŋaa ŋɩɩ, ba kʋbala ma bɩ lɛlɛ, see nɩɩ-la sɩ maga dɩ ʋ lɛl, dɩ wɩalɩŋ ba fa sɩ ŋmʋnsa Wɩa teniŋ tʋɔŋ sɛnɛ ŋaa.

Jɔɔŋ 6:40

Wɩalɩŋ mɩ Nyɩmma sɩɩ chɛ nɛ ŋ-la: Dɩ nʋʋ na-kala sɩ na mɩ-na ʋ Bie a laa mɩ wɩaa dii, dɩ ʋ kɛŋ mɩɩsɩ-la sɩ bɩ dɛrɛ. Dʋnɩa dɩdɛrɩŋ ma, mɩ jaŋ chɩsʋ sʋʋŋ lɛ dɩ ʋ kɛŋ mɩɩsɩŋ.”

Jɔɔŋ 18:9

(Ʋ bʋl ŋɩɩ dɩ wɩɩ-la ʋ fa sɩ bʋla, dɩ ʋ sɛnɛ ŋaa wʋtɩtɩɩ nɛ. Ʋ fa sɩ, “Nɩalɩŋ kala Wɩa sɩ lɩɩsa pɩmɛ, ba kʋŋkala bɩ lɛlɛ).”

Jɔɔŋ 6:54

Nɩɩ-la kala sɩ chaŋ mɩ yaraa nammɩa, a nyʋa mɩ chalɩŋ ma, ʋ jaŋ kɛŋ mɩɩsɩ-la sɩ bɩ dɛrɛ. Dɩ dʋnɩa nɛ dɛrɛ, mɩ jaŋ chɩsɛ ʋ tɩɩna sʋʋŋ lɛ dɩ ʋ kɛŋ mɩɩsɩŋ,

Jɔɔŋ 6:44

Nʋʋkala bɩ jaŋ wuo kɔ mɩ teeŋ, see dɩ mɩ Nyɩmma-la sɩ tɩmmɛ nɛ kɛŋ ʋ tɩɩna kaa kɔ mɩ teeŋ, dɩ mɩ chɩsʋ sʋʋŋ lɛ dʋnɩa dɩdɛrɩŋ.

Jɔɔŋ 6:37

Nʋʋkala mɩ Nyɩmma sɩ joŋo pɩmɛ, ʋ jaŋ kɔ mɩ teeŋ. Nɩaa deemba kala sɩ kɔ mɩ teeŋ, mɩ bɩ jaŋ kɔ dɩ mɩ kiriba ta,

Juud 1:1

Mɩ-na Juud nɛ ŋmʋnsɛ teniŋ deeŋ. Mɩ ŋaa Yesu Kirisito tɩntɩnnʋ nɛ a ŋaa Jeems naambii ma. Mɩ ŋmʋnsɛ teniŋ deeŋ a pɩpɩ nɩalɩŋ Wɩa sɩ yɩra, nɩalɩŋ la Nyɩmma Wɩa sɩ cho, nɩalɩŋ Yesu Kirisito sɩɩ pɔ.

Rom Tɩŋŋaa 8:11

Wɩa nɛ chɩsɛ Yesu sʋʋŋ lɛ. Dɩ ʋ Dɩŋ-zɔŋ-la nɛ hɛ ma lɛ, ʋ jaŋ chɩsɛ ma yara-la sɩ jaŋ pʋa sʋʋŋ lɛ dɩ ma kɛŋ mɩɩsɩŋ, arɩ ʋ sɩ chɩsɛ Yesu sʋʋŋ lɛ ŋɩɩ. Ʋ jaŋ to ʋ Dɩŋ-zɔŋ-la sɩ hɛ ma lɛ nɛ a ŋaa ŋɩɩ.

Luuk 12:32

Ŋɩɩ nɛ Yesu bɩra bʋl, “Ma nɩalɩŋ sɩɩ tomi, ma bɩ yʋgɛ. Má sɩ́ leŋe dɩ fawʋllʋŋ kɛmma. Ma Nyɩmma tʋɔŋ tɔrɔ nɛ dɩ ʋ joŋ ʋ kuorii-la pɩma.

Matiu 18:14

Ŋɩɩ tɩtɩa nɛ saa mɩ Nyɩmma sɩ hɛ Wɩa-jaŋ bɩ chɛ dɩ hambiisiŋ deemba kʋŋ lɛl.”

1 Pɩɩta 1:5

A tɩŋ ma sɩ laa ʋ wɩaa dii ŋɩɩ, Wɩa ka pɔma nɛ arɩ ʋ doluŋ. Dɩ dʋnɩa nɛ kʋ dɩdɛrɛ, ʋ jaŋ dagɛ nɩaa ŋɩɩ ʋ sɩ laama ta.

Jɔɔŋ 12:48

Wɩalɩŋ mɩ sɩ bʋla pɩma nɛ jaŋ dii tɩɩna sɩ bɩ mɩ wɩaa laa dii sarɩya chɛɛ-la dʋnɩa sɩ jaŋ dɛrɛ.

2 Timoti 2:19

Ama dɩa gentiŋ-duo-la Wɩa sɩ bile pɩ ʋ nɩaa, ʋ bɩ jaŋ wuo jigisi. Wɩalɩŋ ba sɩ ŋmʋnsa hɛ ʋ lɛ nɛ ŋ-la: “La Tɩɩna Wɩa jɩŋ nɩalɩŋ sɩ ŋaa ʋ nɩaa nɛ.” Ba bɩra ŋmʋnsa arɩ ʋ maga dɩ nɩɩ-la kala sɩ sɩ ʋ ŋaa Wɩa nʋʋ nɛ, dɩ ʋ leŋ wʋbɔŋŋɔɔ ŋaanɩŋ.

Jɔɔŋ 5:28

Má sɩ́ leŋe dɩ wɩɩŋ deeŋ ŋaama wʋkpuŋkpere. Bʋa kʋbala jaŋ yi dɩ nɩalɩŋ kala sɩ sʋba a hɛ bʋɔsʋŋ lɛ nɩɩ mɩ yikoro,

1 SAMƲƐL 25:29

Dɩ nʋʋ dɔŋ nɛ paala kikiri dɩ ʋ kpʋŋ ma, La TƖƖNA Wɩa sɩ weye jaŋ pɔŋ woruŋ, dɩ ŋ mɩɩsɩŋ sɩ́ lɩɩ. Ama ʋ jaŋ guu lɩɩsɛ ŋ dʋndɔmɔ-la mɩɩsɩŋ lɩma, a kɩɩ ba sɩ joŋ tabɩɩŋ hɛ kpalɩŋ lɛ a yuo ŋɩɩ.

JƐRƖMAAYA 23:4

Mɩ jaŋ lɩɩsɛ sɩpaalaaraa pɩba dɩ ba bemba. Fawʋllʋŋ bɩra bɩ jaŋ kɛmba, ba bɔyɛ ma bɩ jaŋ joŋ. Ba kʋŋkala bɩ jaŋ lɛl. Mɩ-na ma TƖƖNA nɛ bʋla.”

Matiu 10:15

Mɩ bʋlaa pɩma arɩ sarɩya chɛ-diiliŋ, Wɩa jaŋ dɔgɩsɛ taŋ-la nɩaa a kɩɩ bʋa-la lɛ ʋ sɩ dɔgɩsɛ Sodom arɩ Gomora nɩaa ŋɩɩ.”

Jɔɔŋ 17:2

Ŋ nɛ joŋ doluŋ pɩmɛ dɩ mɩ bibeŋ nuhuobiinee kala, a joŋ mɩɩsɩ-la sɩ bɩ dɛrɛ a pɩ nɩalɩŋ kala ŋ sɩ lɩɩsa pɩmɛ.

Jɔɔŋ 17:6

Mɩ leŋe nɩalɩŋ ŋ sɩ lɩɩsa pɩmɛ dʋnɩa nɩaa tʋɔŋ jɩmɩŋ nɛ. Ba fa ŋaa ŋ kɩaa nɛ, ŋ nɛ lɩɩsɛba pɩmɛ. Ba sɛɩ ŋ niiŋ wɩaa.

Jɔɔŋ 17:9

Mɩ sʋlʋŋ pɩpɩba nɛ. Mɩ bɩŋ sʋla pɩpɩ dʋnɩa nɩaa, see nɩalɩŋ ŋ sɩ lɩɩsa pɩmɛ dʋndʋŋa. Ba nɛ ŋaa ŋ kɩaa.

Jɔɔŋ 17:24

Mɩ Nyɩmma, ŋ paala chomi nɛ a leŋ mɩ laa yɩrɩŋ, ka dʋnɩa-na suomi. Mɩ saa chɛ dɩ ŋ leŋ dɩ nɩalɩŋ ŋ sɩ lɩɩsa pɩmɛ, dɩ ba hɛ mɩ teeŋ lee na-kala mɩ sɩ jaŋ hɛ nɛ, dɩ ba wuo na ŋɩɩ ŋ sɩ leŋe mɩ laa yɩrɩŋ.

1 Kɔrɩntɩ Nɩaa 6:14

Wɩa doluŋ lɛ nɛ ʋ chɩsɛ La Tɩɩna Kirisito sʋʋŋ lɛ. Ʋ jaŋ chɩsɛ la ma sʋʋŋ lɛ.

Jeems 5:15

Dɩ ba nɛ laa dii arɩ Wɩa jaŋ sɛnɛ ŋaa wɩɩ-la ba sɩ sʋlʋ chɩchɛ, ʋ jaŋ leŋ dɩ nɩɩ-la sɩɩ wɩɩlʋ duori a kɛŋ doluŋ. Dɩ ʋ nɛ kɛŋ wʋbɔŋŋɔɔ ma, Wɩa jaŋ joŋ ba kala chɛʋ.