Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jɔɔŋ 6:32 - WƖA TENIŊ

32 Ŋɩɩ nɛ Yesu bʋl, “Mɩ bʋl wʋtɩtɩɩ nɛ a pɩpɩma, kɩalɩŋ Mosis sɩ pɩma, ʋ dee bɩ ma pa, Wɩa nɛ pɩma. Kʋdiile-la bɩ ma mɩɩsɩ-la sɩ bɩ dɛrɛ ka pa. Mɩ Nyɩmma nɩɩ pɩ nɩaa boroboro tɩtɩɩ-la sɩ lɩɩ Wɩa-jaŋ.

အခန်းကိုကြည့်ပါ။ ကော်ပီ




Jɔɔŋ 6:32
14 ပူးပေါင်းရင်းမြစ်များ  

Ka Wɩa ha bʋl wɩaa wɩa-nyuŋ a leŋ Wɩa-jaŋ borusuŋ suri.


Ŋɩɩ nɛ La TƖƖNA bʋla pɩ Mosis, “Mɩ jaŋ leŋ dɩ kʋdiilee lɩɩ wɩa-nyuŋ kʋ tuu a pɩma a nagɛ duonuŋ sɩ yie lɩɩ wɩa-nyuŋ kʋʋ tuu ŋɩɩ. Tapʋlɩɩ na-kala nɩalɩŋ jaŋ lɩɩ paa ba sɩ jaŋ wuo dii magɛ ŋɩɩ. Mɩɩ chɛ dɩ mɩ magɩsɛba a na ba jaŋ to wɩalɩŋ mɩ sɩ dagɛba koo ba bɩ jaŋ to.


Ŋɩɩ nɛ Mosis bɩra bʋl, “Dɩdaanɩŋ deeŋ La TƖƖNA jaŋ pɩma nammɩa dɩ ma chaŋ. Chie chʋchʋɔŋ ʋ jaŋ pɩma kʋdiilee dɩ ma dii a vɔgɛ. Dɩ ʋ nɛ ŋaa ŋɩɩ, ma jaŋ jɩŋ arɩ La TƖƖNA nɛ kɛmma kaa kɔ daha. Ʋ nɩɩ wɩalɩŋ ma sɩ gʋrʋma ʋ teeŋ nɛ. La ma nɛ kʋbɛɛba maa gʋrɩmɛ wɩaa la teeŋ? La TƖƖNA teeŋ nɛ maa gʋrɩmɛ.”


Ŋɩɩ nɛ pʋlʋŋ-la tɩtɩa kʋ tuu dʋnɩa dɩ ʋ chaana hɛ nʋʋkala lɛ.


Ŋɩɩ nɛ Yesu bʋl, “Mɩ nɛ ŋaa tɩɩ-tɩtɩɩ-la. Mɩ Nyɩmma ma nagɛ nɩɩ-la sɩɩ beŋ tɩa-la nɛ.


La naabalɩmaba dii kʋdiilee nɛ tintee-hɩlɩŋ lɛ baa yɩrɛ Mana. Wɩalɩŋ ba sɩ ŋmʋnsa Wɩa teniŋ tʋɔŋ nɛ ŋ-la: ‘Ʋ joŋ boroboro-la sɩ lɩɩ Wɩa-jaŋ nɛ a pɩba dɩ ba dii.’ ”


Boroboro-la Wɩa sɩ ta, ʋ lɩɩ Wɩa-jaŋ nɛ a kʋ tuu. Ʋ nɛ pɩ dʋnɩa nɩaa mɩɩsɩŋ.”


Ŋɩɩ nɛ Yesu bʋla pɩba, “Mɩ nɛ ŋaa kʋdiile-la sɩɩ pɩ nɩaa mɩɩsɩŋ. Nɩɩ-la kala sɩ kɔ mɩ teeŋ, losuŋ bɩra bɩ jaŋ kɛnʋ. Nɩɩ-la ma sɩ laa mɩ wɩaa dii, lɩɩnyʋasʋŋ bɩra bɩ jaŋ kɛnʋ.


Ŋɩɩ nɛ Juu tɩŋŋaa suomo gʋgʋrɩmɛ wɩaa, a tɩŋ ʋ sɩ sɩ, “Mɩ-na nɛ ŋaa kʋdiile-la sɩ lɩɩ Wɩa-jaŋ kʋ tuu.”


Ama kʋdiile-la sɩ lɩɩ Wɩa-jaŋ kʋ tuu, dɩ nʋʋ nɛ diiba, ʋ bɩ jaŋ sʋʋ.


bɛɛ wɩaa mɩ yaraa nammɩa sɛnɛ ŋaa kʋdiilee nɛ, mɩ chalɩŋ ma sɛnɛ ŋaa lɩɩ-nyʋalʋŋ.


Kʋdiile-la sɩ lɩɩ Wɩa-jaŋ kʋ tuu nɛ ŋɩɩ. Ʋ bɩ naga kʋdiile-la ma naabalɩmaba sɩ die aŋ ha sʋʋ nɛ. Nɩɩ-la kala sɩ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ.”


Ama bʋa-la tɩtɩa sɩ yie, Wɩa tɩŋ ʋ bie nɛ. Haal nɛ lʋlʋ. Ʋ ma faa to Juu tɩŋŋaa naabalɩmaba wombii-la nɛ,


La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ