Jɔɔŋ 6:31 - WƖA TENIŊ

³¹ La naabalɩmaba dii kʋdiilee nɛ tintee-hɩlɩŋ lɛ baa yɩrɛ Mana. Wɩalɩŋ ba sɩ ŋmʋnsa Wɩa teniŋ tʋɔŋ nɛ ŋ-la: ‘Ʋ joŋ boroboro-la sɩ lɩɩ Wɩa-jaŋ nɛ a pɩba dɩ ba dii.’ ”

Jɔɔŋ 6:31 ပူးပေါင်းရင်းမြစ်များ

NƐHƖMAAYA 9:15

Losuŋ sɩ kɛmba, ŋ pɩba Wɩa-jaŋ kʋdiilee nɛ. Lɩɩ-nyʋasʋŋ ma sɩ kɛmba, ŋ leŋe lɩɩŋ lɩɩ bʋŋ lɛ nɛ ba nyʋa. Ŋ bʋla pɩba arɩ ba yuo laa tintee-la ŋ sɩ chaasa ŋmɩɛsɛ arɩ ŋ jaŋ joŋo pɩba nɛ.

NƐHƖMAAYA 9:20

Ŋ joŋ ŋ Dɩma sɩ zɔmɔ pɩba nɛ ʋ dɩdagɛba. Ŋ bɩ ba kʋdiile-la ba sɩɩ yɩrɛ ‘mana’ vɔmɔ, ŋ pɩba lɩɩŋ ma nɛ ba nyʋa.

WƖA YƖƖLAA 105:40

Nɩalɩŋ sɩ pɩɛsa a chɩchɛ kʋdiilee, ʋ pɩba jɩmpɩrɩwɩɩba. Ʋ leŋe kʋdiilee lɩɩ Wɩa-jaŋ a kʋ tuu nɛ ba dii vɔgɛ.

MOSIS KƐŊ IZIRAL TƖŊŊAA LƖƖ 16:35

Ŋɩɩ nɛ Iziral tɩŋŋaa dii ‘mana-la’ halɩɩ jɩsɩŋ mahɩŋ balɩa a kaa mʋ yi bʋa-la lɛ ba sɩ yi Kɛnaŋ tintee-la lɛ ba sɩ hɔnɔ.

Jɔɔŋ 6:32

Ŋɩɩ nɛ Yesu bʋl, “Mɩ bʋl wʋtɩtɩɩ nɛ a pɩpɩma, kɩalɩŋ Mosis sɩ pɩma, ʋ dee bɩ ma pa, Wɩa nɛ pɩma. Kʋdiile-la bɩ ma mɩɩsɩ-la sɩ bɩ dɛrɛ ka pa. Mɩ Nyɩmma nɩɩ pɩ nɩaa boroboro tɩtɩɩ-la sɩ lɩɩ Wɩa-jaŋ.

Jɔɔŋ 6:49

Ma naabalɩmaba dii kʋdiile-la ba sɩɩ yɩrɛ ‘Mana’ nɛ tintee-hɩlɩŋ lɛ, arɩ ŋɩɩ kala ba-na ha sʋba nɛ.

Jɔɔŋ 6:58

Kʋdiile-la sɩ lɩɩ Wɩa-jaŋ kʋ tuu nɛ ŋɩɩ. Ʋ bɩ naga kʋdiile-la ma naabalɩmaba sɩ die aŋ ha sʋʋ nɛ. Nɩɩ-la kala sɩ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ.”

1 Kɔrɩntɩ Nɩaa 10:3

Ba kala dii kʋdiile-la Wɩa sɩ joŋo lo a pɩba nɛ,

MOSIS BƖRA WULLI WƖA WOMBIIŊ 8:3

Ʋ ŋaa ma sɩaa tuu tinteeŋ nɛ, ʋ joŋ losuŋ kpʋma, aŋ bɩra leŋ ma dii kʋdiile-la ba sɩɩ yɩrɛ “Mana.” Ma dɩ ma nyɩmmaba kʋŋkala bɩ kʋdiile-la jɩŋ. Ʋ ŋaa wɩɩŋ deeŋ a chɩchɛ ma jɩŋ arɩ kʋdiilee dʋndʋŋa dee bɩ nuhuobiine mɩɩsɩŋ ka pa, ama Wɩa niiŋ wɩalɩŋ ʋ sɩɩ bʋl nɩɩ pɩ mɩɩsɩŋ.

JOSUA 5:12

Iziral tɩŋŋaa sɩ dii tintee-la kʋdiilee taŋ sii pʋl, ‘mana-la’ fa sɩ yie tel ba didii bɩra bɩ tele. Jɩna-la Kɛnaŋ tinteeŋ kʋdiilee nɛ ba dii.

Jɔɔŋ Wʋnaalaa 2:17

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dii aa hilimi Esia tinteeŋ lɛ. Nɩɩ-la kala sɩ yuo dii Sɩtaanɩ, mɩ jaŋ joŋ kʋdiile-la sɩ faa Wɩa-jaŋ lɛ a pʋ, a joŋ tabɩɩ-pʋla ma a pʋ. Mɩ jaŋ ŋmʋnsɛ yɩrɩ-falɩŋ a hɛ tabɩɩ-la lɛ. Yɩrɩ-la nʋʋkala bɩ jaŋ jɩmʋ, see nɩɩ-la sɩ laa tabɩɩ-la dʋndʋŋa.”