Jɔɔŋ 6:29 - WƖA TENIŊ

²⁹ Ʋ bʋl, “Tɩntɩmɩɩ-la Wɩa sɩ cho dɩ maa tɩŋ nɛ ŋ-la: Má laa mɩ-na nɩɩ-la ʋ sɩ tɩma wɩaa dii.”

Jɔɔŋ 6:29 ပူးပေါင်းရင်းမြစ်များ

1 Jɔɔŋ 3:23

Wɩɩ-la ʋ sɩ daga nɛ: dɩ la laa ʋ Bie Yesu Kirisito wɩaa dii a cho dɔŋɔ, arɩ ŋɩɩ ʋ sɩ dagɛla.

Tɩntɩŋŋaa 16:31

Ŋɩɩ nɛ ba bʋla pʋ, “Laa La Tɩɩna Yesu wɩaa dii, dɩ Wɩa laa ŋ dɩ ŋ dɩa nɩaa kala ta.”

Hiburu TƖŊŊAA 5:9

Ʋ sɩ to Wɩa niiŋ kala dɛrɛ, ʋ kʋ ŋaa nɩalɩŋ kala ma sɩɩ to ʋ niiŋ sɩpaalaara, a laaba ta a kaa mʋ deeŋ deeŋ.

Jɔɔŋ 3:36

Nɩɩ-la kala sɩ laa mɩ-na Wɩa Bie wɩaa dii, ʋ kɛŋ mɩɩsɩ-la sɩ bɩ dɛrɛ, ama nɩɩ-la kala sɩ bɩ mɩ-na Wɩa Bie wɩalɩŋ ka to, ʋ bɩ jaŋ kɔ dɩ ʋ kɛŋ mɩɩsɩ-la sɩ bɩ dɛrɛ, ama Wɩa jaŋ na baanɩŋ ʋ tɩɩna nyuŋ a kaa mʋ wuu.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.

Maak 16:16

Nɩɩ-la kala sɩ laa mɩ wɩaa dii a leŋ ba fou Wɩɩchʋɔlɛ lɩɩŋ, Wɩa jaŋ laaʋ ta, ama nɩɩ-la kala sɩ bɩ mɩ wɩaa laa dii, Wɩa jaŋ joŋ cheeriŋ pʋ.

Jɔɔŋ 5:39

Ma yie fɩɛsɛ sɩɩŋ a kɩkarɩmɛ Wɩa teniŋ. Ma bɩɩna arɩ ma nɩɩ ŋaa ŋɩɩ, ma jaŋ wuo kɛŋ mɩɩsɩ-la sɩ bɩ dɛrɛ. Wɩa teŋ-la ma sɩɩ karɩmʋ ma paala bʋl mɩ wɩaa nɛ.

WƖA YƖƖLAA 2:12

Má zil ʋ Nanʋala, dɩ ŋɩɩ dee ʋ baanɩŋ jaŋ wuo guu sii dɩ ʋ kpʋma. Wɩa jaŋ pɛ nɩalɩŋ sɩ yuoru lɛ.

Matiu 17:5

Pɩɩta fa ha sɩɩ bʋl wɩaa ŋɩɩ, dɩ duoŋ-bɩlɩmbaanɩŋ kʋ tɔba, ka yikoro kʋbala lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Mɩ tʋɔŋ tɔrɛ ʋ nyuŋ. Má jegile nɩɩ ʋ teeŋ.”

Jɔɔŋ 6:28

Ŋɩɩ nɛ ba pɩɛsʋ, “Wʋbɛɛ nɛ Wɩa chɛ dɩ la ŋaa?”

Jɔɔŋ 6:38

bɛɛ wɩaa mɩ lɩɩ Wɩa-jaŋ kʋ tuu dɩ mɩ ŋaa wɩalɩŋ nɩɩ-la sɩ tɩmmɛ sɩɩ chɛ nɛ, mɩ tɩtɩa tʋɔtɔrɛ wɩaa dee.

Jɔɔŋ 6:57

Mɩ Nyɩmma-la sɩ kɛŋ mɩɩsɩŋ a tɩmmɛ ŋɩɩ, ʋ nɛ leŋe mɩ kɛŋ mɩɩsɩŋ. Ŋɩɩ tɩtɩa nɛ nɩɩ-la ma sɩ chaŋ mɩ yaraa nammɩa ma jaŋ kɛŋ mɩɩsɩŋ a tɩŋ mɩ wɩaa.

1 Tɛsalonaaka Nɩaa 1:3

La yie liliisu ŋɩɩ ma sɩ tɩŋ ʋ tɩntɩŋŋaa a tɩŋ ma sɩ laa Yesu wɩaa dii wɩaa, arɩ ŋɩɩ ma sɩ cho nɩaa, arɩ ŋɩɩ ma sɩ kɛŋ yɩɛlaa La Tɩɩna Yesu Kirisito lɛ.

Jeems 2:22

Abɩraham laa Wɩa wɩaa dii nɛ a faa ŋaa wɩalɩŋ ma Wɩa sɩ cho. Ʋ ŋaa wʋzɔŋŋɔɔ a pɛ wɩalɩŋ ʋ sɩ laa dii lɛ nɛ. Ŋɩɩ nɛ ʋ Wɩa laa diine-la sɛnɛ wasa su.

Jɔɔŋ Wʋnaalaa 2:26

Nɩɩ-la kala sɩ wuo yuo dii Sɩtaanɩ aŋ ŋɩŋaa wɩalɩŋ mɩ sɩɩ chɛ a mʋ yi ʋ mɩɩsɩŋ dɩdɛrɩŋ, mɩ jaŋ pʋ doluŋ dɩ ʋ bibeŋ dʋnɩa nɩaa kala.