Jɔɔŋ 6:27 - WƖA TENIŊ

²⁷ Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Jɔɔŋ 6:27 ပူးပေါင်းရင်းမြစ်များ

WƖA YƖƖLAA 2:7

Kuoru-la sɩ, “Mɩ jaŋ heele bʋl wɩɩ-la La Tɩɩna sɩ bʋla. Ʋ bʋla pɩmɛ, ‘Ŋ ŋaa mɩ Bii nɛ, jɩnɩŋ mɩ nɛ lʋlʋŋ.

WƖA YƖƖLAA 40:7

Ŋɩɩ nɛ mɩ bʋl, “Namɛ, mɩ kɔ nɛ dɩ mɩ ŋaa wɩalɩŋ ba sɩ ŋmʋnsa bil ŋ teniŋ tʋɔŋ a tɩgɛ mɩ lɛ.

NAMAGABA 9:5

“Má kʋ dii mɩ kʋdiile-la aŋ nyʋa mɩ sɩŋ-la mɩ sɩ ŋaa bil.

TƖƖCHA 6:7

Nuhuobiine yie tɩtɩŋ dɩ ʋ na kɩaa nɛ a dii, ama ʋ ha bɩ vɔgɛ.

AZAAYA 42:1

La TƖƖNA sɩ, “Mɩ tɩntɩnna nɛ ŋ-la, mɩ nɛ leŋe ʋ kɛŋ doluŋ. Ʋ nɛ mɩ lɩɩsɛ mɩ tʋɔŋ tɔrɛ ʋ nyuŋ. Mɩ joŋ mɩ Dɩma a hɛ ʋ lɛ nɛ, dɩ ʋ leŋ dɩ wʋtɩtɩɩ chɩŋ tinteyee kala lɛ.

AZAAYA 55:2

Bɛɛ nɛ tɩɩ ma chichei moribiee kɩalɩŋ sɩ tuo kʋdiilee lɛ, a lʋlɔl ma tɩtɩa kɩalɩŋ sɩ bɩ jaŋ vɔgɩma lɛ? Má jegile nɩɩ mɩ teeŋ woruŋ, ŋɩɩ nɛ ma jaŋ dii kʋdii-zɔŋŋɔɔ tɩtɩa a nɩɩ sɩma.

JƐRƖMAAYA 15:16

Ŋ sɩ bʋl ŋ wɩaa pɩmɛ, mɩ jegile nɩɩ nɛ. Wɩalɩŋ nɩɩ pɩmɛ tʋɔtɔrʋŋ, mɩ choba woruŋ, bɛɛ wɩaa mɩ ŋaa ŋ nʋʋ nɛ, La TƖƖNA Wɩa doluŋ kala Tɩɩna.

HABAKU 2:13

La TƖƖNA doluŋ kala Tɩɩna nɛ fa leŋe nyiniŋ joŋ kɩalɩŋ nɩalɩŋ sɩ lɔlɔ na dii tinteyee nɩaa lɔlɔ tɩta.

Matiu 17:5

Pɩɩta fa ha sɩɩ bʋl wɩaa ŋɩɩ, dɩ duoŋ-bɩlɩmbaanɩŋ kʋ tɔba, ka yikoro kʋbala lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Mɩ tʋɔŋ tɔrɛ ʋ nyuŋ. Má jegile nɩɩ ʋ teeŋ.”

Matiu 25:46

Ŋɩɩ nɛ ba jaŋ jʋʋ lee-la hɛɛŋ sɩ bɩ dɛrɛ, aŋ ka dɩ tʋɔpʋl tɩŋŋaa ma jʋʋ lee-la mɩɩsɩŋ sɩ bɩ dɛrɛ.”

Matiu 3:17

Ka ʋ nɩɩ nʋʋ yikoro wɩa-nyuŋ sɩ bʋla, “Mɩ Bii-chooluŋ nɛ ŋ-la, mɩ tʋɔŋ tɔrɛ ʋ nyuŋ.”

Matiu 6:19

Yesu bɩra bʋla, “Má sɩ́ kɩaa chɛ bil ma tɩtɩa lɛ dʋnɩa deeŋ lɛ. Dʋnɩa lɛ pʋgʋmaa jaŋ dii dɔnsʋŋ aŋ ka dɔnsʋŋ ma sʋ, gaaraa ma jaŋ jʋʋ gaa dɔnsʋŋ.

Matiu 8:20

Ŋɩɩ nɛ Yesu bʋla pʋ, “Jolluŋ kɛŋ bʋɔsʋŋ nɛ a jʋjʋʋ, diibiisiŋ ma kɛŋ dɛllɩŋ a jʋjʋʋ, ama mɩ-na Nuhuobiine Bie bɩ dɩpɩnɩŋ kɛnɛ dɩ mɩ pɩna wiesi.”

Maak 1:11

Ʋ nɩɩ yikoro dɩ ʋ lɩɩ wɩa-nyuŋ a bʋla pʋ, “Ŋ nɛ mɩ Bii-chooluŋ. Mɩ tʋɔŋ tɔrɛ ŋ nyuŋ.”

Maak 9:7

Ŋɩɩ nɛ duoŋ-bɩlɩmbaanɩŋ kʋ tɔba. Ka yikoro lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Má jegile nɩɩ ʋ teeŋ.”

Luuk 3:22

Wɩa Dɩŋ-zɔmʋŋ kʋ tuu a nagɛ kokomo a togili ʋ lɛ. Ʋ nɩɩ yikoro dɩ ʋ lɩɩ wɩa-nyuŋ a bʋla pʋ, “Ŋ nɛ mɩ Bii-chooluŋ. Mɩ tʋɔŋ tɔrɛ ŋ nyuŋ.”

Luuk 9:35

Ka nʋʋ yikoro lɩɩ duoŋ-bɩlɩmbaaŋ-la tʋɔŋ aa bʋl, “Mɩ Bie nɛ ŋ-la. Ʋ nɛ ŋaa Nɩɩ-la mɩ sɩ lɩɩsa. Má jegile nɩɩ ʋ teeŋ.”

Jɔɔŋ 10:28

Ŋɩɩ nɛ mɩ pɩba mɩɩsɩ-la sɩ bɩ dɛrɛ, ba bɩ jaŋ kɔ dɩ ba sʋba. Nʋʋ ma saa bɩ jaŋ wuo kɛmba kaa laa mɩ nɩsɩŋ lɛ da.

Jɔɔŋ 11:42

Mɩ jɩma arɩ ŋŋ jegili mɩ teeŋ nɛ bʋa na-kala lɛ. Ama mɩ bʋl wɩɩŋ deeŋ a tɩŋ nɩalɩŋ sɩ hɛ daha wɩaa nɛ, dɩ ba wuo laa dii arɩ ŋ nɛ tɩmmɛ.”

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 15:24

Wɩalɩŋ kala mɩ sɩ ŋaa, nʋʋkala bɩ ba ŋaa. Dɩ mɩ nɛ fa bɩ ba ŋaa dɩ ba na, ba fa bɩ jaŋ chei wɩɩkala. Ama ba na ba kala nɛ aŋ ha bɛrɛ mɩ dɩ mɩ Nyɩmma kala.

Jɔɔŋ 17:2

Ŋ nɛ joŋ doluŋ pɩmɛ dɩ mɩ bibeŋ nuhuobiinee kala, a joŋ mɩɩsɩ-la sɩ bɩ dɛrɛ a pɩ nɩalɩŋ kala ŋ sɩ lɩɩsa pɩmɛ.

Jɔɔŋ 3:15

dɩ nʋʋkala sɩ laa mɩ wɩaa dii wuo kɛŋ mɩɩsɩ-la sɩ bɩ dɛrɛ.

Jɔɔŋ 3:33

Nɩɩ-la kala sɩ sɛɩ ʋ niiŋ wɩalɩŋ jɩma arɩ Wɩa hɛ nɩmɛ nɛ a kɛŋ wʋtɩtɩɩ.

Jɔɔŋ 6:40

Wɩalɩŋ mɩ Nyɩmma sɩɩ chɛ nɛ ŋ-la: Dɩ nʋʋ na-kala sɩ na mɩ-na ʋ Bie a laa mɩ wɩaa dii, dɩ ʋ kɛŋ mɩɩsɩ-la sɩ bɩ dɛrɛ. Dʋnɩa dɩdɛrɩŋ ma, mɩ jaŋ chɩsʋ sʋʋŋ lɛ dɩ ʋ kɛŋ mɩɩsɩŋ.”

Jɔɔŋ 6:47

Wʋtɩtɩɩ nɛ mɩ bʋlaa pɩma, nɩɩ-la kala sɩ laa mɩ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ.

Jɔɔŋ 6:51

Mɩ-na nɛ ŋaa kʋdiile-la sɩ kɛŋ mɩɩsɩŋ a lɩɩ Wɩa-jaŋ kʋ tuu. Dɩ nʋʋ nɛ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ. Mɩ yaraa nammɩa nɛ ŋaa kʋdiile-la mɩ sɩ jaŋ joŋo pɩ dʋnɩa nɩaa dɩ ba kɛŋ mɩɩsɩŋ.”

Jɔɔŋ 6:53

Ŋɩɩ nɛ Yesu bʋla pɩba, “Wʋtɩtɩɩ nɛ mɩ bʋlaa pɩma, dɩ ma nɛ bɩ mɩ-na Nuhuobiine Bie yaraa nammɩa chaŋa, a nyʋa mɩ chalɩŋ ma, ma bɩ jaŋ kɛŋ mɩɩsɩŋ.

Jɔɔŋ 6:54

Nɩɩ-la kala sɩ chaŋ mɩ yaraa nammɩa, a nyʋa mɩ chalɩŋ ma, ʋ jaŋ kɛŋ mɩɩsɩ-la sɩ bɩ dɛrɛ. Dɩ dʋnɩa nɛ dɛrɛ, mɩ jaŋ chɩsɛ ʋ tɩɩna sʋʋŋ lɛ dɩ ʋ kɛŋ mɩɩsɩŋ,

Jɔɔŋ 6:58

Kʋdiile-la sɩ lɩɩ Wɩa-jaŋ kʋ tuu nɛ ŋɩɩ. Ʋ bɩ naga kʋdiile-la ma naabalɩmaba sɩ die aŋ ha sʋʋ nɛ. Nɩɩ-la kala sɩ dii kʋdiilee deemba, ʋ jaŋ kɛŋ mɩɩsɩ-la sɩ bɩ dɛrɛ.”

Jɔɔŋ 6:62

Ka dɩ ma nɛ saa fa na mɩ-na Nuhuobiine Bie dɩ mɩ mɩɩraa mʋ lee-la mɩ sɩ lɩa?

Jɔɔŋ 6:68

Saamɔŋ Pɩɩta bʋl, “La Tɩɩna, kʋbɛɛ teeŋ nɛ saa la ma jaŋ mʋ? Wɩalɩŋ ŋ sɩɩ bʋl nɩɩ pɩ nɩaa mɩɩsɩ-la sɩ bɩ dɛrɛ.

Jɔɔŋ 8:18

Mɩ ŋaa mɩ tɩtɩa pɛ-naarʋ nɛ, mɩ Nyɩmma-la ma sɩ tɩmmɛ nɛ ŋaa mɩ pɛ-naara.”

Tɩntɩŋŋaa 10:38

Ma nɩɩ Yesu wɩaa nɛ. Wɩa joŋ ʋ Dɩŋ-zɔmʋŋ hɛ ʋ lɛ nɛ a pʋ doluŋ. Ʋ sii mʋ lee-kala, a ŋɩŋaa wʋzɔŋŋɔɔ pɩpɩ nɩaa, aa vaarɛ nɩalɩŋ kala Sɩtaanɩ sɩ nyaga bil. Wɩa fa hɛ ʋ teeŋ, ŋɩɩ nɛ tɩɩ ʋ wuo ŋɩŋaa wɩaa deemba kala.

Tɩntɩŋŋaa 2:22

Ŋɩɩ nɛ Pɩɩta bɩra bʋl, “Iziral tɩmma, má jegile nɩɩ wɩaa deemba mɩ sɩɩ chɛ mɩ bʋla pɩma. Yesu sɩ lɩɩ Nazarɛt nɛ Wɩa lɩɩsa pɩma. Wʋmagɩlaa arɩ wʋkpuŋkperisiŋ Wɩa sɩ to ʋ lɛ ŋaa ma sɩɩŋ lɛ nɛ dagɛ ŋɩɩ. Ma ma jɩma nɛ.

Rom Tɩŋŋaa 4:11

Abɩraham sɩ keri ʋ peniŋ ŋɩɩ ŋaa magɩl nɛ, aa dagɛ arɩ ʋ sɩ laa Wɩa dii nɛ tɩɩ ʋ kɛŋ tʋɔpʋla ʋ sɩpaaŋ, bʋa-la lɛ ʋ ha sɩ bɩ ʋ peniŋ kere dee. Ŋɩɩ leŋ Abɩraham kʋ ŋaa nɩalɩŋ sɩ bɩ ba penee kere aŋ laa Wɩa dii naabalɩma. Wɩa jomba ba ŋaa tʋɔpʋl tɩmma ʋ sɩpaaŋ arɩ ba sɩ bɩ ba penee kere ma kala.

Rom Tɩŋŋaa 6:23

Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.

1 Kɔrɩntɩ Nɩaa 6:13

Nʋʋ hɛ nɩmɛ a ma jaŋ bʋl, Wɩa nɛ ŋaa kʋdiilee ba dii hɩhɛ luoruŋ lɛ, ka luoruŋ ma laa kʋdiile-la bibil. Wʋtɩtɩɩ nɛ, ama Wɩa jaŋ leŋ dɩ kʋdiilee arɩ luoru-la kala pʋa. Wɩa bɩ nuhuobiine ŋaa dɩ ʋ kɛŋ ʋ yaraa ŋɩŋaa wʋlɩɩlɩŋ, ama dɩ ʋ kɛŋ ʋ yaraa tɩma pʋpʋ. Wɩa nɛ tɩɩ yara-la ma.

1 Kɔrɩntɩ Nɩaa 9:2

Dɩ nɩaa dɔnsʋŋ nɛ paala bɩ laa dii arɩ mɩ ŋaa Wɩa nanzɔɔ, ma-na teeŋ mɩ ŋaa nɛ. Mɩɩsɩ-la ma sɩ kɛnɛ La Tɩɩna Kirisito lɛ daga arɩ mɩ ŋaa ʋ nanzɔɔ nɛ a tɩma pʋpʋ.

2 Kɔrɩntɩ Nɩaa 4:18

Ŋɩɩ wɩaa kɩalɩŋ la sɩɩ na dʋnɩa deeŋ lɛ, la bɩbaa beŋ arɩ ba ŋaa kɩaa. La mɩɩraa beŋ kɩalɩŋ la sɩ bɩ na nɛ, bɛɛ wɩaa kɩalɩŋ sɩ hɛ dʋnɩa deeŋ lɛ nɩaa nɩna, ba jaŋ lɛl, ama kɩalɩŋ nɩaa sɩ bɩ na a hɛ Wɩa teeŋ, ba-na jaŋ hɛ nɩmɛ a kaa mʋ wuu.

Galiisia Nɩaa 5:6

Dɩ la dɩ Kirisito nɛ ŋaa kʋbala, dɩ la keri la penee koo dɩ la bɩ kere, ʋ bɩ wɩɩ kɛnɛ. Wɩɩ-la sɩ ŋaa sɩɩfɩaŋ wɩɩ nɛ, dɩ la laa Wɩa wɩaa dii a cho dɔŋɔ.

MOSIS BƖRA WULLI WƖA WOMBIIŊ 30:13

Ba bɩ mʋgʋ-balɩŋ cholo ma nɛ hɛ ma sɩ jaŋ bʋl, ‘Kʋbɛɛ nɛ jaŋ chol lee-la a kɛmba kaa kʋ bʋl dɩ la nɩɩ a kaa tɩŋ?’

Fɩlɩpa Nɩaa 2:13

Má ŋaa ŋɩɩ, bɛɛ wɩaa, Wɩa hɛ ma teeŋ nɛ bʋa na-kala lɛ a kɛmma tɩtɩŋ, dɩ ma cho dɩ ma ŋaa wɩɩ-la ʋ sɩɩ chɛ.

Koloosi Nɩaa 1:29

Ŋɩɩ wɩaa mɩ faasa hɛ mɩ doluŋ kala nɛ a tɩtɩŋ, arɩ Wɩa sɩ joŋ ʋ dol-bal-la pɩmɛ dɩ mɩ kaa tɩtɩŋ ŋɩɩ.

Koloosi Nɩaa 2:22

Má sɩ́ kʋdiilee kɩsɩnɩ-la to. Kʋdiile-la ma sɩɩ dii, ba jaŋ dɛrɛ ma yaraa lɛ. Nuhuobiinee nɛ dagɛ kɩsɩnɩŋ deemba.

Koloosi Nɩaa 3:2

Má joŋ ma nyuŋ kala hɛ wɩalɩŋ sɩ hɛ Wɩa-jaŋ lɛ, aŋ sɩ́ ma nyuŋ joŋo hɛ dʋnɩa wɩaa lɛ,

1 Tɛsalonaaka Nɩaa 1:3

La yie liliisu ŋɩɩ ma sɩ tɩŋ ʋ tɩntɩŋŋaa a tɩŋ ma sɩ laa Yesu wɩaa dii wɩaa, arɩ ŋɩɩ ma sɩ cho nɩaa, arɩ ŋɩɩ ma sɩ kɛŋ yɩɛlaa La Tɩɩna Yesu Kirisito lɛ.

2 Timoti 2:19

Ama dɩa gentiŋ-duo-la Wɩa sɩ bile pɩ ʋ nɩaa, ʋ bɩ jaŋ wuo jigisi. Wɩalɩŋ ba sɩ ŋmʋnsa hɛ ʋ lɛ nɛ ŋ-la: “La Tɩɩna Wɩa jɩŋ nɩalɩŋ sɩ ŋaa ʋ nɩaa nɛ.” Ba bɩra ŋmʋnsa arɩ ʋ maga dɩ nɩɩ-la kala sɩ sɩ ʋ ŋaa Wɩa nʋʋ nɛ, dɩ ʋ leŋ wʋbɔŋŋɔɔ ŋaanɩŋ.

Hiburu TƖŊŊAA 12:16

Má pɔ ma tɩtɩa lɛ dɩ ma tʋɔŋ nʋʋkala sɩ́ lɩɩlʋ koo, dɩ ma tʋɔŋ nʋʋkala sɩ́ nʋʋ sɩ bɩ Wɩa ka fá ŋaa, a nagɛ Ɛsɔ. Ʋ fa ŋaa ʋ nyɩmma bii-hɩaŋ nɛ, aŋ joŋ ʋ hɩasɩŋ lenni kʋdiilee ʋ ŋaana teeŋ.

Hiburu TƖŊŊAA 4:11

Má saa leŋ dɩ la hɛ doluŋ a na wiese-la Wɩa sɩɩ chɛ dɩ ʋ joŋo pɩla. Nɩalɩŋ fa sɩ bɩ ʋ niiŋ wɩalɩŋ to, ba bɩ wiese-la na. Dɩ la ma nɛ bɩ ʋ niiŋ wɩalɩŋ ka to, la ma bɩ jaŋ na wiese-la.

Jeems 1:11

bɛɛ wɩaa, wɩa yie pɔsɛ, leriŋ faasa lɩŋ, wulumuŋ ŋaa yaŋ-la hɩl ʋ fɩɩlaa yuori. Ʋ zɔmʋŋ lɛl. Nɩɩ-la sɩ kɛŋ kɩaa ma nagɛ ŋɩɩ nɛ. Ʋ ha jaŋ tɩtɩŋ ʋ tɩntɩŋŋaa aŋ sʋʋ kagɛ.

1 Pɩɩta 1:24

Ba ŋmʋnsɛ Wɩa teniŋ tʋɔŋ a bʋl, “Nuhuobiine kala nagɛ yaŋ nɛ. Ba tʋla ma kala nagɛ ya-fɩɩlaa. Yaŋ-la yie hɩl, ya-fɩɩla-la ma yuori.

2 Pɩɩta 1:17

Bʋa-la lɛ la Nyɩmma Wɩa sɩ joŋ doluŋ arɩ tʋla pʋ, la nɩɩ yikoro dɩ ʋ lɩɩ Wɩa-jaŋ, Wɩɩjarɩbakɔ yikoro nɛ. Ʋ fa sɩ, “Mɩ Bii-chooluŋ nɛ ŋ-la, mɩ tʋɔŋ tɔrɛ ʋ nyuŋ.”