Jɔɔŋ 6:11 - WƖA TENIŊ

¹¹ Ŋɩɩ nɛ Yesu laa boroboroba-la a lɔllɛ Wɩa, aŋ kaa chɔgɔ kpaa nɩalɩŋ sɩ hɔnɔ. Ŋɩɩ nɛ ʋ kɛŋ chenfile-la ma kpaaba. Ba kʋŋkala dii a vɔgɛ.

Jɔɔŋ 6:11 ပူးပေါင်းရင်းမြစ်များ

Matiu 15:36

Ka ʋ joŋ boroboroba-la balɩpɛ arɩ chenfile-la a lɔllɛ Wɩa aŋ kaa chɔgɛ chɔgɛ a pɩ ʋ harɩ-tooroo dɩ ba laa kpaa nɩ-daŋ-la. Ba laa kpaaba.

Luuk 24:30

Ba sɩ hɔnɔ dɩ ba dii kʋdiilee, Yesu joŋ boroboro a chʋɔlɛ Wɩa aŋ kaa chɔgɔ pɩba dɩ ba dii.

Jɔɔŋ 21:10

Ŋɩɩ nɛ Yesu bʋla pɩba, “Má lɩɩsɛ chenfile-la dɔnsʋŋ ma sɩ kɛsɛ lɛɛlɛ a kaa kɔ.”

Jɔɔŋ 21:13

Ŋɩɩ nɛ Yesu joŋ boroboro-la a pɩba, a joŋ chenfile-la ma a pɩba dɩ ba dii.

Jɔɔŋ 21:9

Ba sɩ kʋ lɩɩ lɩɩ-la niiŋ, ba na hɔlɔɔ nyiniŋ dɩ chenfilee chɛbɛ, ka boroboro ma pɩŋ.

Jɔɔŋ 6:23

Ba sɩ chɩŋ nɩmɛ ŋɩɩ, lɩɩŋ daborusuŋ dɔnsʋŋ lɩɩ Tabiiras kɔ lee-la, a kpagɛ lee-la Yesu fa sɩ lɔllɛ Wɩa aŋ joŋ boroboro pɩba ba dii.

Jɔɔŋ 6:9

“Bii-bie kʋbala nɛ hɛ la tʋɔŋ a kɛŋ boroboroba banɔŋ arɩ chenfilee balɩa. Ɛɛ nɛ saa kɩaa deemba jaŋ wuo ŋaa nɩ-daŋ deeŋ?”

Tɩntɩŋŋaa 27:35

Pɔɔl sɩ bʋl ŋɩɩ dɛrɛ, ʋ joŋ boroboro, a chʋɔlɛ Wɩa ba kala sɩpaaŋ, aŋ chɔgɛ didii.

Rom Tɩŋŋaa 14:6

Nɩɩ-la sɩ bɩɩna arɩ tapʋlʋŋ dɔŋɔ nɛ kɩɩ tapʋlaa kala, ʋ lɩɩsɛ tapʋlɩɩ-la dɩ ʋ zizil La Tɩɩna Yesu nɛ. Nɩɩ-la ma sɩɩ dii kʋŋkala, ʋ ma ŋaa ŋɩɩ a zizil La Tɩɩna Yesu nɛ, bɛɛ wɩaa ʋ sɩɩ dii kɩalɩŋ, ʋ yie lɔllɛ Wɩa nɛ. Nɩɩ-la ma sɩɩ kɩsɛ kɩalɩŋ dɔnsʋŋ, ʋ ma ŋaa ŋɩɩ aa zil La Tɩɩna Yesu nɛ, aa lɔllɛ Wɩa.

1 Kɔrɩntɩ Nɩaa 10:31

Ŋɩɩ wɩaa kʋŋ na-kala ma sɩɩ dii arɩ kʋŋ na-kala ma sɩɩ nyʋa, wɩɩ-na kala ma sɩɩ ŋaa, má ŋaa ba kala dɩ Wɩa yɩrɩŋ yɩrɛ.

1 Tɛsalonaaka Nɩaa 5:18

Wɩɩ na-kala lɛ, má lɔllɛ Wɩa. Ma sɩ laa Yesu Kirisito wɩaa dii ŋɩɩ, ŋ-la nɛ Wɩa cho dɩ maa ŋaa.

1 SAMƲƐL 9:13

Dɩ ma nɛ jʋʋ taŋ-la, ma jaŋ naʋ, ka dɩ ʋ na jɩl dundolo-la nyuŋ ba sɩɩ ŋaa Wɩɩsʋlʋŋ dɩ ba dii kɩaa. Dɩ ʋ nɛ bɩ mʋa, nɩaa bɩ jaŋ suomo dii kɩaa, bɛɛ wɩaa ʋ maga dɩ ʋ sʋl Wɩa hɛ Wɩɩsʋlʋŋ kɩalɩŋ lɛ nɛ, ka dɩ nɩalɩŋ kala ba sɩ yɩra-na dii. Dɩ ma nɛ jɩla lɛɛlɛ, ma jaŋ naʋ bʋa deeŋ lɛ.”