Jɔɔŋ 5:44 - WƖA TENIŊ

⁴⁴ Ma cho dɩ nɩaa bɛsɛ ma lɛ nɛ, ama ma bɩ chɛ dɩ Wɩa nɛ bɛsɛ ma lɛ. Ɛɛ nɛ saa ma jaŋ wuo laa mɩ wɩaa dii?

Jɔɔŋ 5:44 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 6:8

Ŋɩɩ nɛ La TƖƖNA bʋla pɩ mɩ nyɩmma Devit, ‘Ʋ ŋaa wʋzɔŋ nɛ ŋ sɩ kɛŋ ŋ tʋɔŋ dɩ ŋ saa mɩ dɩɩ-balɩŋ pɩmɛ dɩ ba zizilmi nɩmɛ.

JƐRƖMAAYA 13:23

Kus tɩɩna jaŋ wuo kɛŋ ʋ yaraa bɩrɩmɛ koo kpeye jaŋ wuo kɛŋ ʋ yaraa sɩ ŋaa ŋmʋna ŋmʋna ŋɩɩ a bɩrɩmɛ? Ma ma saa bɩ jaŋ wuo ŋaa wʋzɔŋŋɔɔ, bɛɛ wɩaa wʋbɔŋŋɔɔ nɛ ma ŋaa mal.

Matiu 23:5

Ba yie ŋaa wɩɩkala dɩ nɩaa naba nɛ. Ba yie ŋmʋnsɛ Wɩa niiŋ wɩaa a hɛ teŋ-jalaa lɛ a kaa vʋvɔɔ ba gɛnnɩŋ nɩsaa lɛ arɩ ba nyunchuuluŋ lɛ aŋ leŋ ba gɛnnɩŋ jʋɔsaa ma duomi duomi.

Luuk 19:17

Ŋɩɩ nɛ ʋ kʋhɩaŋ-la bʋla pʋ, ‘Ŋ ŋaa woruŋ. Ŋ ŋaa tɩntɩnnɩ-tɩtɩɩ nɛ. Ŋ sɩ ŋaa ŋɩɩ a beŋ kʋbii-bie nyuŋ woruŋ, mɩ jaŋ leŋ dɩ ŋ bibeŋ tasɩŋ fii.’

Jɔɔŋ 12:43

Ba fa cho dɩ nɩaa nɛ bɩbɛsɛ ba lɛ a kɩɩ Wɩa sɩ bɛsɛ ba lɛ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Jɔɔŋ 3:20

Nʋʋ na-kala sɩɩ ŋaa wʋbɔŋŋɔɔ bɩ pʋlʋmʋŋ cho, ʋ bɩ pʋlʋmʋŋ tʋɔŋ lɩɩ, bɛɛ wɩaa ʋ bɩ chɛ dɩ ʋ wʋbɔmɔ-la lɩɩ pʋlʋmʋŋ.

Jɔɔŋ 5:41

Mɩ bɩ chɛ dɩ nuhuobiinee bɛsɛ mɩ lɛ.

Jɔɔŋ 8:43

Bɛɛ nɛ saa tɩɩ ma bɩ wɩalɩŋ mɩ sɩ bʋla bʋbʋɔŋ jɩŋ? Ma bɩ chɛ dɩ ma jegile nɩɩ wɩalɩŋ mɩ sɩɩ bʋl. Ŋɩɩ nɛ tɩɩ ma bɩ ba bʋbʋɔŋ jɩŋ.

Rom Tɩŋŋaa 2:10

Ama nʋʋ na-kala sɩɩ ŋaa wʋzɔŋŋɔɔ, ʋ jaŋ na pʋlʋmʋŋ Wɩa sɩpaaŋ, a laa yɩrɩŋ, a hɔŋ arɩ fɩɛlɩŋ, Juu tɩŋŋaa nɛ jaŋ laa sɩpaaŋ, aŋ ka nɩalɩŋ sɩ bɩ Juu tɩŋŋaa ŋaa tuto,

Rom Tɩŋŋaa 2:29

Ama nɩɩ-la sɩ ŋaa Juu-tɩtɩɩ, ʋ tʋɔŋ wʋŋaalaa lɛ nɛ tɩɩ ʋ ŋaa Juu tɩɩna. Nɩɩ-la sɩ kɛŋ tʋɔpʋla, ʋ nɛ nɩɩ-la sɩ keri ʋ peniŋ. Wɩa Dɩŋ-zɔmʋŋ nɛ jaŋ wuo ŋaa ŋɩɩ pɩŋ, ŋ sɩ keri ŋ yaraa nammɩa ta dee. Wɩa nɛ jaŋ bɛsɛ ʋ tɩɩna lɛ, nuhuobiiŋ dee bɩ jaŋ bɛsɛ ʋ lɛ.

Rom Tɩŋŋaa 2:7

Nɩalɩŋ sɩ kɛŋ kenyiri a ŋɩŋaa wʋzɔŋŋɔɔ, a ŋaa ŋɩɩ a chɩchɛ dɩ ba laa yɩrɩŋ Wɩa sɩpaaŋ, a chɩchɛ mɩɩsɩ-la sɩ bɩ dɛrɛ, Wɩa jaŋ joŋo pɩba.

1 Kɔrɩntɩ Nɩaa 4:5

Ŋɩɩ wɩaa, má sɩ́ cheeriŋ joŋo pɩ nʋʋkala, dɩ tapʋlɩɩ-la La Tɩɩna sɩ jaŋ kɔ a dii la sarɩya ha bɩ yie. Dɩ ʋ nɛ mɩɩra kɔ, wʋbɔmɔ-la kala nɩaa sɩ ŋaa birimiŋ tʋɔŋ, ba kala jaŋ kʋ lɩɩ pʋlʋmʋŋ. Nɩaa tʋɔbɩɩnaa kala ba sɩ kɛnɛ jaŋ kʋ lɩɩ pʋlʋmʋŋ. Bʋa-la lɛ Wɩa jaŋ bɛsɛ nʋʋkala lɛ a mʋ tɩgɛ wɩalɩŋ ʋ sɩ ŋaa.

2 Kɔrɩntɩ Nɩaa 10:18

Nɩɩ-la sɩɩ bɩɩnʋ arɩ ʋ maga dɩ Wɩa lɩɩsʋ dɩ ʋ tɩma pʋpʋ, Wɩa bɩ jaŋ lɩɩsɛ tɩɩna, ama Wɩa tɩtɩa yie lɩɩsɛ nɩɩ-la kala ʋ sɩɩ chɛ dɩ ʋ tɩma puu nɛ.

Fɩlɩpa Nɩaa 2:3

Wɩɩ na-kala ma sɩɩ ŋaa lɛ, má sɩ́ ma dʋndʋŋa wɩaa chɩl, a sɩ́ ma tɩtɩa lɛ ma bibigisu. Ama má leŋ dɩ ma sɩaa fɩɛlɛ dɔŋɔ nyuŋ, a sɩ́ beŋ arɩ ma kɩɩ ma dɔnsʋŋ tɩŋŋaa.

1 Tɛsalonaaka Nɩaa 2:6

La bɩ ma teeŋ kɔ dɩ ma nɩaa koo nɩaa dɔnsʋŋ zizilla. La sɩ ŋaa Kirisito nanzɔɔba ŋɩɩ, la fa jaŋ wuo joŋ wɩaa nyagɛma.

1 Timoti 1:17

Má leŋ dɩ la dɛnnɛ la Nyɩmma Wɩa aŋ pɛ zilu a kaa mʋ wuu. Ʋ nɛ kuoro a kaa mʋ deeŋ deeŋ. Ʋ-na bɩ sʋʋ, nɩaa ma bɩ ʋ ka na. Ʋ dʋndʋŋa nɛ ŋaa Wɩa. Amɩɩ.

Hiburu TƖŊŊAA 3:12

Mɩ naambiiri, má pɔ ma tɩtɩa lɛ dɩ ma tʋɔŋ nʋʋ sɩ́ wʋbɔŋ bɩɩnʋ koo a kɛŋ tʋɔbɩɩna-la sɩ jaŋ leŋ dɩ ʋ sɩ́ Wɩa laa dii, dɩ ŋɩɩ leŋ dɩ ʋ joŋ harɩŋ yɩa Wɩa sɩ weye.

Jeems 2:1

Mɩ naambiiriŋ, lɛɛlɛ ma laa La Tɩɩna Yesu Kirisito wɩaa dii nɛ, ʋ-na yɩrɩ-balɩŋ Tɩɩna. Ŋɩɩ wɩaa ʋ bɩ maga dɩ ma zizil nɩaa dɔnsʋŋ aŋ ka ma sɩɩŋ bɩ dɔnsʋŋ ka su.

1 Pɩɩta 1:7

Wɩaa deemba jʋʋma dɩ ba magɩsɛ ŋɩɩ ma sɩ laa Wɩa dii nɛ, a leŋ nɩaa wuo na arɩ ʋ sɛnɛ ŋaa wʋtɩtɩɩ nɛ. Ʋ nagɛ sɛlɩmɛ ba sɩ joŋo chɔ a yʋgɩlɛ dɩ ba na ʋ sɛnɛ ŋaa sɛlɩmɛ nɛɛ? Ba sɩ joŋ sɛlɩmɛ chɔ ŋɩɩ ma kala, ʋ bɩ dieni ka dɩ ʋ chei. Ma Wɩa laa diiniŋ nɛ yuŋŋie a kɩɩ sɛlɩmɛ. Ba sɩ magɩsɛma na ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, nɩaa jaŋ dɛnnɛ Wɩa a zizilu dɩ ʋ yɩrɩŋ yɩrɛ a tɩŋ wɩalɩŋ ma sɩ laa dii wɩaa.

Juud 1:25

Ʋ dʋndʋŋa nɛ ŋaa Wɩa, ʋ nɛ to La Tɩɩna Yesu Kirisito lɛ a laala ta. Má dɛnnʋ a leŋ dɩ ʋ yɩrɩŋ yɩrɛ, ʋ nɛ kɛŋ doluŋ a tɩɩ kʋŋkala aa bemba ma, a lɩɩ dɩ-suomuŋ kʋkɔ lɛɛlɛ a kaa mʋ deeŋ deeŋ. Amɩɩ.

1 SAMƲƐL 15:30

Ŋɩɩ nɛ Sɔɔl bʋl, “Mɩ jɩma mɩ ŋaa wʋbɔŋ nɛ, ama mɩɩ sʋlʋŋ zilmi mɩ nɩhɩasɩŋ arɩ Iziral tɩŋŋaa sɩpaaŋ, aŋ to mɩ harɩŋ dɩ la mʋ, dɩ mɩ wuo zil ŋ TƖƖNA Wɩa.”

1 SAMƲƐL 2:30

Ŋɩɩ wɩaa, mɩ-na ma TƖƖNA, Iziral tɩŋŋaa Wɩa sɩ: Mɩ fa bʋla pɩ ŋ dɩa nɩaa arɩ ŋ nyɩŋ-nɩaa, dɩ ba nɛ ŋaa Wɩɩsʋllɩ sɩpaalaaraa bʋa na-kala, ama lɛɛlɛ mɩ bʋla arɩ ŋɩɩ bɩra bɩ jaŋ chɩŋ. Nɩalɩŋ sɩɩ zilmi, mɩ ma jaŋ zilba, aŋ bɛrɛ nɩalɩŋ sɩ bɩ mɩ kaa tɩtɩŋ.