41 Mɩ bɩ chɛ dɩ nuhuobiinee bɛsɛ mɩ lɛ.
Ba fa cho dɩ nɩaa nɛ bɩbɛsɛ ba lɛ a kɩɩ Wɩa sɩ bɛsɛ ba lɛ.
Ʋ saa bɩ naga wɩalɩŋ nuhuobiinee sɩ bʋla a tɩgɛ mɩ lɛ wɩaa nɛ mɩ chɩl, ama mɩɩ bʋl wɩɩŋ deeŋ dɩ ma kɛŋ ma tɩtɩa hɛ dɔŋɔ dɩ Wɩa wuo laama ta nɛ.
Ka ma vɩa dɩ ma kɔ mɩ teeŋ a wuo kɛŋ mɩɩsɩŋ.
Mɩ jɩma arɩ ma tʋɔŋ lɛ ma bɩ Wɩa cho.
Ma cho dɩ nɩaa bɛsɛ ma lɛ nɛ, ama ma bɩ chɛ dɩ Wɩa nɛ bɛsɛ ma lɛ. Ɛɛ nɛ saa ma jaŋ wuo laa mɩ wɩaa dii?
Ŋɩɩ nɛ Yesu jɩŋ arɩ ba kɛŋ ba tɩtɩa hɛ dɔŋɔ nɛ dɩ ba kʋ fʋgʋ dɩ ʋ dii ba kuoruŋ. Ŋɩɩ nɛ ʋ mʋ faa peeliŋ nyuŋ.
Nɩɩ-la sɩ yie bʋbʋl wɩaa ʋ tɩtɩa doluŋ lɛ yie bʋla chɩchɛ ʋ tɩtɩa yɩrɩŋ nɛ. Ama nɩɩ-la sɩɩ chɛ dɩ nɩɩ-la sɩ tɩmʋ laa yɩrɩŋ, ʋ ŋaa nɩtɩtɩɩ nɛ, ʋ bɩ wɩaa ka nyɩɛ.
Mɩ bɩ yɩrɩŋ chɛ pɩpɩ mɩ tɩtɩa. Ama nʋʋ nɛ hɛ nɩmɛ a chɛ yɩrɩ-la pɩpɩmɛ. Ʋ nɛ saa jaŋ dii nɩalɩŋ sɩ vɩa mɩ wɩaa sarɩya.
Ŋɩɩ nɛ Yesu bɩra bʋla pɩba, “Dɩ mɩ nɩɩ pɩ mɩ tɩtɩa yɩrɩŋ, yɩrɩ-la ŋaa yɩrɩ-pɛɩ nɛ. Mɩ Nyɩmma nɛ nɩɩ-la sɩɩ pɩmɛ yɩrɩŋ, nɩɩ-la ma sɩ sɩ ʋ ŋaa ma Wɩa nɛ.
La bɩ ma teeŋ kɔ dɩ ma nɩaa koo nɩaa dɔnsʋŋ zizilla. La sɩ ŋaa Kirisito nanzɔɔba ŋɩɩ, la fa jaŋ wuo joŋ wɩaa nyagɛma.
Wɩa paala yɩrɛma dɩ ma na hɛɛŋ nɛ. Má liisi arɩ Yesu Kirisito tɩtɩa na hɛɛŋ nɛ ma wɩaa a dagɛma ŋɩɩ ma sɩ jaŋ to ʋ naabʋɔsʋŋ.
Bʋa-la lɛ la Nyɩmma Wɩa sɩ joŋ doluŋ arɩ tʋla pʋ, la nɩɩ yikoro dɩ ʋ lɩɩ Wɩa-jaŋ, Wɩɩjarɩbakɔ yikoro nɛ. Ʋ fa sɩ, “Mɩ Bii-chooluŋ nɛ ŋ-la, mɩ tʋɔŋ tɔrɛ ʋ nyuŋ.”
