Jɔɔŋ 5:40 - WƖA TENIŊ

⁴⁰ Ka ma vɩa dɩ ma kɔ mɩ teeŋ a wuo kɛŋ mɩɩsɩŋ.

Jɔɔŋ 5:40 ပူးပေါင်းရင်းမြစ်များ

WƖA YƖƖLAA 81:11

Ama mɩ nɩaa Iziral tɩŋŋaa bɩ chɛ dɩ ba jegile nɩɩ mɩ teeŋ, ba bɩ chɛ dɩ ba joŋ ba tɩtɩa pɩmɛ.

AZAAYA 49:7

Iziral tɩŋŋaa, Wɩa sɩ bɩ disiniŋ kɛnɛ, a ŋaa ba laataara bʋla pɩ nɩɩ-la Iziral tɩŋŋaa sɩ bɩ ʋ wʋŋaalaa cho a bɛrɛ, a ŋaa kuoroo tɩntɩnnʋ: “Kuoroo jaŋ naŋ a sii chɩŋ, dɩ kuori-biiriŋ ma naŋ a tuu kpirimi. Wɩaa deemba kala jaŋ ŋaa, bɛɛ wɩaa mɩ-na ma TƖƖNA Iziral tɩŋŋaa Wɩa sɩ bɩ disiniŋ kɛnɛ sɩ lɩɩsɛ mɩ tɩntɩnna, kɛŋ wʋtɩtɩɩ nɛ.”

AZAAYA 50:2

Bʋa-la lɛ mɩ sɩ kɔ dɩ mɩ laama ta, bɛɛ nɛ tɩɩ ma kʋŋ tuo? Mɩ sɩ yɩra, bɛɛ nɛ tɩɩ ma kʋŋkala bɩ sɛyɛ? Ma bɩɩna mɩ bɩ doluŋ kɛnɛ dɩ mɩ laama ta nɛ koo? Ma bɩɩna mɩ ŋaa nɩpʋgʋ nɛ a bɩ ma wuo laa ta koo? Dɩ mɩ nɛ kpɩa mʋga koo fuonuŋ lɛ, ba kala yie hʋ nɛ a bɩrɩmɛ tintee-hɩlɩŋ, chenfile-la sɩ hɛ ba lɛ kala sʋʋ lɩɩnyʋasʋŋ.

Matiu 22:3

Ba sɩ ŋaa kʋdiile-la dɛrɛ, ʋ tɩŋ ʋ tɩntɩnnaa dɩ ba mʋ yɩrɛ nɩalɩŋ ʋ sɩ yɩra arɩ ba ŋaa siri nɛ dɩ ba gbieli gbiele-la. Ba sɩ mʋ yɩrɛba, ba vɩa.

Matiu 23:37

Ma Jerusalɛm nɩaa, ma kpʋ Wɩa wʋlaabʋllaa nɛ, a joŋ tabɩaa yagɛ tɩndaara-la Wɩa sɩ tɩma dɩ ba kɔ ma teeŋ. Naansɩɩŋ yʋga nɛ mɩ fa cho dɩ mɩ chu tɔ ma nɩaa kala arɩ jimiŋ sɩ yie chu tɔ ʋ biiriŋ ŋɩɩ, ka ma bɩ sɛyɛ.

Jɔɔŋ 1:11

Ʋ kɔ ʋ tɩtɩa jáŋ, ama ʋ jáŋ nɩaa bɩ ʋ laa.

Jɔɔŋ 10:10

Gaara-na yie kɔ dɩ ʋ gaa nɛ, a kpʋ, a chei kɩaa, ama mɩ-na kɔ dɩ nɩaa wuo kɛŋ mɩɩsɩŋ, dɩ ba tʋɔŋ tʋtɔrɛ woruŋ bʋa na-kala lɛ.”

Jɔɔŋ 3:19

Wɩɩ-la sɩ tɩɩ Wɩa dii dʋnɩa nɩaa sarɩya a joŋ cheeriŋ pɩba nɛ ŋ-la: Pʋlʋmʋŋ kʋ tuu dʋnɩa nɛ, ama nɩaa cho birimiŋ nɛ a kɩɩ pʋlʋŋ-la, bɛɛ wɩaa baa ŋaa wʋbɔŋŋɔɔ nɛ.

Jɔɔŋ 5:39

Ma yie fɩɛsɛ sɩɩŋ a kɩkarɩmɛ Wɩa teniŋ. Ma bɩɩna arɩ ma nɩɩ ŋaa ŋɩɩ, ma jaŋ wuo kɛŋ mɩɩsɩ-la sɩ bɩ dɛrɛ. Wɩa teŋ-la ma sɩɩ karɩmʋ ma paala bʋl mɩ wɩaa nɛ.

Jɔɔŋ 5:41

Mɩ bɩ chɛ dɩ nuhuobiinee bɛsɛ mɩ lɛ.

Jɔɔŋ 5:44

Ma cho dɩ nɩaa bɛsɛ ma lɛ nɛ, ama ma bɩ chɛ dɩ Wɩa nɛ bɛsɛ ma lɛ. Ɛɛ nɛ saa ma jaŋ wuo laa mɩ wɩaa dii?

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Jɔɔŋ 6:37

Nʋʋkala mɩ Nyɩmma sɩ joŋo pɩmɛ, ʋ jaŋ kɔ mɩ teeŋ. Nɩaa deemba kala sɩ kɔ mɩ teeŋ, mɩ bɩ jaŋ kɔ dɩ mɩ kiriba ta,

Jɔɔŋ 6:40

Wɩalɩŋ mɩ Nyɩmma sɩɩ chɛ nɛ ŋ-la: Dɩ nʋʋ na-kala sɩ na mɩ-na ʋ Bie a laa mɩ wɩaa dii, dɩ ʋ kɛŋ mɩɩsɩ-la sɩ bɩ dɛrɛ. Dʋnɩa dɩdɛrɩŋ ma, mɩ jaŋ chɩsʋ sʋʋŋ lɛ dɩ ʋ kɛŋ mɩɩsɩŋ.”

Rom Tɩŋŋaa 6:23

Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”