Jɔɔŋ 5:39 - WƖA TENIŊ

³⁹ Ma yie fɩɛsɛ sɩɩŋ a kɩkarɩmɛ Wɩa teniŋ. Ma bɩɩna arɩ ma nɩɩ ŋaa ŋɩɩ, ma jaŋ wuo kɛŋ mɩɩsɩ-la sɩ bɩ dɛrɛ. Wɩa teŋ-la ma sɩɩ karɩmʋ ma paala bʋl mɩ wɩaa nɛ.

Jɔɔŋ 5:39 ပူးပေါင်းရင်းမြစ်များ

WƖA YƖƖLAA 1:2

Ba-na tʋɔtɔrʋŋ nɛ dɩ ba to La Tɩɩna wombiiŋ, a kɛŋ wombii-la wɩaa chʋchɔgɩsɛ ba tʋɔŋ lɛ wɩɩhɛyɛ arɩ tɩtaŋɩŋ kala.

WƖA YƖƖLAA 119:11

Mɩ joŋ ŋ niiŋ wɩaa hɛ mɩ tʋɔŋ lɛ nɛ, dɩ ŋɩɩ leŋ dɩ mɩ sɩ́ wʋbɔŋ kala ŋaa chei ŋ lɛ.

WƖA YƖƖLAA 133:3

Ʋ bɩra nagɛ nyalɩŋ sɩ nyala hɛ peel-la ba sɩɩ yɩrɛ Hɛmɔŋ lɛ nɛ, a pɛllɛ kʋʋ tuu Zaayɔŋ peeliŋ nyuŋ. Lee-la nɛ La Tɩɩna hɛ niiŋ arɩ ʋ jaŋ pɛ ʋ nɩaa lɛ, dɩ ba kɛŋ mɩɩsɩŋ a kaa mʋ wuu.

WƖA YƖƖLAA 16:11

Ŋ dagɛmɛ wombii-la mɩ sɩ jaŋ to a kɛŋ mɩɩsɩŋ nɛ. Ŋ sɩ kpagɛmɛ, ŋɩɩ leŋe mɩ tʋɔŋ tɔrɛ nɛ. Mɩ tʋɔŋ jaŋ tɔrɛ bʋa na-kala mɩ sɩ jaŋ hɔŋ ŋ nadiiŋ.

WƖA YƖƖLAA 21:4

Ʋ sʋlʋŋ nɛ dɩ ŋ pʋ mɩɩsɩŋ, ŋ joŋ mɩɩ-duduoŋ a pʋ.

WƖA YƖƖLAA 36:9

Mɩɩsɩŋ kala lɩɩ ŋ teeŋ nɛ. Ŋ nɛ pʋlʋmʋŋ, ŋɩɩ leŋ la ma na pʋlʋmʋŋ.

NAMAGABA 6:23

Wɩalɩŋ nagɛ chaanɩŋ nɛ, a nagɛ pʋlʋmʋŋ. Dɩ ŋ nɛ sɛyɛ baa dagɩŋ, ŋ jaŋ kɛŋ mɩɩsɩŋ.

AZAAYA 34:16

Nyilimi La TƖƖNA teniŋ tʋɔŋ a karɩma na wɩalɩŋ ʋ sɩ bʋla tɩgɛ kʋŋ na-kala sɩɩ wiesu lɛ. Kɩaa deemba kʋŋkala bɩ jaŋ kɔ dɩ ʋ lɛlɛ. Ba kʋŋkala bele arɩ haal nɛ jaŋ hɛ nɩmɛ. La TƖƖNA tɩtɩa nɛ bʋla, ʋ Dɩma jaŋ kɛmba kaa kʋ hɛ dɔŋɔ lɛ.

AZAAYA 8:20

Dɩ wɩalɩŋ ba sɩ bʋla nɛ bɩ wombii-la La TƖƖNA sɩ daga lɛ to, ŋɩɩ-na ba bɩ wʋtɩtɩɩ kɛnɛ.

JƐRƖMAAYA 8:9

Hɩɩsɩŋ jaŋ kɛŋ wʋjɩnnaa, ba niiŋ jaŋ maa dɩ ba bɛrɛ kɛmba, ba sɩ vɩa mɩ-na ma TƖƖNA niiŋ wɩaa, wʋjɩŋ bɛɛ nɛ ba kɛŋ?

DANƖƐL 12:2

Nɩ-dandaŋ-la sɩ sʋba jaŋ sii, dɩ dɔnsʋŋ kɛŋ mɩɩsɩ-la sɩ bɩ dɛrɛ, ka dɩ dɔnsʋŋ ma dii hɩɩsɩŋ a na hɛɛ-la sɩ bɩ dɛrɛ.

Matiu 22:29

Ŋɩɩ nɛ Yesu bʋla pɩba, “Ma bɩ Wɩa teniŋ jɩŋ. Ma bɩ Wɩa doluŋ jɩŋ. Ŋɩɩ nɛ tɩɩ ma yeŋŋi.

Maak 10:3

Yesu mɩɩra pɩɛsɛba, “Ɛɛ nɛ Mosis dagɛma dɩ ma tuto?”

Maak 12:10

Ŋɩɩ nɛ Yesu pɩɛsɛ nɩalɩŋ sɩ nɩɩ namaga-la, “Ma bɩ wɩɩŋ deeŋ karɩma Wɩa teniŋ tʋɔŋ? ‘Tie-bii-la dɩɩ-saaraa sɩ vɩa, ʋ nɛ mɩɩra kʋ ŋaa tie-bii-duoŋ ba sɩ joŋo bil dɩa gentine.

Luuk 16:29

Ŋɩɩ nɛ Abɩraham bʋla pʋ, ‘Wɩalɩŋ Mosis arɩ Wɩa wʋlaabʋllaa sɩ ŋmʋnsa, ba hɛ ŋ naambiiriŋ teeŋ. Leŋ dɩ ba jegile nɩɩ ba wɩalɩŋ.’

Luuk 16:31

Ŋɩɩ nɛ Abɩraham bɩra bʋla pʋ, ‘Dɩ ba nɛ bɩ jaŋ jegile nɩɩ wɩalɩŋ Mosis arɩ Wɩa wʋlaabʋllaa sɩ ŋmʋnsa, ba bɩ jaŋ sɛɩ wɩalɩŋ dɩ nʋʋ nɛ paala sii sʋʋŋ lɛ a mʋ ba teeŋ a dagɛba ma.’ ”

Luuk 24:25

Ŋɩɩ nɛ Yesu bʋla pɩba, “Nɩyaaraa, ma tʋɔŋ dolie, ma bɩ wɩalɩŋ Wɩa wʋlaabʋllaa fa sɩ bʋla laa dii.

Luuk 24:27

Ŋɩɩ nɛ Yesu dagɛ wɩalɩŋ kala ba sɩ ŋmʋnsa Wɩa teniŋ tʋɔŋ a tɩgɛ ʋ lɛ bʋbʋɔŋ a pɩba. Ʋ suomi teniŋ-la Mosis sɩ ŋmʋnsa a kaa mʋ tenni-la kala Wɩa wʋlaabʋllaa sɩ ŋmʋnsa lɛ.

Luuk 24:44

Ŋɩɩ nɛ ʋ bʋla pɩba, “Mɩ fa sɩ hɛ ma teeŋ, mɩ bʋla pɩma arɩ wɩɩ-na kala ba fa sɩ ŋmʋnsa a tɩgɛ mɩ lɛ jaŋ kʋ ŋaa wʋtɩtɩɩ: Wɩalɩŋ Mosis fa sɩ ŋmʋnsa bil dɩ nɩaa tuto arɩ wɩalɩŋ Wɩa wʋlaabʋllaa fa sɩ ŋmʋnsa, arɩ Wɩa teniŋ sɛmɛ dɔŋɔ ba sɩɩ yɩrɛ Wɩa yɩɩlaa tʋɔŋ.”

Jɔɔŋ 1:45

Ŋɩɩ nɛ Fɩlɩp na Natanɩal a bʋla pʋ, “Nɩɩ-la wɩaa Mosis fa sɩ ŋmʋnsa wombie-la Wɩa sɩ bile dɩ la tuto tʋɔŋ, la naʋ nɛ. Wɩa wʋlaabʋllaa ma fa bʋl ʋ wɩaa nɛ. Ʋ nɛ Yesu, Josɛf nanʋala a lɩɩ Nazarɛt.”

Jɔɔŋ 5:32

Ama nʋʋ ma nɛ hɛ nɩmɛ a jɩŋ mɩ wɩaa a bʋbʋlba. Mɩ saa jɩma wɩalɩŋ ʋ sɩɩ bʋl a tɩgɛ mɩ lɛ, ba ŋaa wʋtɩtɩɩba nɛ.

Jɔɔŋ 5:36

Ama wɩɩŋ dɔŋɔ hɛ nɩmɛ a laa mɩ nyuŋ a bʋbʋl wɩaa, ʋ nɛ kɩɩ Jɔɔŋ. Tɩntɩmɩɩ-la mɩ sɩɩ tɩŋ nɛ ŋɩɩ, tɩntɩmɩɩ-la mɩ Nyɩmma sɩ joŋo pɩmɛ dɩ mɩ tɩŋ. Ŋɩɩ daga arɩ mɩ Nyɩmma nɛ tɩmmɛ.

Jɔɔŋ 5:40

Ka ma vɩa dɩ ma kɔ mɩ teeŋ a wuo kɛŋ mɩɩsɩŋ.

Jɔɔŋ 5:46

Dɩ ma nɛ sɛnɛ fa laa Mosis wɩaa dii, ma fa jaŋ laa mɩ ma wɩaa dii, bɛɛ wɩaa mɩ wɩaa nɛ Mosis fa ŋmʋnsɛ ŋɩɩ.

Jɔɔŋ 7:52

Ŋɩɩ nɛ Farisii tɩmma-la pɩɛsʋ, “Ŋ ma ŋaa Galilii tɩɩna nɛɛ? Karɩmɛ Wɩa teniŋ, dɩ ŋ nɛ karɩma, ŋ jaŋ na arɩ Wɩa wʋlaabʋllʋ kala ha bɩ Galilii tinteeŋ lɩa.”

Tɩntɩŋŋaa 13:27

Yesu sɩ kɔ, nɩalɩŋ sɩ hɛ Jerusalɛm lɛ arɩ ba kʋhɩasɩŋ fa bɩ jɩŋ arɩ ʋ nɛ ŋaa la Laataara. Ba bɩ Wɩa wʋlaabʋllaa wʋbʋlɩɩ-la bʋbʋɔŋ jɩŋ, wɩalɩŋ ba sɩ yie karɩmɛ chɛ-wiesii-la chɛɛŋ kala. Ama ba ha leŋe Wɩa wʋlaabʋllaa niiŋ wɩalɩŋ kʋ ŋaa wʋtɩtɩɩ, a kpʋ Yesu.

Tɩntɩŋŋaa 17:11

Juu tɩmma-la sɩ hɛ Biriya lɛ nɛ kɛŋ mɛlɛ a kɩɩ Juu tɩmma-la fa sɩ hɛ Tɛsalonaaka lɛ. Ba chaga laa Wɩa niiŋ wɩalɩŋ arɩ na-kparɩba nɛ, a kɩkarɩmɛ Wɩa teniŋ arɩ sɩɩfɩɛsɩŋ tapʋlɩɩ-na kala, dɩ ba na wɩalɩŋ Pɔɔl sɩ bʋla ŋaa wʋtɩtɩɩba nɛ.

Tɩntɩŋŋaa 26:27

Kuoro, ŋ laa Wɩa wʋlaabʋllaa wɩaa dii nɛɛ? Mɩ jɩma ŋ laa dii nɛ.”

Rom Tɩŋŋaa 1:2

Wɩa to ʋ wʋlaabʋllaa lɛ nɛ faafaa kala a bʋla pɩba arɩ ʋ jaŋ leŋ dɩ ba bʋl ʋ wʋzɔmɔ-la a pɩ nɩaa. Ba ŋmʋnsɛ ŋɩɩ nɛ Wɩa teniŋ tʋɔŋ.

Rom Tɩŋŋaa 3:2

Wɩaa yʋga nɛ Juu tɩŋŋaa kaa kɩɩ nɩalɩŋ sɩ bɩ Juu tɩŋŋaa ŋaa. Wɩalɩŋ kala tʋɔŋ wʋbalɩŋ nɛ ŋ-la: Juu tɩŋŋaa nɛ Wɩa joŋ ʋ niiŋ wɩaa pa.

MOSIS BƖRA WULLI WƖA WOMBIIŊ 18:15

Ma TƖƖNA Wɩa jaŋ lɩɩsɛ nʋʋ ma naambiiriŋ tʋɔŋ a pɩma dɩ ʋ ŋaa ʋ wʋlaabʋlla a nagɛ mɩ-na Mosis. Ʋ maga dɩ má jegile nɩnɩɩ ʋ teeŋ.

MOSIS BƖRA WULLI WƖA WOMBIIŊ 18:18

Mɩ jaŋ lɩɩsɛ nʋʋ ba naambiiriŋ tʋɔŋ dɩ ʋ ŋaa mɩ wʋlaabʋllʋ dɩ ʋ nagɛ ŋ-na Mosis, a joŋ mɩ wɩaa hɛ ʋ niiŋ lɛ, dɩ ʋ bʋl wɩalɩŋ kala mɩ sɩ dagʋ a pɩba.

MOSIS BƖRA WULLI WƖA WOMBIIŊ 29:29

Wɩaa dɔnsʋŋ hɛ nɩmɛ La TƖƖNA Wɩa joŋo faala, ba-na ŋaa ʋ kɩaa nɛ, ama wombie-la ʋ sɩ joŋo dagɛla, la dɩ la biiriŋ kala maga dɩ la tutoba nɛ a kaa mʋ wuu.

MOSIS BƖRA WULLI WƖA WOMBIIŊ 32:47

Wombie-la bɩ wʋpɛɩba ŋaa, ba nɛ ma mɩɩsɩŋ, má toba. Ba nɛ jaŋ leŋ dɩ ma wuo hɔŋ tintee-la ma sɩ jaŋ chol Jɔdaŋ fuo-la a tɩɩ lɛ a dieni.”

Koloosi Nɩaa 3:16

Má leŋ dɩ wɩalɩŋ kala Kirisito sɩ bʋla hɛ ma tʋɔŋ woruŋ. Má kpʋrɩsɛ dɔŋɔba dɩgɩlaa aa dagɛ dɔŋɔ arɩ wʋjɩmɩŋ. Má yɩɩ yɩɩla-la sɩ hɛ Wɩa teniŋ tʋɔŋ, arɩ Wɩa nɩaa yɩɩlaa dɔnsʋŋ, arɩ yɩɩlaa Wɩa Dɩŋ-zɔŋ-la sɩ dagɛma. Má yɩɩ ŋɩɩ a pɩ Wɩa a lɔllʋ ma tʋɔŋ lɛ.

Hiburu TƖŊŊAA 11:16

Ama ba faa chɛ dɩ ba hɔŋ tintee-la sɩ zɔmɔ kɩɩ tintee kala. Wɩa-jaŋ nɛ ŋɩɩ. Wɩa tɩtɩa nɛ saa jaŋ-la a pɩba. Ŋɩɩ nɛ tɩɩ ba yɩrɛ Wɩa yɩrɩŋ, ka hɩɩsɩŋ bɩ Wɩa kɛnɛ.

Hiburu TƖŊŊAA 11:35

Haalaa dɔnsʋŋ ma fa laa Wɩa wɩaa dii, ba biiriŋ sɩ sʋba, Wɩa chɩsɛba sʋʋŋ lɛ nɛ. Nɩaa dɔnsʋŋ ma fa hɛ nɩmɛ ba vɩɩrɛba kpʋ. Nɩaa deemba fa bɩ chɛ dɩ ba joŋ harɩŋ yɩa Wɩa aŋ laa ba mɩɩsɩŋ. Ba fa jɩma dɩ ba nɛ sʋba ma, Wɩa jaŋ chɩsɛba sʋʋŋ lɛ a joŋ mɩɩsɩ-la sɩ zɔmɔ a kɩɩ dʋnɩa deeŋ kʋa a pɩba.

JOSUA 1:8

Kɩkarɩmɛ teŋ-la Mosis sɩ ŋmʋnsɛ mɩ wombiee hɛ bʋa na-kala, aŋ kɛmba chʋchɔgɩsɛ ŋ tʋɔŋ lɛ tɩtaŋɩŋ arɩ wɩɩhɛyɛ, aŋ fɩɛlɛ ŋ sɩaa a to wɩalɩŋ kala ba sɩ ŋmʋnsa hɛ ʋ lɛ. Dɩ ŋ nɛ ŋaa ŋɩɩ, ŋ wɩɩkala jaŋ chaasa vɛŋ woruŋ.

Jɔɔŋ Wʋnaalaa 19:10

Ŋɩɩ nɛ mɩ tuu kpirimi dɩ mɩ chʋɔlʋ, ama ʋ bʋla pɩmɛ, “Sɩ́ ŋɩɩ ŋaa, la kala ŋaa tɩntɩnnaa a tɩma pɩpɩ Wɩa, la dɩ nɩalɩŋ kala sɩɩ to wɩalɩŋ Yesu sɩ bʋla. Wɩa nɛ maga ŋ chʋɔlɛ. Wʋtɩtɩɩ-la Yesu sɩ daga nɛ leŋe Wɩa wʋlaabʋllaa kɛŋ doluŋ aa bʋl Wɩa wɩaa.”