Jɔɔŋ 5:38 - WƖA TENIŊ

³⁸ Ʋ niiŋ wɩaa bɩ ma lɛ hɛ, bɛɛ wɩaa ma bɩ mɩ-na nɩɩ-la ʋ sɩ tɩma wɩaa laa dii.

Jɔɔŋ 5:38 ပူးပေါင်းရင်းမြစ်များ

WƖA YƖƖLAA 119:11

Mɩ joŋ ŋ niiŋ wɩaa hɛ mɩ tʋɔŋ lɛ nɛ, dɩ ŋɩɩ leŋ dɩ mɩ sɩ́ wʋbɔŋ kala ŋaa chei ŋ lɛ.

AZAAYA 26:10

Ŋ dagɛ ŋ zile nɩbɔŋŋɔɔ teeŋ nɛ, aŋ ka ba bɩ chɛ dɩ ba to tʋɔpʋla wombiiŋ, aŋ ŋɩŋaa wʋbɔŋŋɔɔ tʋɔpʋl tɩŋŋaa tinteeŋ lɛ. Ba vɩa dɩ ba liisi La TƖƖNA ballɩŋ sɩ magɛ ŋɩɩ wɩaa nɛ.

AZAAYA 49:7

Iziral tɩŋŋaa, Wɩa sɩ bɩ disiniŋ kɛnɛ, a ŋaa ba laataara bʋla pɩ nɩɩ-la Iziral tɩŋŋaa sɩ bɩ ʋ wʋŋaalaa cho a bɛrɛ, a ŋaa kuoroo tɩntɩnnʋ: “Kuoroo jaŋ naŋ a sii chɩŋ, dɩ kuori-biiriŋ ma naŋ a tuu kpirimi. Wɩaa deemba kala jaŋ ŋaa, bɛɛ wɩaa mɩ-na ma TƖƖNA Iziral tɩŋŋaa Wɩa sɩ bɩ disiniŋ kɛnɛ sɩ lɩɩsɛ mɩ tɩntɩnna, kɛŋ wʋtɩtɩɩ nɛ.”

Jɔɔŋ 1:11

Ʋ kɔ ʋ tɩtɩa jáŋ, ama ʋ jáŋ nɩaa bɩ ʋ laa.

Jɔɔŋ 15:7

Dɩ ma nɛ mɛrɛ mɩ lɛ, dɩ mɩ niiŋ wɩaa hɛ ma tʋɔŋ, kʋŋkala ma sɩ pɩɛsɛmɛ a chɩchɛ, mɩ jaŋ ŋaa pɩma.

Jɔɔŋ 8:37

Mɩ jɩma arɩ ma ŋaa Abɩraham doho nɩaa nɛ, aŋ ka ma chɩchɛ dɩ ma kpʋmɛ, bɛɛ wɩaa wɩalɩŋ mɩ sɩ dagɛma bɩ ma dɩgɩlaa jʋa.

Koloosi Nɩaa 3:16

Má leŋ dɩ wɩalɩŋ kala Kirisito sɩ bʋla hɛ ma tʋɔŋ woruŋ. Má kpʋrɩsɛ dɔŋɔba dɩgɩlaa aa dagɛ dɔŋɔ arɩ wʋjɩmɩŋ. Má yɩɩ yɩɩla-la sɩ hɛ Wɩa teniŋ tʋɔŋ, arɩ Wɩa nɩaa yɩɩlaa dɔnsʋŋ, arɩ yɩɩlaa Wɩa Dɩŋ-zɔŋ-la sɩ dagɛma. Má yɩɩ ŋɩɩ a pɩ Wɩa a lɔllʋ ma tʋɔŋ lɛ.

JOSUA 1:8

Kɩkarɩmɛ teŋ-la Mosis sɩ ŋmʋnsɛ mɩ wombiee hɛ bʋa na-kala, aŋ kɛmba chʋchɔgɩsɛ ŋ tʋɔŋ lɛ tɩtaŋɩŋ arɩ wɩɩhɛyɛ, aŋ fɩɛlɛ ŋ sɩaa a to wɩalɩŋ kala ba sɩ ŋmʋnsa hɛ ʋ lɛ. Dɩ ŋ nɛ ŋaa ŋɩɩ, ŋ wɩɩkala jaŋ chaasa vɛŋ woruŋ.

1 Jɔɔŋ 2:14

Mɩ kʋhɩasɩŋ ma, ma jɩŋ Nɩɩ-la fa sɩ hɛ nɩmɛ bumbuŋ kala nɛ, ŋɩɩ nɛ tɩɩ mɩ ŋmʋnsa pɩpɩma. Ma bapʋɔsaa ma, ma ma kɛŋ doluŋ, Wɩa niiŋ wɩaa ma hɛ ma tʋɔŋ lɛ. Ma lɛɛlɛ yuo dii Sɩtaanɩ nɛ, ŋɩɩ nɛ tɩɩ mɩ ŋmʋnsa pɩpɩma.