Jɔɔŋ 5:37 - WƖA TENIŊ

³⁷ Mɩ Nyɩmma-la sɩ tɩmmɛ, ʋ maa bʋl mɩ wɩaa nɛ. Ma ha bɩ ʋ yikoro nɩa, ma ha bɩ ʋ na arɩ ma sɩaa ma.

Jɔɔŋ 5:37 ပူးပေါင်းရင်းမြစ်များ

MOSIS KƐŊ IZIRAL TƖŊŊAA LƖƖ 20:19

aŋ bʋla pɩ Mosis, “Ŋ tɩtɩa bʋl wɩaa pɩpɩla, la jaŋ jegile nɩɩ. Sɩ́ leŋe dɩ Wɩa nɛ bʋla pɩla, dɩ ŋɩɩ dee, la jaŋ sʋʋ.”

AZAAYA 26:10

Ŋ dagɛ ŋ zile nɩbɔŋŋɔɔ teeŋ nɛ, aŋ ka ba bɩ chɛ dɩ ba to tʋɔpʋla wombiiŋ, aŋ ŋɩŋaa wʋbɔŋŋɔɔ tʋɔpʋl tɩŋŋaa tinteeŋ lɛ. Ba vɩa dɩ ba liisi La TƖƖNA ballɩŋ sɩ magɛ ŋɩɩ wɩaa nɛ.

Matiu 17:5

Pɩɩta fa ha sɩɩ bʋl wɩaa ŋɩɩ, dɩ duoŋ-bɩlɩmbaanɩŋ kʋ tɔba, ka yikoro kʋbala lɩɩ duoŋ-bɩlɩmbaaŋ-la tʋɔŋ a bʋbʋl, “Mɩ Bii-chooluŋ nɛ ŋ-la. Mɩ tʋɔŋ tɔrɛ ʋ nyuŋ. Má jegile nɩɩ ʋ teeŋ.”

Matiu 3:17

Ka ʋ nɩɩ nʋʋ yikoro wɩa-nyuŋ sɩ bʋla, “Mɩ Bii-chooluŋ nɛ ŋ-la, mɩ tʋɔŋ tɔrɛ ʋ nyuŋ.”

Maak 1:11

Ʋ nɩɩ yikoro dɩ ʋ lɩɩ wɩa-nyuŋ a bʋla pʋ, “Ŋ nɛ mɩ Bii-chooluŋ. Mɩ tʋɔŋ tɔrɛ ŋ nyuŋ.”

Luuk 24:27

Ŋɩɩ nɛ Yesu dagɛ wɩalɩŋ kala ba sɩ ŋmʋnsa Wɩa teniŋ tʋɔŋ a tɩgɛ ʋ lɛ bʋbʋɔŋ a pɩba. Ʋ suomi teniŋ-la Mosis sɩ ŋmʋnsa a kaa mʋ tenni-la kala Wɩa wʋlaabʋllaa sɩ ŋmʋnsa lɛ.

Luuk 3:22

Wɩa Dɩŋ-zɔmʋŋ kʋ tuu a nagɛ kokomo a togili ʋ lɛ. Ʋ nɩɩ yikoro dɩ ʋ lɩɩ wɩa-nyuŋ a bʋla pʋ, “Ŋ nɛ mɩ Bii-chooluŋ. Mɩ tʋɔŋ tɔrɛ ŋ nyuŋ.”

Jɔɔŋ 1:18

Nʋʋkala ha bɩ Wɩa na. Ʋ dɩ ʋ Bii-bala-la sɩ ŋaa kʋbala a hɔŋ ʋ sɛmɛ nɛ dagɛla ʋ wɩaa.

Jɔɔŋ 14:9

Ŋɩɩ nɛ Yesu pɩɛsʋ, “Fɩlɩp, mɩ dɩ ma hɛ nɩmɛ a dieni ŋɩɩ, ka ŋ ha bɩ mɩ jɩŋŋ? Nɩɩ-la kala sɩ namɛ, ʋ na mɩ Nyɩmma ma nɛ. Bɛɛ nɛ saa tɩɩ ŋ bʋl dɩ mɩ dagɛma mɩ Nyɩmma?

Jɔɔŋ 15:24

Wɩalɩŋ kala mɩ sɩ ŋaa, nʋʋkala bɩ ba ŋaa. Dɩ mɩ nɛ fa bɩ ba ŋaa dɩ ba na, ba fa bɩ jaŋ chei wɩɩkala. Ama ba na ba kala nɛ aŋ ha bɛrɛ mɩ dɩ mɩ Nyɩmma kala.

Jɔɔŋ 5:32

Ama nʋʋ ma nɛ hɛ nɩmɛ a jɩŋ mɩ wɩaa a bʋbʋlba. Mɩ saa jɩma wɩalɩŋ ʋ sɩɩ bʋl a tɩgɛ mɩ lɛ, ba ŋaa wʋtɩtɩɩba nɛ.

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Jɔɔŋ 8:18

Mɩ ŋaa mɩ tɩtɩa pɛ-naarʋ nɛ, mɩ Nyɩmma-la ma sɩ tɩmmɛ nɛ ŋaa mɩ pɛ-naara.”

MOSIS BƖRA WULLI WƖA WOMBIIŊ 4:12

La TƖƖNA hɛ nyiŋ-la tʋɔŋ nɛ aŋ bʋl wɩaa pɩma. Ma nɩɩ ʋ yikoro dʋndʋŋa nɛ aŋ bɩ ʋ nagɩŋ na.

1 Timoti 1:17

Má leŋ dɩ la dɛnnɛ la Nyɩmma Wɩa aŋ pɛ zilu a kaa mʋ wuu. Ʋ nɛ kuoro a kaa mʋ deeŋ deeŋ. Ʋ-na bɩ sʋʋ, nɩaa ma bɩ ʋ ka na. Ʋ dʋndʋŋa nɛ ŋaa Wɩa. Amɩɩ.

1 Timoti 6:16

Ʋ dʋndʋŋa nɛ bɩ sʋʋ. Ʋ hɛ pʋlʋŋ-bal tʋɔŋ nɛ, nʋʋkala bɩ nɩmɛ wuo mʋ. Nʋʋkala ha bɩ ʋ na, nʋʋ ma kala saa bɩ ʋ wuo na. Ʋ maga dɩ nɩaa kala zizilu nɛ. Ʋ nɛ kɛŋ doluŋ a kaa mʋ wuu. Amɩɩ.

1 Jɔɔŋ 4:12

Nʋʋkala ha bɩ Wɩa na. Dɩ la nɛ cho dɔŋɔ, Wɩa hɛ la teeŋ nɛ a kaa mʋ. Dɩ ʋ nɛ hɛ la teeŋ ŋɩɩ, la jaŋ cho Wɩa arɩ la dɔnsʋŋ tɩŋŋaa kɩŋkɛŋ.

1 Jɔɔŋ 4:20

Dɩ nʋʋ nɛ sɩ ʋ cho Wɩa nɛ aŋ bɛrɛ ʋ dɔŋɔ tɩɩna, ʋ ŋaa wʋnyɩɛrʋ nɛ. Ʋ sɩ wuo na ʋ dɔŋɔ tɩɩna aŋ bɩ ʋ cho, ŋɩɩ-na ʋ bɩ Wɩa ʋ sɩ bɩ wuo na ma cho.

1 Jɔɔŋ 5:9

Dɩ wɩɩ nɛ ŋaa nʋʋ lɛ dɩ ʋ bʋl wɩɩ-la, la yie sɛɩ nɛ. Ama dɩ Wɩa nɛ bʋl wɩɩ, ʋ nɛ ŋaa sɩɩfɩaŋ a kɩɩ nuhuobiine wʋbʋlʋŋ. Wɩa tɩtɩa nɛ saa bʋl wɩaa a tɩgɛ ʋ Bie lɛ. Wɩalɩŋ kala ʋ sɩ bʋla a tɩgɛ ʋ lɛ ŋaa wʋtɩtɩɩ nɛ.