Jɔɔŋ 5:36 - WƖA TENIŊ

³⁶ Ama wɩɩŋ dɔŋɔ hɛ nɩmɛ a laa mɩ nyuŋ a bʋbʋl wɩaa, ʋ nɛ kɩɩ Jɔɔŋ. Tɩntɩmɩɩ-la mɩ sɩɩ tɩŋ nɛ ŋɩɩ, tɩntɩmɩɩ-la mɩ Nyɩmma sɩ joŋo pɩmɛ dɩ mɩ tɩŋ. Ŋɩɩ daga arɩ mɩ Nyɩmma nɛ tɩmmɛ.

Jɔɔŋ 5:36 ပူးပေါင်းရင်းမြစ်များ

Matiu 11:4

Yesu bʋla pɩba, “Má mɩɩra mʋ Jɔɔŋ teeŋ a bʋla pʋ wɩalɩŋ kala ma sɩ na a nɩɩ ma:

Luuk 2:49

Ŋɩɩ nɛ ʋ pɩɛsɛba, “Bɛɛ nɛ tɩɩ ma gɔllɔɔ chɛmɛ? Ma bɩ jɩŋ arɩ mɩ jaŋ hɛ mɩ Nyɩmma dɩa lɛɛ?”

Jɔɔŋ 10:25

Yesu bʋla pɩba, “Mɩ laa sɩpaaŋ bʋla pɩma nɛ, ka ma bɩ laa dii. Tɩntɩmɩɩ-la mɩ sɩɩ tɩŋ mɩ Nyɩmma doluŋ lɛ dagɛ nɩɩ-la mɩ sɩ ŋaa nɛ.

Jɔɔŋ 11:37

Dɔnsʋŋ ma pɩɛsɛ, “Ka ʋ nɛ suri nyʋlɩmaa sɩaa ŋɩɩ, ʋ saa fa bɩ jaŋ wuo ŋaa dɩ Lazarɔs sɩ́ sʋʋ?”

Jɔɔŋ 15:24

Wɩalɩŋ kala mɩ sɩ ŋaa, nʋʋkala bɩ ba ŋaa. Dɩ mɩ nɛ fa bɩ ba ŋaa dɩ ba na, ba fa bɩ jaŋ chei wɩɩkala. Ama ba na ba kala nɛ aŋ ha bɛrɛ mɩ dɩ mɩ Nyɩmma kala.

Jɔɔŋ 17:4

Mɩ leŋe ŋ laa yɩrɩŋ nɛ tinteeŋ deeŋ lɛ. Mɩ tɩŋ tɩntɩmɩɩ-la dɛrɛ nɛ, tɩntɩmɩɩ-la ŋ sɩ joŋo pɩmɛ dɩ mɩ tɩŋ.

Jɔɔŋ 2:23

Yesu fa sɩ hɛ Jerusalɛm lɛ, dɩɩsɩŋ kiele bal gbiele-la lɛ, nɩaa yʋga a laa ʋ wɩaa dii a tɩŋ ba sɩ na wʋmagɩla-la ʋ sɩɩ ŋaa.

Jɔɔŋ 3:17

Wɩa bɩ ʋ Bie ta dɩ ʋ kʋ tuu laa dʋnɩa nɩaa wɩaa jɩŋ, ama dɩ ʋ laa dʋnɩa nɩaa ta.

Jɔɔŋ 3:2

Tɩtaŋ kʋbala ʋ sii kɔ Yesu teeŋ a bʋl, “Kʋhɩaŋ, la jɩma arɩ ŋ nɛ ŋaa Nɩɩ-la Wɩa sɩ ta dɩ ŋ dagɛ nɩaa. Nʋʋkala bɩ jaŋ wuo ŋaa wʋmagɩla-la ŋ sɩɩ ŋaa, see dɩ Wɩa pɛ tɩɩna lɛ.”

Jɔɔŋ 4:34

Yesu bʋla pɩba, “Mɩ kʋdiilee nɛ dɩ mɩ to nɩɩ-la sɩ tɩmmɛ niiŋ, a tɩŋ tɩntɩmɩɩ-la ʋ sɩ pɩmɛ dɛrɛ.

Jɔɔŋ 5:32

Ama nʋʋ ma nɛ hɛ nɩmɛ a jɩŋ mɩ wɩaa a bʋbʋlba. Mɩ saa jɩma wɩalɩŋ ʋ sɩɩ bʋl a tɩgɛ mɩ lɛ, ba ŋaa wʋtɩtɩɩba nɛ.

Tɩntɩŋŋaa 2:22

Ŋɩɩ nɛ Pɩɩta bɩra bʋl, “Iziral tɩmma, má jegile nɩɩ wɩaa deemba mɩ sɩɩ chɛ mɩ bʋla pɩma. Yesu sɩ lɩɩ Nazarɛt nɛ Wɩa lɩɩsa pɩma. Wʋmagɩlaa arɩ wʋkpuŋkperisiŋ Wɩa sɩ to ʋ lɛ ŋaa ma sɩɩŋ lɛ nɛ dagɛ ŋɩɩ. Ma ma jɩma nɛ.

1 Jɔɔŋ 5:9

Dɩ wɩɩ nɛ ŋaa nʋʋ lɛ dɩ ʋ bʋl wɩɩ-la, la yie sɛɩ nɛ. Ama dɩ Wɩa nɛ bʋl wɩɩ, ʋ nɛ ŋaa sɩɩfɩaŋ a kɩɩ nuhuobiine wʋbʋlʋŋ. Wɩa tɩtɩa nɛ saa bʋl wɩaa a tɩgɛ ʋ Bie lɛ. Wɩalɩŋ kala ʋ sɩ bʋla a tɩgɛ ʋ lɛ ŋaa wʋtɩtɩɩ nɛ.