Jɔɔŋ 5:34 - WƖA TENIŊ

³⁴ Ʋ saa bɩ naga wɩalɩŋ nuhuobiinee sɩ bʋla a tɩgɛ mɩ lɛ wɩaa nɛ mɩ chɩl, ama mɩɩ bʋl wɩɩŋ deeŋ dɩ ma kɛŋ ma tɩtɩa hɛ dɔŋɔ dɩ Wɩa wuo laama ta nɛ.

Jɔɔŋ 5:34 ပူးပေါင်းရင်းမြစ်များ

Luuk 13:34

Ma Jerusalɛm nɩaa, ma yie kpʋ Wɩa wʋlaabʋllaa, a joŋ tabɩaa a yagɛ tɩndaara-la Wɩa sɩ tɩma dɩ ba kɔ ma teeŋ. Naansɩɩŋ yʋga nɛ mɩ fa cho dɩ mɩ chu tɔ ma nɩaa kala, arɩ jimiŋ sɩ yie chu tɔ ʋ biiriŋ ŋɩɩ, ka ma bɩ sɛyɛ.

Luuk 19:10

bɛɛ wɩaa mɩ-na Nuhuobiine Bie kɔ dɩ mɩ chɛ a laa nɩalɩŋ sɩ lɛlɛ nɛ a ta.”

Luuk 24:47

Ba jaŋ bʋl Wɩa wɩaa ʋ yɩrɩŋ lɛ, tintee kala lɛ, dɩ nɩaa bɩrɩma lɩɩ ba wʋbɔŋŋɔɔ lɛ dɩ Wɩa joŋ ba wʋbɔŋŋɔɔ chɛba. Ba jaŋ suomo ŋaa ŋɩɩ Jerusalɛm lɛ.

Jɔɔŋ 20:31

Ama mɩ ŋmʋnsɛ wɩaa deemba dɩ ma wuo laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa aŋ pɛ ŋaa Wɩa Bie ma. Dɩ ma nɛ laa wɩaa deemba dii, ma jaŋ kɛŋ mɩɩsɩŋ ʋ yɩrɩŋ lɛ.

Jɔɔŋ 5:32

Ama nʋʋ ma nɛ hɛ nɩmɛ a jɩŋ mɩ wɩaa a bʋbʋlba. Mɩ saa jɩma wɩalɩŋ ʋ sɩɩ bʋl a tɩgɛ mɩ lɛ, ba ŋaa wʋtɩtɩɩba nɛ.

Jɔɔŋ 5:41

Mɩ bɩ chɛ dɩ nuhuobiinee bɛsɛ mɩ lɛ.

Jɔɔŋ 8:54

Ŋɩɩ nɛ Yesu bɩra bʋla pɩba, “Dɩ mɩ nɩɩ pɩ mɩ tɩtɩa yɩrɩŋ, yɩrɩ-la ŋaa yɩrɩ-pɛɩ nɛ. Mɩ Nyɩmma nɛ nɩɩ-la sɩɩ pɩmɛ yɩrɩŋ, nɩɩ-la ma sɩ sɩ ʋ ŋaa ma Wɩa nɛ.

Rom Tɩŋŋaa 10:1

Mɩ naambiiriŋ, mɩ tʋɔŋ lɛ mɩ faasa cho dɩ Wɩa laa Juu tɩŋŋaa ta nɛ. Mɩ yie chʋɔlɛ Wɩa pɩpɩba arɩ sɩɩfɩɛsɩŋ nɛ.

Rom Tɩŋŋaa 10:21

Ama ʋ bʋl ŋ-la nɛ a tɩgɛ Iziral tɩŋŋaa lɛ: “Mɩ chal mɩ nɩsaa faafaa kala nɛ a gbɛrɛ nɩalɩŋ sɩ vɩamɛ a bɩ mɩ niiŋ ka to.”

Rom Tɩŋŋaa 12:21

Má sɩ́ leŋe dɩ wʋbɔŋŋɔɔ ŋaanɩŋ wuoma. Ama má leŋ ma wʋzɔŋŋɔɔ yuo dii ma wʋbɔŋŋɔɔ.

Rom Tɩŋŋaa 3:3

Ka dɩ Juu tɩŋŋaa dɔnsʋŋ nɛ bɩ Wɩa niiŋ wɩalɩŋ laa dii, ʋ jaŋ wuo leŋ dɩ Wɩa sɩ́ wʋtɩtɩɩ kɛŋ koo?

1 Kɔrɩntɩ Nɩaa 9:22

Dɩ mɩ nɛ mʋ nɩalɩŋ sɩ bɩ waa Wɩa wɩaa lɛ teeŋ, mɩ yie kɛŋ mɩ tɩtɩa a nagɛ ba dɔŋɔ nɛ, dɩ mɩ wuo leŋ dɩ ba kʋ to Wɩa. Mɩ yie kɛŋ mɩ tɩtɩa bɩrɩmɛ a nagɛ nʋʋkala nɛ dɩ mɩ wuo laa dɔnsʋŋ ta, dɩ mɩ nɛ wuolo.

1 Timoti 4:16

Kɛŋ ŋ tɩtɩa a mʋ tɩgɛ ŋ mɛlɛ arɩ wɩalɩŋ ŋ sɩɩ dagɛ lɛ. Chɩŋ wɩalɩŋ lɛ woruŋ, bɛɛ wɩaa dɩ ŋ nɛ ŋaa ŋɩɩ, ŋ jaŋ laa ŋ tɩtɩa arɩ nɩalɩŋ sɩ jegilee nɩɩ ŋ teeŋ ta.

1 Jɔɔŋ 5:9

Dɩ wɩɩ nɛ ŋaa nʋʋ lɛ dɩ ʋ bʋl wɩɩ-la, la yie sɛɩ nɛ. Ama dɩ Wɩa nɛ bʋl wɩɩ, ʋ nɛ ŋaa sɩɩfɩaŋ a kɩɩ nuhuobiine wʋbʋlʋŋ. Wɩa tɩtɩa nɛ saa bʋl wɩaa a tɩgɛ ʋ Bie lɛ. Wɩalɩŋ kala ʋ sɩ bʋla a tɩgɛ ʋ lɛ ŋaa wʋtɩtɩɩ nɛ.