Jɔɔŋ 5:30 - WƖA TENIŊ

³⁰ Ŋɩɩ nɛ Yesu bɩra bʋl, “Mɩ-na bɩ wɩɩkala wuo ŋaa mɩ tɩtɩa doluŋ lɛ. Mɩ yie dii sarɩya arɩ Wɩa sɩ sɩ mɩ dii ŋɩɩ nɛ. Ŋɩɩ wɩaa mɩ sɩ yie dii sarɩya-la ŋɩɩ, ʋ ŋaa wʋtɩtɩɩ nɛ, bɛɛ wɩaa mɩ bɩ chɛ dɩ mɩ ŋaa wɩɩ-la mɩ sɩɩ chɛ, ama wɩɩ-la nɩɩ-la sɩ tɩmmɛ sɩɩ chɛ.

Jɔɔŋ 5:30 ပူးပေါင်းရင်းမြစ်များ

WƖAA DƖ-SUOMUŊ 18:25

Ʋ bɩ kɩsɛ dɩ ŋ kpʋ tʋɔpʋl tɩŋŋaa arɩ nɩbɔŋŋɔɔ kala hɛ dɔŋɔ lɛɛ? Ŋɩɩ bɩ kɩsɛɛ, Nɩɩ-la sɩ jaŋ dii dʋnɩa kala sarɩya sɩ jaŋ ŋaa ŋɩɩ?”

WƖA YƖƖLAA 96:13

Ba jaŋ yɩɩ yɩɩlaa a pɩ La Tɩɩna. Ʋ jaŋ kʋ dii dʋnɩa nɩaa kala sarɩya. Ʋ jaŋ dii dʋnɩa nɩaa sarɩya arɩ tʋɔpʋla arɩ wʋtɩtɩɩ.

AZAAYA 28:6

Ʋ nɛ jaŋ pɩ nɩɩ-la sɩ jaŋ hɔŋ sarɩya diiree kpasa lɛ dɩma-la sɩ kɛŋ tɛŋɛ, aŋ joŋ doluŋ ma a pɩ nɩalɩŋ sɩ jaŋ pʋpɔ ba taŋ boi-baalɩŋ dɩ ba dʋndɔŋŋɔɔ sɩ́ kʋ jʋʋ.

ZEFANAAYA 3:15

La TƖƖNA leŋ ma dɔgʋsʋŋ nɛ, ʋ kiri ma dʋndɔŋŋɔɔ ba mɩɩrɛ nɛ. La TƖƖNA, Iziral tɩŋŋaa Kuoru-balɩŋ hɛ ma teeŋ nɛ, ma bɩra bɩ jaŋ fɩfá wʋwalɩmɩɩ kala.

Matiu 26:39

Ba hɔŋ, ka ʋ sʋrɩsa mʋ sɩpaaŋ mʋa a tuu pɩna chigi tinteeŋ a sʋl Wɩa a bʋl, “Mɩ Nyɩmma, dɩ wombiiŋ nɛ hɛ nɩmɛ, lɩɩsɛ hɛɛ-la sɩɩ kɔ mɩ lɛ. Ama mɩ-na tʋɔtɔrʋŋ lɛ dee, ŋ-na tʋɔtɔrʋŋ lɛ nɛ.”

Jɔɔŋ 14:10

Ŋ bɩ laa dii arɩ mɩ hɛ mɩ Nyɩmma lɛ nɛ, mɩ Nyɩmma ma hɛ mɩ lɛɛ? Wɩalɩŋ kala mɩ sɩ yie bʋlaa pɩma, mɩ tɩtɩa doluŋ lɛ dee mɩɩ bʋl. Wɩalɩŋ ma mɩ sɩɩ ŋaa, mɩ Nyɩmma sɩ hɛ mɩ lɛ nɩɩ ŋaa ŋɩɩ.

Jɔɔŋ 17:4

Mɩ leŋe ŋ laa yɩrɩŋ nɛ tinteeŋ deeŋ lɛ. Mɩ tɩŋ tɩntɩmɩɩ-la dɛrɛ nɛ, tɩntɩmɩɩ-la ŋ sɩ joŋo pɩmɛ dɩ mɩ tɩŋ.

Jɔɔŋ 18:11

Ŋɩɩ nɛ Yesu bʋla pɩ Pɩɩta, “Joŋ ŋ tokobii-la hɛ ʋ pɛɛŋ lɛ. Ʋ bɩ maga dɩ mɩ na hɛɛ-la mɩ Nyɩmma sɩɩ chɛ dɩ mɩ na, koo?”

Jɔɔŋ 4:34

Yesu bʋla pɩba, “Mɩ kʋdiilee nɛ dɩ mɩ to nɩɩ-la sɩ tɩmmɛ niiŋ, a tɩŋ tɩntɩmɩɩ-la ʋ sɩ pɩmɛ dɛrɛ.

Jɔɔŋ 5:19

Ŋɩɩ nɛ Yesu bʋla pɩba, “Mɩ bʋl wʋtɩtɩɩ nɛ a pɩpɩma, mɩ-na Wɩa Bie bɩ wɩɩkala wuo ŋaa mɩ tɩtɩa doluŋ lɛ. Mɩ yie ŋɩŋaa wɩalɩŋ mɩ sɩ na dɩ mɩ Nyɩmma ŋaa nɛ. Wɩɩ na-kala ʋ sɩɩ ŋaa nɛ mɩ ma ʋ Bie ŋɩŋaa,

Jɔɔŋ 6:38

bɛɛ wɩaa mɩ lɩɩ Wɩa-jaŋ kʋ tuu dɩ mɩ ŋaa wɩalɩŋ nɩɩ-la sɩ tɩmmɛ sɩɩ chɛ nɛ, mɩ tɩtɩa tʋɔtɔrɛ wɩaa dee.

Jɔɔŋ 8:28

Ŋɩɩ nɛ Yesu bʋla pɩba, “Dɩ ma nɛ kɛŋ mɩ-na Nuhuobiine Bie kpaasɛ daagɛsɛ nyuŋ, ma jaŋ jɩŋ arɩ mɩ nɛ ŋaa Nɩɩ-la mɩ sɩ sɩ mɩ ŋaa. Ŋɩɩ ma lɛ nɛ ma jaŋ to jɩŋ arɩ mɩ bɩ wɩɩkala ŋaa mɩ tɩtɩa doluŋ lɛ, ama mɩ yie bʋl wɩalɩŋ mɩ Nyɩmma sɩ dagɛmɛ nɛ.

Jɔɔŋ 8:42

Ŋɩɩ nɛ Yesu bʋla pɩba, “Dɩ Wɩa nɛ sɛnɛ fa ŋaa ma Nyɩmma, ma fa jaŋ chomi, bɛɛ wɩaa, Wɩa teeŋ nɛ mɩ lɩɩ a kɔ daha. Mɩ tɩtɩa doluŋ lɛ dee mɩ kɔ. Ʋ nɛ tɩmmɛ.

Jɔɔŋ 8:50

Mɩ bɩ yɩrɩŋ chɛ pɩpɩ mɩ tɩtɩa. Ama nʋʋ nɛ hɛ nɩmɛ a chɛ yɩrɩ-la pɩpɩmɛ. Ʋ nɛ saa jaŋ dii nɩalɩŋ sɩ vɩa mɩ wɩaa sarɩya.

Rom Tɩŋŋaa 15:3

Kirisito ma bɩ ʋ tɩtɩa tʋɔtɔrɛ wɩaa ŋaa. Ba fa ŋmʋnsɛ Wɩa teniŋ tʋɔŋ a bʋl ŋ-la nɛ a tɩgɛ ʋ lɛ: “Jomo-la kala nɩalɩŋ sɩ tʋʋsɛ ŋ-na Wɩa, ba nɛ ba joŋoo tʋʋsɛ mɩ ma.”

Rom Tɩŋŋaa 2:2

Wɩa sɩ joŋ cheeriŋ pɩ ma nɩalɩŋ sɩɩ ŋaa wʋbɔŋŋɔɔ deemba, la jɩma arɩ ʋ kɛŋ wʋtɩtɩɩ nɛ.

Rom Tɩŋŋaa 2:5

Ma tʋɔŋ dolie. Ma vɩa dɩ ma bɩrɩma lɩɩ ma wʋbɔŋŋɔɔ lɛ nɛ. Ma wasa ŋaa Wɩa baanɩŋ faasa sisii nɛ. Tapʋlɩɩ-la ʋ sɩ jaŋ dii dʋnɩa nɩaa sarɩya, ʋ jaŋ dii sarɩya arɩ wʋtɩtɩɩ dɩ nɩaa na.