Jɔɔŋ 5:28 - WƖA TENIŊ

²⁸ Má sɩ́ leŋe dɩ wɩɩŋ deeŋ ŋaama wʋkpuŋkpere. Bʋa kʋbala jaŋ yi dɩ nɩalɩŋ kala sɩ sʋba a hɛ bʋɔsʋŋ lɛ nɩɩ mɩ yikoro,

Jɔɔŋ 5:28 ပူးပေါင်းရင်းမြစ်များ

AZAAYA 26:19

Ama la laa dii arɩ ŋ nɩalɩŋ sɩ sʋba jaŋ sii a kɛŋ mɩɩsɩŋ, nɩalɩŋ kala sɩ hɛ bʋa tʋɔŋ jaŋ sii a yɩɩ yɩɩlaa arɩ tʋɔtɔrʋŋ. A nagɛ nyalɩŋ sɩ yie nyal a leŋ leriŋ fɩɛlɛ ŋɩɩ, ŋɩɩ nɛ nɩalɩŋ sɩ sʋba jaŋ sii sʋʋŋ lɛ a na fɩɛlɩŋ.

DANƖƐL 12:2

Nɩ-dandaŋ-la sɩ sʋba jaŋ sii, dɩ dɔnsʋŋ kɛŋ mɩɩsɩ-la sɩ bɩ dɛrɛ, ka dɩ dɔnsʋŋ ma dii hɩɩsɩŋ a na hɛɛ-la sɩ bɩ dɛrɛ.

HOSIA 13:14

Mɩ time laaba dɩ sʋʋŋ sɩ́ ba wuoo? Mɩ laaba ta sʋʋŋ nɩsɩŋ lɛ? Sʋʋŋ, nɩɩ nɛ ŋ huoŋ hɛ? Lɛlɛɛ-jaŋ, nɩɩ nɛ ŋ huo-la sɩɩ chei nɩaa hɛ? Mɩ bɩ jaŋ fá ba nenige.

Jɔɔŋ 3:7

Sɩ́ leŋe dɩ ʋ ŋaa wʋkpuŋkpere ŋ lɛ mɩ sɩ bʋla pɩŋ arɩ ʋ maga dɩ ba wasa lʋlʋŋ.

Jɔɔŋ 4:21

Ŋɩɩ nɛ Yesu bʋla pʋ, “Laamɛ dii, bʋa kʋbala jaŋ yi, nɩaa bɩ jaŋ chʋɔlɛ la Nyɩmma Wɩa peeliŋ deeŋ nyuŋ koo Jerusalɛm lɛ.

Jɔɔŋ 4:23

Ama bʋa kʋbala jaŋ yi, ʋ paala yi nɛ, nɩalɩŋ sɩ jaŋ sɛnɛ chʋɔlɛ Wɩa, ba jaŋ chʋɔlɛ la Nyɩmma Wɩa arɩ wʋtɩtɩɩ, Wɩa Dɩŋ-zɔmʋŋ doluŋ lɛ. Nɩdosunu-la nɛ Wɩa chɩchɛ.

Jɔɔŋ 5:20

bɛɛ wɩaa mɩ Nyɩmma cho mɩ-na ʋ Bie nɛ, a dɩdagɛmɛ wɩalɩŋ kala ʋ tɩtɩa sɩɩ ŋaa. Ʋ jaŋ dagɛmɛ wɩaa a kɩɩ ŋ-la dɩ mɩ ŋaa, dɩ ba ŋaama wʋkpuŋkpere.

Jɔɔŋ 5:25

Wʋtɩtɩɩ nɛ mɩ bʋla pɩpɩma, bʋa-la jaŋ yi, ʋ saa yie ma nɛ, nɩalɩŋ sɩ sʋba jaŋ nɩɩ mɩ-na Wɩa Bie yikoro. Nɩalɩŋ saa sɩ nɩɩ mɩ yikoro, ba jaŋ kɛŋ mɩɩsɩŋ.

Tɩntɩŋŋaa 24:15

Mɩ ma laa dii arɩ Wɩa jaŋ chɩsɛ nɩzɔŋŋɔɔ arɩ nɩbɔŋŋɔɔ kala sʋʋŋ lɛ. Nɩaa deemba kala sɩ hɛ daha ma laa wɩaa deemba kala dii nɛ.

Tɩntɩŋŋaa 3:12

Pɩɩta sɩ na nɩalɩŋ dɩ baa ŋaa ŋɩɩ, ʋ bʋla pɩba, “Mɩ naambiiriŋ Iziral tɩmma, ɛɛ nɛ wɩɩŋ deeŋ ŋaa wʋkpuŋkpere ma teeŋ, ma paala faasa chaarɛ sɩaa a bibenla ŋ-la? Ma bɩɩna arɩ la tɩtɩa doluŋ lɛ nɛ koo la sɩɩ to Wɩa woruŋ nɛ wuo ŋaa baala deeŋ sii vɩvɛŋ?

1 Kɔrɩntɩ Nɩaa 15:22

Adam wɩaa nɛ tɩɩ nɩaa sʋsʋʋ. Ŋɩɩ tɩtɩa nɛ a tɩŋ Kirisito ma wɩaa, nɩaa jaŋ kɛŋ mɩɩsɩŋ.

Fɩlɩpa Nɩaa 3:21

Dɩ ʋ nɛ kɔ, ʋ jaŋ kɛŋ ʋ dol-la ʋ sɩ kaa bibeŋ kʋŋkala a kaa bɩrɩmɛ la yaraa deemba sɩ jaŋ pʋa, dɩ ba nagɛ ʋ tɩtɩa yara-la sɩ bɩ pʋa.

Jɔɔŋ Wʋnaalaa 20:12

Ŋɩɩ nɛ ka mɩ na nɩalɩŋ sɩ sʋba, nɩhɩasɩŋ arɩ hambiisiŋ kala, dɩ ba chɩŋ kuoru kpasa-la sɩpaaŋ. Ŋɩɩ nɛ ba suri tenniŋ, a bɩra suri teniŋ dɔŋɔ ma, mɩɩsɩŋ teniŋ nɛ ŋɩɩ. Tenni-la lɛ nɛ ba ŋmʋnsɛ nʋʋkala sɩ hɛ dʋnɩa lɛ wʋŋaalaa hɛ, ba lɛ nɛ ba to a dii nʋʋkala sɩ sʋba sarɩya.