Jɔɔŋ 5:26 - WƖA TENIŊ

²⁶ Mɩ Nyɩmma sɩ kɛŋ doluŋ dɩ ʋ pɩ nɩaa mɩɩsɩŋ ŋɩɩ, ŋɩɩ nɛ ʋ ŋaa mɩ ma ʋ Bie kɛŋ doluŋ dɩ mɩ pɩ nɩaa mɩɩsɩŋ.

Jɔɔŋ 5:26 ပူးပေါင်းရင်းမြစ်များ

WƖA YƖƖLAA 36:9

Mɩɩsɩŋ kala lɩɩ ŋ teeŋ nɛ. Ŋ nɛ pʋlʋmʋŋ, ŋɩɩ leŋ la ma na pʋlʋmʋŋ.

WƖA YƖƖLAA 90:2

Ka dɩ ŋ-na ŋaa peelee, koo a ŋaa tinteeŋ arɩ dʋnɩa bʋa-la kala lɛ, ŋ nɛ Wɩa a kaa mʋ wuu.

MOSIS KƐŊ IZIRAL TƖŊŊAA LƖƖ 3:14

Ŋɩɩ nɛ Wɩa bʋla pɩ Mosis, “MƖ NƐ ŊAA NƖƖ-LA MƖ SƖ ŊAA. Bʋl ŋ-la pɩ Iziral tɩŋŋaa, MƖ-NA NƖƖ-LA MƖ SƖ ŊAA nɛ tɩmmɛ ma teeŋ.”

JƐRƖMAAYA 10:10

Ama La TƖƖNA nɛ ŋaa Wɩɩ-tɩtɩɩ. Ʋ nɛ Wɩa sɩ weye. Ʋ nɛ kuoru-bal-la sɩ hɛ nɩmɛ a kaa mʋ deeŋ deeŋ. Dɩ ʋ nɛ na baanɩŋ, tinteeŋ yie zigili nɛ. Dɩ ʋ baanɩŋ nɛ sie, tinteyee bɩ jaŋ wuo chɩŋ.

Jɔɔŋ 1:4

Wɩɩ-la fa weye nɛ a kɛŋ pʋlʋmʋŋ kaa kʋ pɩ nɩaa.

Jɔɔŋ 10:18

Nʋʋkala dee bɩ leŋe mɩ joŋ mɩ mɩɩsɩŋ yɔɔ sʋʋŋ, mɩ tɩtɩa tʋɔtɔrʋŋ lɛ nɛ. Mɩ kɛŋ doluŋ dɩ mɩ joŋ mɩ mɩɩsɩŋ a yɔɔ sʋʋŋ, a bɩra kɛŋ doluŋ dɩ mɩ laa mɩ mɩɩsɩŋ ma. Wɩɩ-la mɩ Nyɩmma sɩ sɩ mɩ ŋaa nɛ ŋɩɩ.”

Jɔɔŋ 11:25

Ŋɩɩ nɛ Yesu bʋla pʋ, “Mɩ nɛ ŋaa Nɩɩ-la sɩ jaŋ sii sʋʋŋ lɛ, a chɩsɛ nɩaa sʋʋŋ lɛ dɩ ba kɛŋ mɩɩsɩŋ. Nʋʋkala sɩ laa mɩ wɩaa dii, dɩ ŋ sʋba ma, ŋ jaŋ sii a kɛŋ mɩɩsɩŋ.

Jɔɔŋ 11:26

Nɩɩ-la ma kala sɩ weye aŋ laa mɩ wɩaa dii, ʋ bɩ jaŋ kɔ dɩ ʋ sʋba. Ŋ laa wɩɩŋ deeŋ dii nɛɛ?”

Jɔɔŋ 14:19

Ʋ ka mʋa dʋnɩa nɩaa bɩra bɩ jaŋ namɛ, ama ma-na jaŋ namɛ. Mɩ sɩ jaŋ kɛŋ mɩɩsɩŋ ŋɩɩ, ma ma jaŋ kɛŋ mɩɩsɩŋ.

Jɔɔŋ 14:6

Ŋɩɩ nɛ Yesu bʋla pʋ, “Mɩ nɛ ŋaa wombiiŋ a mʋmʋ Wɩa-jaŋ. Mɩ nɛ bɩra wʋtɩtɩɩ Tɩɩna ma, a bɩraa pɩ nɩaa ma mɩɩsɩŋ. Nʋʋkala bɩ mɩ Nyɩmma teeŋ wuo mʋ, see dɩ ʋ to mɩ lɛ.

Jɔɔŋ 4:10

Ŋɩɩ nɛ Yesu bʋla pʋ, “Dɩ ŋ nɛ fa jɩŋ kʋ-la Wɩa sɩ joŋo pɩ nɩaa, a fa jɩŋ nɩɩ-la sɩ sʋlʋŋ dɩ ŋ ŋaa lɩɩŋ pʋ dɩ ʋ nyʋa, ŋ fa jaŋ sʋlʋ dɩ ʋ pɩŋ lɩɩ-la sɩɩ pɩ nɩaa mɩɩsɩŋ.”

Jɔɔŋ 6:57

Mɩ Nyɩmma-la sɩ kɛŋ mɩɩsɩŋ a tɩmmɛ ŋɩɩ, ʋ nɛ leŋe mɩ kɛŋ mɩɩsɩŋ. Ŋɩɩ tɩtɩa nɛ nɩɩ-la ma sɩ chaŋ mɩ yaraa nammɩa ma jaŋ kɛŋ mɩɩsɩŋ a tɩŋ mɩ wɩaa.

Jɔɔŋ 8:51

Wʋtɩtɩɩ nɛ mɩ bʋlaa pɩma, nɩɩ-la kala sɩɩ to mɩ niiŋ wɩaa, ʋ bɩ jaŋ sʋʋ.”

Tɩntɩŋŋaa 17:25

Ʋ bɩ naga ʋ sɩ chɛ kʋŋ ka nɛ tɩɩ ʋʋ chɛ nuhuobiinee tɩma pʋ. Ʋ nɛ pɩ nuhuobiinee mɩɩsɩŋ arɩ wiese arɩ kʋŋkala.

1 Kɔrɩntɩ Nɩaa 15:45

Wɩa teniŋ tʋɔŋ ba ŋmʋnsa, “Nuhuobiiŋ-la Wɩa sɩ bumo ŋaa yɩrɩŋ nɛ Adam. Ŋɩɩ nɛ Wɩa wiese hɛ ʋ lɛ ʋ kɛŋ mɩɩsɩŋ.” Adam-la sɩ to harɩŋ kɔ nɛ ŋaa Wɩa wiese-la sɩɩ pɩ nɩaa mɩɩsɩŋ.

1 Timoti 1:17

Má leŋ dɩ la dɛnnɛ la Nyɩmma Wɩa aŋ pɛ zilu a kaa mʋ wuu. Ʋ nɛ kuoro a kaa mʋ deeŋ deeŋ. Ʋ-na bɩ sʋʋ, nɩaa ma bɩ ʋ ka na. Ʋ dʋndʋŋa nɛ ŋaa Wɩa. Amɩɩ.

1 Timoti 6:16

Ʋ dʋndʋŋa nɛ bɩ sʋʋ. Ʋ hɛ pʋlʋŋ-bal tʋɔŋ nɛ, nʋʋkala bɩ nɩmɛ wuo mʋ. Nʋʋkala ha bɩ ʋ na, nʋʋ ma kala saa bɩ ʋ wuo na. Ʋ maga dɩ nɩaa kala zizilu nɛ. Ʋ nɛ kɛŋ doluŋ a kaa mʋ wuu. Amɩɩ.

Hiburu TƖŊŊAA 1:2

Ama lɛɛlɛ dʋnɩa dɩdɛrɩŋ deeŋ lɛ, ʋ to ʋ Bie lɛ nɛ a bʋl wɩaa pɩla. Wɩa to ʋ Bie lɛ nɛ a ŋaa dʋnɩa, a joŋ kʋŋkala hɛ ʋ nɩsɩŋ lɛ.

Jɔɔŋ Wʋnaalaa 21:6

Ŋɩɩ nɛ ʋ bʋla pɩmɛ, “Wɩɩkala dɛrɛ nɛ. Mɩ nɛ ŋaa Alɩfa arɩ Omega, mɩ nɛ dɩ-suomuŋ arɩ dɩdɛrɩŋ. Nɩɩ-la kala lɩɩnyʋasʋŋ sɩ kɛnɛ, mɩ jaŋ ŋaa lɩɩ-bulo lɩɩ-la sɩɩ pɩ nɩaa mɩɩsɩŋ a pʋ dɩ ʋ nyʋa pɛɩ.

Jɔɔŋ Wʋnaalaa 22:1

Ŋɩɩ nɛ Wɩa tɩndaarʋ-la bɩra dagɛmɛ fuo-la lɩɩŋ sɩɩ pɩ nɩaa mɩɩsɩŋ. Lɩɩ-la kala pʋlla nɛ chɩl chɩl a nagɛ beenantɩrɛ. Lɩɩ-la pɛllɛ lɩɩ Wɩa arɩ Pie-bie-la kuoru kpasa-la teeŋ nɛ,

Jɔɔŋ Wʋnaalaa 22:17

Ŋɩɩ nɛ Wɩa Dɩŋ-zɔmʋŋ arɩ haal-la Pie-bie-la sɩɩ chɛ dɩ ʋ jaa bʋla pɩ nɩaa, “Má kɔ. Nʋʋkala sɩ nɩa, má leŋ dɩ ʋ kɔ. Nʋʋ na-kala lɩɩnyʋasʋŋ sɩ kɛnɛ, ʋ kɔ. Nɩɩ-la kala sɩ cho dɩ ʋ nyʋa lɩɩ-la sɩɩ pɩ nɩaa mɩɩsɩŋ sɩ ŋaa chɔgɩta kʋŋ, ʋ kɔ a nyʋa.”

Jɔɔŋ Wʋnaalaa 7:17

Wɩɩkala bɩ jaŋ ŋaaba, bɛɛ wɩaa Pie-bie-la sɩ chɩŋ Wɩa kuoru kpasa-la sɩpaaŋ nɛ jaŋ bibeŋ ba nyuŋ, a nagɛ pie-daara. Ʋ nɛ jaŋ kɛmba kaa mʋ lɩɩ-bulo leriŋ, lɩɩ-la sɩɩ pɩ nɩaa mɩɩsɩŋ. Wɩa ma jaŋ fɩɩsɛ sɩ-lɩɩrɩ kala sɩ hɛ ba sɩaa lɛ ta.”