Jɔɔŋ 5:23 - WƖA TENIŊ

²³ Ʋ ŋaa ŋɩɩ dɩ nʋʋkala zizil mɩ-na ʋ Bie nɛ, arɩ ba sɩɩ zil mɩ Nyɩmma ŋɩɩ. Nɩɩ-la kala sɩ bɩ mɩ-na Wɩa Bie ka zil, ʋ tɩɩna bɩ mɩ Nyɩmma Wɩa sɩ tɩmmɛ ka zil.

Jɔɔŋ 5:23 ပူးပေါင်းရင်းမြစ်များ

WƖA YƖƖLAA 2:12

Má zil ʋ Nanʋala, dɩ ŋɩɩ dee ʋ baanɩŋ jaŋ wuo guu sii dɩ ʋ kpʋma. Wɩa jaŋ pɛ nɩalɩŋ sɩ yuoru lɛ.

AZAAYA 42:8

Mɩ yɩrɩŋ nɛ ma TƖƖNA, mɩ bɩ jaŋ joŋ mɩ tʋla a pɩ kʋŋ dɔŋ kala, koo a joŋ mɩ dɛnnɛ a pɩ tɔŋŋɔɔ.

AZAAYA 44:6

La TƖƖNA doluŋ kala Tɩɩna sɩ ŋaa Iziral tɩŋŋaa kuoro arɩ ba Laataara sɩ, “Mɩ nɛ dɩ-suomuŋ arɩ dɩ-dɛrɩŋ, Wɩa dɔŋ kala tuo a pɛ mɩ lɛ.

AZAAYA 45:15

Iziral tɩŋŋaa Wɩa sɩ ŋaa ba Laataara, kɛŋ ʋ tɩtɩa faa nɛ.

AZAAYA 45:21

Má kɔ sarɩya dɩ-diiliŋ a bʋl wɩɩ-la ma sɩ kɛnɛ dɩ mɩ nɩɩ. Kʋbɛɛ nɛ bʋla faafaa kala arɩ wɩɩŋ deeŋ jaŋ ŋaa? Mɩ-na ma TƖƖNA dee? Wɩa dɔŋ tuo a pɛ mɩ lɛ. Mɩ nɛ Wɩa sɩ kɛŋ tʋɔpʋla a laa nɩaa tɩta. Wɩa dɔŋ tuo a pɛ mɩ lɛ.

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

Matiu 10:37

Nɩɩ-la kala sɩ cho ʋ nyɩmma arɩ ʋ naaŋ a kɩɩmɛ, ʋ bɩ maga dɩ ʋ ŋaa mɩ harɩ-tooru. Nɩɩ-la kala ma sɩ cho ʋ bie koo ʋ tolo a kɩɩmɛ, ʋ bɩ maga dɩ ʋ ŋaa mɩ harɩ-tooru.

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Matiu 12:21

Ʋ lɛ nɛ dʋnɩa nɩaa kala jaŋ joŋ ba yɩɛlaa hɛ.”

Matiu 15:8

Ʋ fa sɩ: ‘Nɩaa deemba kɛŋ niiŋ nɛ zizilmi, ka ba tʋɔŋ lɩɩmɛ.

Matiu 28:19

Má saa mʋ dʋnɩa sɛmɛ-na kala a bʋl mɩ wɩaa pɩ nɩaa a leŋ dɩ ba ŋaa mɩ harɩ-tooroo a foba Wɩɩchʋɔlɛ lɩɩŋ mɩ Nyɩmma arɩ mɩ-na ʋ Bie arɩ ʋ Dɩŋ-zɔmʋŋ yɩrɩŋ lɛ.

Luuk 10:16

Ŋɩɩ nɛ aŋ ka ʋ bɩra bʋla pɩ ʋ harɩ-tooro-la, “Nɩɩ-la kala sɩ jegile nɩɩ ma teeŋ, ʋ jegile nɩɩ mɩ ma teeŋ nɛ. Nʋʋkala sɩ vɩama, ʋ vɩa mɩ ma nɛ. Nɩɩ-la kala ma sɩ vɩamɛ, ʋ ma vɩa Nɩɩ-la sɩ tɩmmɛ nɛ.”

Jɔɔŋ 14:1

Ŋɩɩ nɛ Yesu bʋl, “Má sɩ́ leŋe dɩ ma tʋɔŋ vʋgʋmɛ. Má laa Wɩa dii, a laa mɩ ma dii.

Jɔɔŋ 16:14

Ʋ jaŋ leŋ dɩ nɩaa yɩrɛ mɩ yɩrɩŋ, bɛɛ wɩaa wɩalɩŋ kala mɩ sɩ kɛnɛ mɩ bʋl, ʋ jaŋ kaa kʋ bʋla pɩma.

Jɔɔŋ 17:10

Nɩalɩŋ kala mɩ sɩ kɛnɛ ŋaa ŋ nɩaa nɛ. Nɩalɩŋ kala ŋ ma sɩ kɛnɛ ŋaa mɩ ma nɩaa nɛ. Ba nɛ leŋe mɩ laa yɩrɩŋ.

Rom Tɩŋŋaa 1:7

Ŋɩɩ wɩaa mɩ ŋmʋnsɛ teniŋ deeŋ pɩpɩ ma nɩalɩŋ kala sɩ hɛ Rom tinteeŋ lɛ, ma nɩalɩŋ Wɩa sɩ cho a lɩɩsɛma dɩ ma ŋaa tʋɔpʋl tɩŋŋaa. La Nyɩmma Wɩa arɩ La Tɩɩna Yesu lahɔrɩmɔ lɛ, ba jaŋ pɛ ma lɛ dɩ ma hɔŋ arɩ fɩɛlɩŋ.

Rom Tɩŋŋaa 15:12

Azaaya bɩra bʋl ŋ-la nɛ: “Jesi doho nɩaa dɔŋɔ jaŋ kɔ. Ʋ nɛ jaŋ sii a beŋ nɩalɩŋ sɩ bɩ Juu tɩŋŋaa ŋaa. Ba jaŋ joŋ ba yɩɛlaa hɛ ʋ lɛ.”

Rom Tɩŋŋaa 6:22

Ama lɛɛlɛ Wɩa laama ta nɛ wʋbɔŋŋɔɔ nɩsɩŋ lɛ. Ma ŋaa Wɩa yosuŋ nɛ. Ma nyʋʋrʋŋ nɛ, ma bɩra sɩ bɩ disiŋ kala kɛnɛ, ma saa jaŋ kɛŋ mɩɩsɩ-la sɩ bɩ dɛrɛ.

Rom Tɩŋŋaa 8:9

Ama Wɩa Dɩŋ-zɔŋ-la sɩ hɛ ma lɛ ŋɩɩ, ma-na bɩ ma yaraa wʋŋaalaa lɛ ka to, maa to wɩalɩŋ Wɩa Dɩŋ-zɔŋ-la sɩ daga nɛ. Dɩ Wɩa Dɩŋ-zɔŋ-la nɛ tuo nʋʋkala lɛ, tɩɩna bɩ Kirisito nʋʋ ŋaa.

1 Kɔrɩntɩ Nɩaa 1:3

La Nyɩmma Wɩa arɩ La Tɩɩna Yesu Kirisito lahɔrɩmɔ lɛ, ma jaŋ hɔŋ arɩ fɩɛlɩŋ.

1 Kɔrɩntɩ Nɩaa 10:31

Ŋɩɩ wɩaa kʋŋ na-kala ma sɩɩ dii arɩ kʋŋ na-kala ma sɩɩ nyʋa, wɩɩ-na kala ma sɩɩ ŋaa, má ŋaa ba kala dɩ Wɩa yɩrɩŋ yɩrɛ.

1 Kɔrɩntɩ Nɩaa 16:22

Dɩ nʋʋkala nɛ bɩ La Tɩɩna Kirisito cho, Wɩa jaŋ kalɩba hɛ ʋ lɛ. Maranaata! Ʋ bʋbʋɔŋ nɛ, La Tɩɩna Kirisito kɔ!

1 Kɔrɩntɩ Nɩaa 6:19

Ma bɩ jɩŋ arɩ ma yaraa ŋaa Wɩa Dɩŋ-zɔŋ-la ʋ sɩ joŋo pɩma dɩa nɛɛ? Ma dee bɩ ma tɩtɩa tɩɩ. Wɩa nɛ tɩɩma.

2 Kɔrɩntɩ Nɩaa 1:9

Wʋtɩtɩɩ, la fa bɩɩna arɩ la sʋba dɛrɛ nɛ. Ama ŋɩɩ pɛ la lɛ dɩ la sɩ́ la tɩtɩa doluŋ lɛ beŋ, ama dɩ la joŋ la yɩɛlaa kala a hɛ Wɩa lɛ, nɩɩ-la sɩɩ chɩsɛ nɩaa sʋʋŋ lɛ.

2 Kɔrɩntɩ Nɩaa 13:14

Laa sʋl La Tɩɩna Yesu Kirisito dɩ ʋ leŋ dɩ ma jʋʋ ʋ lahɔrɩmɔ, dɩ la Nyɩmma Wɩa ma choma, ka dɩ Wɩa Dɩŋ-zɔmʋŋ ma leŋ dɩ ma ŋaa kʋbala. Amɩɩ.

2 Kɔrɩntɩ Nɩaa 5:14

Kirisito chola nɛ, ʋ chono-la nɛ kɛnla kaa tɩtɩŋ. La saa sɛyɛ arɩ nʋʋkala wɩaa nɛ nɩbala sʋʋ, a tɩŋ ŋɩɩ wɩaa ʋ nagɛ nʋʋkala sʋba nɛ.

2 Kɔrɩntɩ Nɩaa 5:19

Wɩa to Kirisito lɛ nɛ a wuo ŋaa ʋ dɩ dʋnɩa nɩaa kala sɩŋ. Wɩa na dʋnɩa nɩaa arɩ ba ŋaa wʋbɔŋŋɔɔ nɛ, ama ʋ fá ba nenige a joŋ ba wʋbɔmɔ-la a chɛba. Wɩa nɛ sɩ la bʋla pɩ nɩaa arɩ la dɩ Wɩa sɩma nɛ lɛɛlɛ.

Ɛfɛsɩs Nɩaa 6:24

Nɩalɩŋ sɩ cho La Tɩɩna Yesu Kirisito a kaa mʋ deeŋ deeŋ, Wɩa jaŋ fá nɩaa deemba kala nenige.

2 Timoti 1:12

Mɩ sɩɩ bʋl wɩalɩŋ nɛ tɩɩ mɩ nɩna hɛɛŋ. Ama hɩɩsɩŋ bɩ mɩ kɛnɛ a tɩŋ hɛɛ-la mɩ sɩ na wɩaa. Mɩ jɩŋ nɩɩ-la mɩ sɩɩ to nɛ. Mɩ sɩ joŋ mɩ tɩtɩa hɛ ʋ nɩsɩŋ lɛ ŋɩɩ, mɩ laa dii arɩ ʋ jaŋ wuo bemmi woruŋ halɩɩ a kaa mʋ yi tapʋlɩɩ-la Kirisito Yesu sɩ jaŋ mɩɩra kɔ.

Hiburu TƖŊŊAA 1:6

Bʋa-la lɛ Wɩa sɩ leŋe ʋ Bii-hɩaŋ kʋ tuu dʋnɩa, ʋ sɩ, “Wɩa tɩndaaraa kala maga ba chʋɔlʋ nɛ.”

2 Pɩɩta 1:1

Mɩ-na Saamɔŋ Pɩɩta nɛ ŋmʋnsɛ teniŋ deeŋ pɩpɩma. Mɩ ŋaa Yesu Kirisito tɩntɩnnʋ nɛ a ŋaa ʋ nanzɔɔ ma. Mɩ ŋmʋnsɛ teniŋ deeŋ pɩpɩ ma nɩalɩŋ ma sɩ laa Yesu Kirisito wɩaa dii arɩ la ma sɩ laa ʋ wɩaa dii ŋɩɩ. La dɩ ma kala ŋaa tʋɔpʋl tɩmma nɛ a tɩŋ Wɩa arɩ la Laataara Yesu Kirisito wɩaa.

2 Pɩɩta 3:18

Má leŋ dɩ ma wʋjɩmɩŋ pʋŋa pɛ La Tɩɩna Yesu Kirisito wɩaa, Nɩɩ-la sɩ ŋaa la Laataara. Dɩ ma nɛ ŋaa ŋɩɩ, ʋ jaŋ pɛ ma lɛ. Ʋ yɩrɩŋ nɛ nɩaa jaŋ yɩrɛ lɛɛlɛ a kaa mʋ wuu. Amɩɩ.

1 Jɔɔŋ 2:23

Nɩɩ-la kala sɩ vɩa Wɩa Bie, ʋ bɩ ʋ Nyɩmma ma jɩŋ. Nɩɩ-la ma kala sɩ sɛɩ Wɩa Bie, ʋ sɛɩ ʋ Nyɩmma ma nɛ.

2 Jɔɔŋ 1:9

Nɩɩ-la kala sɩ bɩ wɩalɩŋ Kirisito sɩ daga dʋndʋŋa ka to, ʋ tɩɩna bɩ Wɩa teeŋ hɛ. Ama nɩɩ-la kala sɩɩ to wɩalɩŋ Kirisito sɩ daga dʋndʋŋa, ʋ tɩɩna kɛŋ Wɩa arɩ ʋ Bie kala nɛ.