Jɔɔŋ 5:22 - WƖA TENIŊ

²² Mɩ Nyɩmma-na bɩ nʋʋkala sarɩya ka dii, ama ʋ joŋ ba kala hɛ mɩ-na ʋ Bie nɩsɩŋ lɛ nɛ.

Jɔɔŋ 5:22 ပူးပေါင်းရင်းမြစ်များ

WƖA YƖƖLAA 96:13

Ba jaŋ yɩɩ yɩɩlaa a pɩ La Tɩɩna. Ʋ jaŋ kʋ dii dʋnɩa nɩaa kala sarɩya. Ʋ jaŋ dii dʋnɩa nɩaa sarɩya arɩ tʋɔpʋla arɩ wʋtɩtɩɩ.

WƖA YƖƖLAA 98:9

Leŋ dɩ ba yɩɩ yɩɩlaa La Tɩɩna sɩpaaŋ, bɛɛ wɩaa ʋ kɔ dɩ ʋ dii dʋnɩa nɩaa sarɩya nɛ. Ʋ jaŋ dii dʋnɩa nɩaa sarɩya arɩ tʋɔpʋla arɩ wʋtɩtɩɩ.

TƖƖCHA 11:9

Bapʋɔsɛ bie, leŋ dɩ ŋ tʋɔŋ tɔrɛ ŋ bapʋɔsʋŋ lɛ, nɩɩ sɩma ŋ hambiriŋ lɛ. Ŋaa wɩalɩŋ kala ŋ sɩɩ chɛ arɩ wɩɩ na-kala ŋ sɩ na, ama jɩŋ dɩ wɩaa deemba kala ŋ sɩɩ ŋaa lɛ Wɩa jaŋ diiŋ sarɩya.

TƖƖCHA 12:14

Wɩa jaŋ dii la sarɩya wɩɩ na-kala la sɩ ŋaa lɛ, dɩ ba ŋaa wʋzɔmɔ koo wʋbɔmɔ, a pɛ wɩalɩŋ kala la sɩ lʋara ŋaa lɛ.

Matiu 11:27

Ŋɩɩ nɛ ʋ bɩra bʋl, “Mɩ Nyɩmma joŋ kʋŋkala doluŋ nɛ pɩmɛ. Mɩ Nyɩmma dʋndʋŋa nɛ jɩŋ ŋɩɩ mɩ sɩ naga. Mɩ ma dʋndʋŋa nɛ jɩŋ ŋɩɩ mɩ Nyɩmma sɩ naga. Nʋʋkala bɩra bɩ ʋ jɩŋ, see nɩalɩŋ mɩ sɩ cho dɩ mɩ daga pa.”

Matiu 16:27

Mɩ-na Nuhuobiine Bie jaŋ kɔ arɩ mɩ Nyɩmma tʋla, a pɛ mɩ tɩndaaraa lɛ. Dɩ la nɛ kɔ, Wɩa jaŋ tiŋ nʋʋkala a magɛ ŋɩɩ ʋ sɩ tɩma.

Matiu 28:18

Yesu kʋ kpagɛba a bʋla pɩba, “Wɩa joŋ doluŋ kala a pɩmɛ nɛ Wɩa-jaŋ arɩ dʋnɩa kala lɛ.

Jɔɔŋ 17:2

Ŋ nɛ joŋ doluŋ pɩmɛ dɩ mɩ bibeŋ nuhuobiinee kala, a joŋ mɩɩsɩ-la sɩ bɩ dɛrɛ a pɩ nɩalɩŋ kala ŋ sɩ lɩɩsa pɩmɛ.

Jɔɔŋ 3:35

Mɩ Nyɩmma Wɩa cho mɩ-na ʋ Bie, a joŋ ʋ doluŋ kala a hɛ mɩ nɩsɩŋ lɛ.

Jɔɔŋ 5:27

Ʋ saa pɩ mɩ-na ʋ Bie doluŋ nɛ dɩ mɩ dii nɩaa sarɩya, bɛɛ wɩaa mɩ nɛ ŋaa Nuhuobiine Bie.

Jɔɔŋ 9:39

Ŋɩɩ nɛ Yesu bʋl, “Mɩ kɔ dʋnɩa dɩ mɩ ŋaa dɩ nɩalɩŋ sɩ nyʋlɩma sɩaa suri nɛ, ka dɩ mɩ ŋaa dɩ nɩalɩŋ sɩɩ na nyʋlɩmɛ.”

Tɩntɩŋŋaa 10:42

Ʋ sɩ dɩ la bʋl Wɩa wɩaa a pɩ nɩaa, a dagɛba arɩ Wɩa lɩɩsʋ nɛ dɩ ʋ ŋaa nɩweyee arɩ nɩsʋʋnʋŋ kala sarɩya diire.

Tɩntɩŋŋaa 17:31

bɛɛ wɩaa ʋ hɛ tapʋlɩɩ nɛ ʋ sɩ jaŋ dii dʋnɩa nɩaa kala sarɩya arɩ wʋtɩtɩɩ. Ʋ jaŋ to nuhuobiiŋ-la ʋ sɩ lɩɩsa lɛ nɛ a dii sarɩya-la. Nɩɩ-la sɩ sʋba, ʋ chɩsʋ sʋʋŋ lɛ a leŋ nʋʋkala jɩŋ arɩ wʋtɩtɩɩ nɛ.”

Rom Tɩŋŋaa 2:16

Ŋɩɩ wɩaa Wɩa wʋzɔmɔ-la mɩ sɩ bʋla pɩma daga arɩ ŋ-la nɛ ʋ jaŋ nagɛ tapʋlɩɩ-la Wɩa sɩ jaŋ kɛŋ nɩaa wʋfalaa kaa kʋ lɩɩ pʋlʋmʋŋ, a to Yesu Kirisito lɛ a dii ba sarɩya.

2 Kɔrɩntɩ Nɩaa 5:10

bɛɛ wɩaa la kala jaŋ mʋ chɩŋ Kirisito sɩpaaŋ dɩ ʋ dii la sarɩya. Kirisito jaŋ tiŋ nʋʋkala magɛ ŋɩɩ ʋ sɩ tɩma magɛ dʋnɩa deeŋ lɛ. Dɩ ŋ nɛ faa ŋaa wʋzɔŋŋɔɔ, ʋ jaŋ joŋ wʋzɔŋŋɔɔ timiŋ. Dɩ ŋ nɛ faa ŋaa wʋbɔŋŋɔɔ ma, ʋ jaŋ joŋ wʋbɔŋŋɔɔ timiŋ.

2 Timoti 4:1

Mɩɩ sʋlʋŋ Wɩa arɩ Kirisito kala sɩpaaŋ, nɩɩ-la sɩ jaŋ dii nɩweyee arɩ nɩsʋʋnʋŋ kala sarɩya. Ʋ jaŋ mɩɩra kɔ a dii kuoruŋ, ŋɩɩ wɩaa

1 Pɩɩta 4:5

Ama tapʋlɩɩ kʋbala, ba jaŋ dagɛ wɩalɩŋ kala ba sɩ ŋaa a pɩ nɩɩ-la sɩ kɛŋ ʋ tɩtɩa dɩ ʋ dii nɩweyee arɩ nɩsʋʋnʋŋ kala sarɩya.