Jɔɔŋ 5:2 - WƖA TENIŊ

² Jerusalɛm lɛ, fuo-bie kʋbala nɛ fa hɛ nɩmɛ. Ʋ fa kpagɛ boi-baala-la dɔŋɔ ba fa sɩ to jʋjʋʋ taŋ-la tʋɔŋ nɛ. Ʋ yɩrɩŋ nɛ fa Piesee Boi-baalɩŋ. Hiburu yikoro lɛ ba kɛŋ fuo-la kaa yɩrɛ Bɛtɩzata nɛ. Ba hɛ palaa banɔŋ nɛ a kɛrɛ fuo-la.

Jɔɔŋ 5:2 ပူးပေါင်းရင်းမြစ်များ

NƐHƖMAAYA 12:39

La lɩɩ nɩmɛ a mʋ Efirem Boi-baalɩŋ, a mʋ Jesana Boi-baalɩŋ, a mʋ Chenfilee Boi-baalɩŋ, a mʋ Hananɛl Dɩɩ-duduoŋ arɩ dɩɩ-leŋii-la ba sɩɩ yɩrɛ Zɔlɔ, a kɛŋ ŋɩɩ mʋ yi Piesee boi-baalɩŋ. La sɩ mʋ yi nɩalɩŋ sɩɩ pɔ leriŋ boi-baalɩŋ, la chɩŋ.

NƐHƖMAAYA 3:1

Ŋɩɩ nɛ Ɛlɩasɩb sɩ ŋaa Wɩɩsʋllɩ sɩpaalaaraa nɩhɩaŋ arɩ ʋ tɩntɩnnɩ dɔnsʋ-la ma sɩ ŋaa Wɩɩsʋllɩ sɩpaalaara suomi ba tɩntɩŋŋaa, a wasa paa boi-baal-la ba sɩɩ yɩrɛ Piesee boi-baalɩŋ saa. Ba joŋo pɩ Wɩa, aŋ hɛ ʋ borusuŋ a saaʋ ŋɩɩ a mʋ yi dɩɩ-leŋii-la ba sɩɩ yɩrɛ Zɔlɔ arɩ Hananɛl Dɩɩ-duduoŋ-la a joŋ ba ma pɩ Wɩa.

NƐHƖMAAYA 3:32

Sɛlɩmɛ tɩntɩnna-la arɩ bayalɩa-la ma nɛ wasa saa dɩ-kaaŋ-la, a chɩŋ dɩa-la sɩ hɛ je-gʋŋ-la nyuŋ a kaa mʋ yi Piesee boi-baalɩŋ.

AZAAYA 22:11

Ma lu vil-balɩŋ nɛ kɛrɩsɩŋ balɩa pɛgɛ dɩ lɩɩ-la sɩ pɛllɛ lɩɩ fuo bɩnɩɩ-la kʋʋ jʋʋ, ama ma bɩ Wɩa nɛ sɩ bil fuo-la niiŋ to, ma paala bɩ ʋ nɛ sɩ bɩɩnɛ wɩɩŋ deeŋ faafaa kala kaa tɩŋ.

AZAAYA 22:9

Ma na dɩ Devit tabal-la jebiiŋ kɛŋ wuoloo nɛ a magɛ dɩ ba saa tɔ. Ma lu pɩlɩŋ nɛ lɩɩŋ pɩŋ taŋ-la tʋɔŋ.

Jɔɔŋ 19:13

Paalɩt sɩ nɩa dɩ ba bʋl wɩaa deemba, ʋ kɛŋ Yesu kaa kʋ lɩɩ, aŋ mʋ hɔŋ ʋ sarɩya diiri kpasa nyuŋ. Ba kɛŋ lee-la kaa yɩrɛ ‘Gabata’ nɛ Hiburu yikoro lɛ. Ʋ bʋbʋɔŋ nɛ: Lee-la tabɩaa ŋaa mʋla mʋla nɛ.

Jɔɔŋ 19:17

Ŋɩɩ nɛ ba kɛŋ Yesu lɩɩ. Ʋ lɩɩ a baasɛ ʋ tɩtɩa daagɛsɛ a mʋ lee-la ba sɩɩ chɛ dɩ ba kpaasʋ. Lee-la yɩrɩŋ nɛ nyu-kuŋkogulo. Hiburu yikoro lɛ baa yɩrɛ lee-la Gɔlɩgɔta nɛ.

Jɔɔŋ 19:20

Lee-la kpagɛ Jerusalɛm nɛ, ŋɩɩ nɛ Juu tɩŋŋaa yʋgɛ a karɩmɛ wɩɩ-la Paalɩt sɩ ŋmʋnsa mɛrɛ daagɛsɛ-la lɛ. Ʋ ŋmʋnsɛ wɩɩ-la arɩ yikorusuŋ batori nɛ. Ʋ kɛŋ Hiburu tɩŋŋaa yikoro ŋmʋnsɛ, a kɛŋ Laatɩŋ yikoro ma ŋmʋnsɛ, a kɛŋ Giriisi tɩŋŋaa yikoro ma ŋmʋnsɛ.

Jɔɔŋ 20:16

Ŋɩɩ nɛ Yesu yɩrʋ a bʋl, “Mɛɛrɩ.” Ŋɩɩ nɛ ʋ mɩɩra daasɛ aŋ bʋl arɩ Hiburu yikoro, “Raboni!” (Raboni bʋbʋɔŋ nɛ kʋhɩaŋ.)

Jɔɔŋ 5:3

Nyanyal tɩŋŋaa fa yʋga a hɛ pala-la tʋɔŋ. Dɔnsʋŋ nyʋlɩmɛ, dɔnsʋŋ fa ŋaa naasʋʋnʋŋ arɩ nasʋʋnʋŋ tɩŋŋaa, dɔnsʋŋ ma gbɛrɩgɛ. [

Jɔɔŋ 7:21

Yesu bʋla pɩba, “Mɩ ŋaa wʋmagɩl bala nɛ ma chɛ-wiesii-la chɛɛŋ, ʋ ŋaa ma wʋkpuŋkpere.

Tɩntɩŋŋaa 21:40

Ŋɩɩ nɛ ʋ pʋ wombiiŋ. Pɔɔl chɩŋ lusuŋ chol-la lɛ, aŋ kɛŋ ʋ nɩsɩŋ viisi dɩ nɩalɩŋ kɛŋ goŋ. Ŋɩɩ nɛ ba kala ŋaa fʋɩɩ, ka Pɔɔl bʋl wɩaa pɩba Juu tɩŋŋaa yikoro lɛ.

Jɔɔŋ Wʋnaalaa 16:16

Ŋɩɩ nɛ jɩŋ-bɔmɔ-la kɛŋ dʋnɩa kuorusu-la a kaa mʋ hilimi lee kʋbala dɩ ba yuo laalɩŋ. Hiburu tɩŋŋaa yikoro lɛ baa yɩrɛ lee-la Amagɛdɔŋ.

Jɔɔŋ Wʋnaalaa 9:11

Wɩa tɩndaarʋ-la fa sɩ kori buotuo-luŋii-la boribiiŋ nɛ fa ŋaa ba kuoro. Juu tɩŋŋaa yikoro lɛ baa yɩrʋ Abadɔŋ nɛ. Giriik tɩŋŋaa ma yikoro lɛ baa yɩrʋ Apɔlɩyɔŋ nɛ.