Jɔɔŋ 5:19 - WƖA TENIŊ

¹⁹ Ŋɩɩ nɛ Yesu bʋla pɩba, “Mɩ bʋl wʋtɩtɩɩ nɛ a pɩpɩma, mɩ-na Wɩa Bie bɩ wɩɩkala wuo ŋaa mɩ tɩtɩa doluŋ lɛ. Mɩ yie ŋɩŋaa wɩalɩŋ mɩ sɩ na dɩ mɩ Nyɩmma ŋaa nɛ. Wɩɩ na-kala ʋ sɩɩ ŋaa nɛ mɩ ma ʋ Bie ŋɩŋaa,

Jɔɔŋ 5:19 ပူးပေါင်းရင်းမြစ်များ

WƖAA DƖ-SUOMUŊ 1:1

Dɩ-suomuŋ Wɩa ŋaa wɩa-nyuŋ arɩ tinteeŋ nɛ.

WƖAA DƖ-SUOMUŊ 1:26

Ŋɩɩ nɛ Wɩa bɩra bʋl, “Leŋ dɩ la ŋaa nuhuobiine dɩ ʋ nagɛla, a leŋ dɩ ʋ tɩɩ chenfile-la sɩ hɛ mʋgʋ-balɩŋ tʋɔŋ arɩ fille-la kala sɩ hɛ wɩa-nyuŋ arɩ pʋsʋ-la kala sɩ hɛ tinteeŋ arɩ tintee-tuuroo kala.”

WƖA YƖƖLAA 138:3

Mɩ sɩ sʋlʋŋ dɩ ŋ pɛ mɩ lɛ, ŋ laa mɩ sʋla nɛ, a leŋ mɩ nyuŋ nyaasɛ, mɩ yaraa polli.

WƖA YƖƖLAA 27:14

Má kɛŋ yɩɛlaa a gbɛrɛ La Tɩɩna. Má nyɩrɛ bɔyɛ a kɛŋ tʋɔ-doluŋ a gbɛrɛ La Tɩɩna.

WƖA YƖƖLAA 50:6

Wɩa-nyuŋ kɩaa ka dagɛ ʋ tʋɔpʋl wɩaa nɛ, Wɩa tɩtɩa nɛ sarɩya diire.

MOSIS KƐŊ IZIRAL TƖŊŊAA LƖƖ 4:11

Ŋɩɩ nɛ La TƖƖNA pɩɛsʋ, “Kʋbɛɛ nɛ ŋaa nuhuobiine niiŋ ʋ kaa bʋl wɩaa? Kʋbɛɛ nɛ ŋaa taŋɩŋ? Kʋbɛɛ nɛ ŋaa nuhuobiine sɩaa ʋ nɩna koo a leŋ ʋ nyʋlɩmɛ? Mɩ-na ma TƖƖNA dee bɩ wɩaa deemba kala ka ŋaa?

NAMAGABA 2:6

La Tɩɩna nɩɩ pa wʋjɩmɩŋ. Ʋ niiŋ lɛ nɛ ŋ yie to a kɛŋ wʋjɩmɩŋ a pɛ jɩŋ wɩaa bʋbʋɔŋ.

AZAAYA 44:24

Wɩɩ-la La TƖƖNA, ma Laataara, Nɩɩ-la sɩ ŋaama sɩ bʋla nɛ ŋ-la: “Mɩ nɛ ma TƖƖNA, mɩ nɛ ŋaa kʋŋkala. Mɩ dʋndʋŋa nɛ ŋaa wɩa-nyuŋ arɩ tinteeŋ.

AZAAYA 45:24

Ba jaŋ bʋl, ‘La TƖƖNA dʋndʋŋa teeŋ nɛ la jaŋ wuo kɛŋ tʋɔpʋla arɩ doluŋ.’ Nɩalɩŋ kala sɩ na baanɩŋ ʋ nyuŋ jaŋ dii hɩɩsɩŋ ʋ sɩpaaŋ.”

JƐRƖMAAYA 17:10

Mɩ-na ma TƖƖNA nɛ yie beŋ nɩa tʋɔŋ a magɩsʋ na wɩalɩŋ sɩ hɛ ʋ nyuŋ lɛ aŋ timu a mʋ tɩgɛ ʋ mɛlɛ, arɩ ʋ wʋŋaalaa sɩ nagɛ ŋɩɩ lɛ.”

Matiu 26:39

Ba hɔŋ, ka ʋ sʋrɩsa mʋ sɩpaaŋ mʋa a tuu pɩna chigi tinteeŋ a sʋl Wɩa a bʋl, “Mɩ Nyɩmma, dɩ wombiiŋ nɛ hɛ nɩmɛ, lɩɩsɛ hɛɛ-la sɩɩ kɔ mɩ lɛ. Ama mɩ-na tʋɔtɔrʋŋ lɛ dee, ŋ-na tʋɔtɔrʋŋ lɛ nɛ.”

Luuk 21:15

bɛɛ wɩaa mɩ jaŋ joŋ wʋjɩmɩŋ a hɛ ma nyuŋ lɛ dɩ ma bʋl wɩalɩŋ ma dʋndɔŋŋɔɔ sɩ bɩ jaŋ wuo kaalɛrɛ arɩ wʋtɩtɩɩ dee.

Jɔɔŋ 10:18

Nʋʋkala dee bɩ leŋe mɩ joŋ mɩ mɩɩsɩŋ yɔɔ sʋʋŋ, mɩ tɩtɩa tʋɔtɔrʋŋ lɛ nɛ. Mɩ kɛŋ doluŋ dɩ mɩ joŋ mɩ mɩɩsɩŋ a yɔɔ sʋʋŋ, a bɩra kɛŋ doluŋ dɩ mɩ laa mɩ mɩɩsɩŋ ma. Wɩɩ-la mɩ Nyɩmma sɩ sɩ mɩ ŋaa nɛ ŋɩɩ.”

Jɔɔŋ 12:49

Wɩalɩŋ mɩ sɩ bʋla, mɩ tɩtɩa doluŋ lɛ dee mɩ bʋl. Mɩ Nyɩmma sɩ tɩmmɛ, ʋ tɩtɩa nɛ dagɛmɛ wɩalɩŋ mɩ sɩ jaŋ bʋl, arɩ ŋɩɩ mɩ sɩ jaŋ bʋlba.

Jɔɔŋ 12:50

Mɩ jɩma arɩ wɩalɩŋ ʋ sɩɩ dagʋ jaŋ pɩ nɩalɩŋ sɩɩ toba mɩɩsɩ-la sɩ bɩ dɛrɛ. Ŋɩɩ wɩaa, wɩalɩŋ kala mɩ sɩɩ bʋl, mɩ Nyɩmma nɛ dagɛmɛ.”

Jɔɔŋ 14:10

Ŋ bɩ laa dii arɩ mɩ hɛ mɩ Nyɩmma lɛ nɛ, mɩ Nyɩmma ma hɛ mɩ lɛɛ? Wɩalɩŋ kala mɩ sɩ yie bʋlaa pɩma, mɩ tɩtɩa doluŋ lɛ dee mɩɩ bʋl. Wɩalɩŋ ma mɩ sɩɩ ŋaa, mɩ Nyɩmma sɩ hɛ mɩ lɛ nɩɩ ŋaa ŋɩɩ.

Jɔɔŋ 2:19

Ŋɩɩ nɛ Yesu bʋla pɩba, “Má ŋmoo Wɩa dɩɩ-balɩŋ deeŋ lo, mɩ jaŋ joŋ tapʋlaa batori a bɩra saaʋ.”

Jɔɔŋ 3:3

Ŋɩɩ nɛ Yesu bʋla pʋ, “Wʋtɩtɩɩ nɛ mɩ bʋlaa pɩŋ, nʋʋkala bɩ jaŋ wuo jʋʋ Wɩa kuorii-la tʋɔŋ, see dɩ ba wasa lʋl tɩɩna.”

Jɔɔŋ 5:21

Mɩ Nyɩmma sɩ chɩsɛ nɩalɩŋ sɩ sʋba ba bɩra kɛŋ mɩɩsɩŋ ŋɩɩ, ŋɩɩ tɩtɩa nɛ mɩ ma ʋ Bie joŋ mɩɩsɩŋ a pɩpɩ nɩalɩŋ mɩ sɩ cho.

Jɔɔŋ 6:38

bɛɛ wɩaa mɩ lɩɩ Wɩa-jaŋ kʋ tuu dɩ mɩ ŋaa wɩalɩŋ nɩɩ-la sɩ tɩmmɛ sɩɩ chɛ nɛ, mɩ tɩtɩa tʋɔtɔrɛ wɩaa dee.

Jɔɔŋ 8:28

Ŋɩɩ nɛ Yesu bʋla pɩba, “Dɩ ma nɛ kɛŋ mɩ-na Nuhuobiine Bie kpaasɛ daagɛsɛ nyuŋ, ma jaŋ jɩŋ arɩ mɩ nɛ ŋaa Nɩɩ-la mɩ sɩ sɩ mɩ ŋaa. Ŋɩɩ ma lɛ nɛ ma jaŋ to jɩŋ arɩ mɩ bɩ wɩɩkala ŋaa mɩ tɩtɩa doluŋ lɛ, ama mɩ yie bʋl wɩalɩŋ mɩ Nyɩmma sɩ dagɛmɛ nɛ.

Jɔɔŋ 9:4

La sɩ na wombiiŋ, má leŋ dɩ la tɩŋ tɩntɩmɩɩ-la nɩɩ-la sɩ tɩmmɛ dɩ mɩ tɩŋ. Bʋa kʋbala jaŋ yi nʋʋkala bɩra bɩ jaŋ wuo tɩŋ tɩntɩmɩɩ-la.

Tɩntɩŋŋaa 2:24

Ama Wɩa chɩsʋ sʋʋŋ lɛ nɛ, a lɩɩsɛ hɛɛ-la ʋ sɩ na bʋa-la lɛ ʋ sɩɩ sʋʋ. Sʋʋŋ fa bɩ ʋ wuo kaa bibil.

Rom Tɩŋŋaa 6:4

Ba sɩ fola Wɩɩchʋɔlɛ lɩɩŋ ŋɩɩ, ʋ naga la dɩ ʋ kala sʋba nɛ ba joŋo hugi, dɩ ŋɩɩ wuo leŋ dɩ la kɛŋ mɩɩ-falɩɩ a nagɛ Wɩa doluŋ lɛ ʋ sɩ chɩsɛ Kirisito sʋʋŋ lɛ ŋɩɩ ʋ kɛŋ mɩɩsɩŋ.

Rom Tɩŋŋaa 8:11

Wɩa nɛ chɩsɛ Yesu sʋʋŋ lɛ. Dɩ ʋ Dɩŋ-zɔŋ-la nɛ hɛ ma lɛ, ʋ jaŋ chɩsɛ ma yara-la sɩ jaŋ pʋa sʋʋŋ lɛ dɩ ma kɛŋ mɩɩsɩŋ, arɩ ʋ sɩ chɩsɛ Yesu sʋʋŋ lɛ ŋɩɩ. Ʋ jaŋ to ʋ Dɩŋ-zɔŋ-la sɩ hɛ ma lɛ nɛ a ŋaa ŋɩɩ.

1 Kɔrɩntɩ Nɩaa 15:12

Dɩ la nɛ bʋl Kirisito wɩaa arɩ ʋ sii sʋʋŋ lɛ nɛ, bɛɛ nɛ tɩɩ ma dɔnsʋŋ sɩ dɩ nuhuobiinee bɩ jaŋ sʋʋ aŋ bɩra sii sʋʋŋ lɛ?

2 Kɔrɩntɩ Nɩaa 4:14

La jɩma arɩ Wɩa nɛ chɩsɛ La Tɩɩna Yesu sʋʋŋ lɛ, ʋ jaŋ chɩsɛla ma, dɩ la dɩ Yesu kala kɛŋ mɩɩsɩŋ. Ʋ jaŋ kɛnla arɩ ma kala a kaa mʋ ʋ teeŋ.

2 Kɔrɩntɩ Nɩaa 5:10

bɛɛ wɩaa la kala jaŋ mʋ chɩŋ Kirisito sɩpaaŋ dɩ ʋ dii la sarɩya. Kirisito jaŋ tiŋ nʋʋkala magɛ ŋɩɩ ʋ sɩ tɩma magɛ dʋnɩa deeŋ lɛ. Dɩ ŋ nɛ faa ŋaa wʋzɔŋŋɔɔ, ʋ jaŋ joŋ wʋzɔŋŋɔɔ timiŋ. Dɩ ŋ nɛ faa ŋaa wʋbɔŋŋɔɔ ma, ʋ jaŋ joŋ wʋbɔŋŋɔɔ timiŋ.

Ɛfɛsɩs Nɩaa 2:5

a leŋ la dɩ Kirisito kala kɛŋ mɩɩsɩŋ. La wʋbɔŋŋɔɔ fa leŋe la sʋʋ nɛ. Wɩa lahɔrɩmɔ lɛ nɛ ʋ laama ta.

Ɛfɛsɩs Nɩaa 3:16

Ʋ sɩ kɛŋ yɩrɩŋ kɩŋkɛŋ ŋɩɩ, mɩɩ sʋlʋ dɩ ʋ leŋ dɩ ʋ Dɩŋ-zɔmʋŋ pɩma doluŋ ma tʋɔŋ lɛ.

Fɩlɩpa Nɩaa 3:21

Dɩ ʋ nɛ kɔ, ʋ jaŋ kɛŋ ʋ dol-la ʋ sɩ kaa bibeŋ kʋŋkala a kaa bɩrɩmɛ la yaraa deemba sɩ jaŋ pʋa, dɩ ba nagɛ ʋ tɩtɩa yara-la sɩ bɩ pʋa.

Fɩlɩpa Nɩaa 4:13

Mɩ jaŋ wuo kɛŋ mɩ tɩtɩa woruŋ wɩɩkala lɛ, a tɩŋ dol-la Kirisito sɩ pɩmɛ wɩaa.

Koloosi Nɩaa 1:11

Wɩa jaŋ pɩma ʋ dol-bal-la, dɩ ma wuo kɛŋ pɩɩna arɩ kenyiri, a kɛŋ tʋɔtɔrʋŋ

Koloosi Nɩaa 1:16

Ʋ lɛ nɛ Wɩa to a ŋaa kʋŋkala sɩ hɛ wɩa-nyuŋ arɩ tinteeŋ, kɩalɩŋ la sɩɩ na arɩ kɩalɩŋ la sɩ bɩ na kala, a pɛ kɩalɩŋ la sɩ bɩ na ka ba kɛŋ doluŋ a bibeŋ leriŋ. Ʋ lɛ nɛ ʋ to a ŋaa kɩaa kala, ba ŋaa ʋ kɩaa.

1 Tɛsalonaaka Nɩaa 4:14

La sɩ laa dii arɩ Yesu sʋba nɛ aŋ sii sʋʋŋ lɛ, ŋɩɩ tɩtɩa nɛ la ma laa dii arɩ Wɩa jaŋ chɩsɛ nɩalɩŋ sɩ laa Yesu wɩaa dii aŋ sʋʋ.

1 Pɩɩta 3:18

Yesu Kirisito sʋʋ la wʋbɔŋŋɔɔ wɩaa bala nɛ. Ʋ fa ŋaa tʋɔpʋl tɩɩna nɛ, a sʋʋ wʋbɔŋ ŋaaraa wɩaa, dɩ ʋ wuo kɛnla kaa mʋ Wɩa teeŋ. Nuhuobiinee nɛ kpʋ ʋ yaraa, ama Wɩa leŋ ʋ dɩma wei.

Jɔɔŋ Wʋnaalaa 2:23

Mɩ jaŋ ŋmoo ʋ harɩ-tooroo kala kpʋ. Dɩ mɩ nɛ ŋaa ŋɩɩ, nɩalɩŋ kala sɩ laa Yesu wɩaa dii aa hilimi jaŋ jɩŋ arɩ mɩ jɩŋ nʋʋkala tʋɔbɩɩnaa nɛ. Nʋʋkala sɩ tɩma magɛ ŋɩɩ, ŋɩɩ nɛ mɩ jaŋ timu magɛ.