Jɔɔŋ 4:53 - WƖA TENIŊ

⁵³ Bile nyɩmma jɩŋ arɩ bʋa-la lɛ nɛ Yesu bʋla pʋ arɩ ʋ bie kɛŋ mɩɩsɩŋ nɛ. Ŋɩɩ nɛ ʋ dɩ ʋ dɩa nɩaa kala laa ʋ wɩaa dii.

Jɔɔŋ 4:53 ပူးပေါင်းရင်းမြစ်များ

WƖA YƖƖLAA 107:20

Ʋ niiŋ wʋbʋlaa nɛ vaarɛba, a laaba ta ba sʋʋŋ bʋa lɛ.

WƖA YƖƖLAA 33:9

Ʋ bʋl wɩaa nɛ dʋnɩa hɛ nɩmɛ, ʋ wʋbʋlaa nɛ leŋe tinteeŋ chɩŋ.

Matiu 8:13

Ŋɩɩ nɛ Yesu bʋla pɩ laalɩyuori-hɩaŋ-la, “Mʋ dɩa, ŋ sɩ laa dii arɩ wɩɩ-la jaŋ ŋaa, ʋ jaŋ ŋaa.” Bʋa-la tɩtɩa lɛ laalɩyuori-hɩaŋ-la tɩntɩnnʋ-la duori.

Luuk 19:9

Ŋɩɩ nɛ Yesu bʋla pʋ, “Wɩa laa ŋ dɩ ŋ dɩa nɩaa kala ta nɛ jɩnɩŋ. Baala deeŋ ma ŋaa Abɩraham doho nʋʋ nɛ,

Jɔɔŋ 4:51

Ʋ sɩɩ mʋ ŋɩɩ, ʋ tɩntɩnna kʋ chemu a bʋla pʋ arɩ bile duoro nɛ.

Jɔɔŋ 4:52

Ʋ pɩɛsɛ dɩ ʋ na bʋa-la lɛ ʋ sɩ duoro. Ba bʋla pʋ arɩ dɩamɩŋ wɩɩhɛyɛ, kerifi kʋbala lɛ nɛ waarɩ-la leŋu.

Tɩntɩŋŋaa 11:14

Ʋ jaŋ bʋl wɩaa pɩma a dagɛma wɩalɩŋ sɩ jaŋ laa ŋ dɩ ŋ dɩa nɩaa kala ta.’

Tɩntɩŋŋaa 16:15

Ba fo ʋ dɩ ʋ dɩa nɩaa Wɩɩchʋɔlɛ lɩɩŋ. Ŋɩɩ nɛ haal-la sʋlla a bʋl, “Dɩ ma nɛ bɩɩna dɩ mɩ sɛnɛ laa Yesu wɩaa dii nɛ, má kʋ jʋʋ chʋa mɩ dɩa lɛ.” Ʋ sɩ sʋlla dieni ŋɩɩ, la mʋ chʋa.

Tɩntɩŋŋaa 16:34

Nɩtɔɔrɩ dɩa bibennu-la kɛŋ Pɔɔl arɩ Saalas a kaa mʋ ʋ dɩa, a pɩba kʋdiilee ba dii. Ʋ dɩ ʋ dɩa nɩaa kala ŋaa tʋɔtɔrʋ arɩ ba sɩ laa Wɩa wɩaa dii.

Tɩntɩŋŋaa 18:8

Baal kʋbala baa yɩrɛ Kɩrɩsɩpas nɛ fa ŋaa Wɩɩchʋɔlɛ dɩa-la kʋhɩaŋ. Ʋ dɩ ʋ dɩa nɩaa kala laa La Tɩɩna Yesu wɩaa dii. Nɩaa ma yʋga Kɔrɩntɩ lɛ a nɩɩ Wɩa wɩalɩŋ a laaba dii, ba foba Wɩɩchʋɔlɛ lɩɩŋ.

Tɩntɩŋŋaa 2:39

Wɩalɩŋ Wɩa sɩ bʋla, ma nɛ ʋ bʋla pa, ma dɩ ma biiriŋ arɩ nɩalɩŋ kala sɩ lɩɩ dɩ-boluŋ, nʋʋ na-kala Wɩa sɩ yɩra dɩ ʋ kɔ ʋ teeŋ.”