Jɔɔŋ 4:48 - WƖA TENIŊ

⁴⁸ Ŋɩɩ nɛ Yesu bʋla pʋ, “See dɩ ma na wʋmagɩlaa arɩ wʋkpuŋkperisiŋ, ma bɩ jaŋ laa dii.”

Jɔɔŋ 4:48 ပူးပေါင်းရင်းမြစ်များ

DANƖƐL 4:2

Ʋ ŋaa mɩ nɛ dɩ mɩ bʋl wʋkpuŋkperisi-la arɩ wʋmagɩla-la Wɩa sɩ kɩɩ kʋŋkala sɩ ŋaa pɩmɛ a pɩma.

DANƖƐL 6:27

Ʋ yie lɩɩsɛ nɩaa wɩaa lɛ nɛ, a laaba ta. Ʋ ŋaa wʋmagɩlaa arɩ wʋkpuŋkperisiŋ nɛ Wɩa-jaŋ arɩ tinteeŋ kala lɛ. Ʋ nɛ laa Danɩɛl ta naachigee niiŋ lɛ.

NAMBABA 14:11

La TƖƖNA pɩɛsɛ Mosis, “Ɛɛ nɛ nɩaa deemba chɛ dɩ ba vɩamɛ a diene magɛ? Bɛɛ nɛ tɩɩ nɩaa deemba bɩ mɩ laa dii arɩ mɩ sɩ ŋaa wʋkpuŋkperisiŋ arɩ wʋmagɩlaa magɛ ŋɩɩ ba tʋɔŋ?

Matiu 16:1

Ŋɩɩ nɛ Farisii tɩŋŋaa arɩ Saduusi tɩŋŋaa dɔnsʋŋ kɔ Yesu teeŋ dɩ ba magɩsʋ. Ba bʋla pʋ dɩ ʋ ŋaa wʋmagɩlɩŋ dɩ ba na a jɩŋ arɩ ʋ dol-la lɩɩ Wɩa teeŋ nɛ.

Matiu 24:24

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ kala a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa toba, dɩ ba nɛ wuolo.

Matiu 27:42

“Ʋ wuo nɩaa laa tɩta nɛ aŋ bɩ ʋ tɩtɩa wuo laa ta. Ʋ sɩ sɩ ʋ nɛ ŋaa Kirisito, Juu tɩŋŋaa kuoro, leŋ dɩ ʋ lɩɩ daagɛsɛ-la nyuŋ kʋ tuu dɩ la na a laa ʋ wɩaa dii.

Maak 13:22

Nɩaa dɔnsʋŋ jaŋ sii fugo bʋl dɩ ba nɛ ŋaa Kirisito, Nɩɩ-la Wɩa sɩ lɩɩsa. Dɔnsʋŋ ma jaŋ sii fugo bʋl dɩ ba ŋaa Wɩa wʋlaabʋllaa nɛ. Ba jaŋ ŋaa wʋmagɩlaa arɩ wʋkpuŋkperisiŋ a chɩchɛ dɩ ba nyɩsɛ nɩalɩŋ Wɩa sɩ lɩɩsa dɩ baa tou.

Luuk 10:18

Ŋɩɩ nɛ Yesu bʋla pɩba, “Mɩ na Sɩtaanɩ dɩ ʋ lɩɩ wɩa-nyuŋ kʋ tuu tel a nagɛ duonuŋ sɩɩ lɩgɩsɛ ŋɩɩ.”

Luuk 16:31

Ŋɩɩ nɛ Abɩraham bɩra bʋla pʋ, ‘Dɩ ba nɛ bɩ jaŋ jegile nɩɩ wɩalɩŋ Mosis arɩ Wɩa wʋlaabʋllaa sɩ ŋmʋnsa, ba bɩ jaŋ sɛɩ wɩalɩŋ dɩ nʋʋ nɛ paala sii sʋʋŋ lɛ a mʋ ba teeŋ a dagɛba ma.’ ”

Jɔɔŋ 12:37

Ʋ sɩ ŋaa wʋmagɩla-la kala ba na, arɩ ŋɩɩ kala, ba ha bɩ ʋ wɩaa laa dii.

Jɔɔŋ 15:24

Wɩalɩŋ kala mɩ sɩ ŋaa, nʋʋkala bɩ ba ŋaa. Dɩ mɩ nɛ fa bɩ ba ŋaa dɩ ba na, ba fa bɩ jaŋ chei wɩɩkala. Ama ba na ba kala nɛ aŋ ha bɛrɛ mɩ dɩ mɩ Nyɩmma kala.

Jɔɔŋ 2:18

Ŋɩɩ nɛ Juu tɩŋŋaa mɩɩra kɔ ʋ teeŋ a pɩɛsʋ, “Bɛɛ kʋŋ wʋmagɩl nɛ ŋ jaŋ wuo joŋo dagɛla arɩ ŋ kɛŋ doluŋ dɩ ŋ wuo ŋaa wɩɩŋ deeŋ?”

Jɔɔŋ 20:29

Ŋɩɩ nɛ Yesu pɩɛsʋ, “Ŋ sɩ namɛ nɛ tɩɩ ŋ laa mɩ wɩaa dii koo? Nɩalɩŋ sɩ bɩ mɩ na aŋ laa mɩ wɩaa dii, ba tʋɔŋ jaŋ tɔrɛ.”

Jɔɔŋ 4:49

Ŋɩɩ nɛ tɩntɩnnɩ-hɩaŋ-la bʋla pʋ, “Mɩ kʋhɩaŋ, kɔ lɩma dɩ mɩ bie sɩ́ sʋʋ.”

Tɩntɩŋŋaa 14:3

Pɔɔl arɩ Banabas hɔŋ lee-la a dieni. Ba bʋl La Tɩɩna Yesu wɩaa arɩ nyuduoŋ. La Tɩɩna ma dagɛ arɩ wɩalɩŋ ba sɩɩ bʋl ŋaa wʋtɩtɩɩba nɛ, ʋ pɩba doluŋ ba ŋɩŋaa wʋmagɩlaa arɩ wʋkpuŋkperisiŋ.

Tɩntɩŋŋaa 15:12

Ŋɩɩ nɛ nɩalɩŋ kala fa sɩ hilime ŋaa fʋɩɩ, aŋ jijegili Banabas arɩ Pɔɔl teeŋ. Ba bʋl wʋmagɩla-la arɩ wʋkpuŋkperisi-la Wɩa sɩ to ba lɛ ŋaa nɩalɩŋ sɩ bɩ Juu tɩŋŋaa ŋaa tʋɔŋ.

Tɩntɩŋŋaa 2:19

Mɩ jaŋ ŋɩŋaa wʋkpuŋkperisiŋ wɩa-nyuŋ, aŋ ŋɩŋaa wʋmagɩlaa ma tinteeŋ lɛ. Chalɩŋ, nyiniŋ arɩ nyʋɔ-bine jaŋ hɛ nɩmɛ.

Tɩntɩŋŋaa 2:22

Ŋɩɩ nɛ Pɩɩta bɩra bʋl, “Iziral tɩmma, má jegile nɩɩ wɩaa deemba mɩ sɩɩ chɛ mɩ bʋla pɩma. Yesu sɩ lɩɩ Nazarɛt nɛ Wɩa lɩɩsa pɩma. Wʋmagɩlaa arɩ wʋkpuŋkperisiŋ Wɩa sɩ to ʋ lɛ ŋaa ma sɩɩŋ lɛ nɛ dagɛ ŋɩɩ. Ma ma jɩma nɛ.

Tɩntɩŋŋaa 2:43

Ŋɩɩ nɛ ba kʋŋkala fɩfá Wɩa, bɛɛ wɩaa Yesu nanzɔɔba-la ŋaa wʋkpuŋkperisiŋ arɩ wʋmagɩlaa yʋgɛ nɛ kɩŋkɛŋ.

Tɩntɩŋŋaa 4:30

Dagɛ ŋ doluŋ aŋ leŋ dɩ puwuoloo duori, dɩ la ma wuo ŋɩŋaa wʋkpuŋkperisiŋ arɩ wʋmagɩlaa ŋ tɩntɩnna Yesu sɩ bɩ disiniŋ kɛnɛ yɩrɩŋ lɛ.”

Tɩntɩŋŋaa 5:12

Yesu nanzɔɔba-la ŋaa wʋmagɩlaa arɩ wʋkpuŋkperisiŋ yʋgɛ nɩaa tʋɔŋ. Nɩalɩŋ kala sɩ laa Yesu wɩaa dii, ba kala yie hihilimi zawʋra-la ba sɩ kaa yɩrɛ Solomoŋ zawʋra lɛ.

Tɩntɩŋŋaa 6:8

Wɩa lahɔrɩmɔ lɛ Sɩtɩɩvɩŋ kɛŋ doluŋ woruŋ, a wuo ŋɩŋaa wʋkpuŋkperisiŋ arɩ wʋmagɩlaa nɩalɩŋ tʋɔŋ.

Tɩntɩŋŋaa 7:36

Mosis ŋaa wʋmagɩlaa arɩ wʋkpuŋkperisiŋ Ijipiti tinteeŋ lɛ, aŋ-na kɛsɛ ʋ nɩaa lɩɩ Ijipiti tʋɔŋ. Ʋ fa ŋaa wʋmagɩlaa arɩ wʋkpuŋkperisiŋ nɛ mʋgʋ-bal-la ba sɩɩ yɩrɛ Mʋgʋ-fɩaŋ arɩ tintee-hɩlɩɩ-la lɛ ba sɩ baara jɩsɩŋ mahɩŋ balɩa.

Rom Tɩŋŋaa 15:19

wʋkpuŋkperisi-la arɩ wʋmagɩla-la mɩ sɩ ŋaa Wɩa Dɩŋ-zɔŋ-la doluŋ lɛ. Mɩ chaasa bʋl Kirisito wʋzɔmɔ-la, a suomi Jerusalɛm lɛ a gɔllɛ ŋɩɩ a mʋ yi Iliirikam.

1 Kɔrɩntɩ Nɩaa 1:22

Juu tɩŋŋaa cho dɩ Wɩa ŋaa wʋmagɩl nɛ dɩ ba na, ka Giriik tɩŋŋaa ma cho dɩ Wɩa dagɛ ʋ wʋjɩmɩŋ dɩ ba na.

2 Kɔrɩntɩ Nɩaa 12:12

Mɩ nyalɩma nɛ woruŋ a wuo tɩŋ ma teeŋ. Wɩalɩŋ kala mɩ sɩ ŋaa, wʋmagɩlaa arɩ wʋkpuŋkperisi-la arɩ wɩalɩŋ kala mɩ sɩ ŋaa Wɩa Dɩŋ-zɔmʋŋ doluŋ lɛ daga arɩ mɩ sɛnɛ ŋaa Kirisito nanzɔɔ-tɩtɩɩ nɛ.

2 Tɛsalonaaka Nɩaa 2:9

Wʋbɔŋŋɔɔ kuoro jaŋ kɛŋ Sɩtaanɩ doluŋ a kɔ. Ʋ jaŋ nyɩsɛ nɩaa arɩ wʋmagɩlaa arɩ wʋkpuŋkperisiŋ.

Hiburu TƖŊŊAA 2:4

Wɩa ma tɩtɩa daga arɩ wɩɩ-la ba sɩ bʋla ŋaa wʋtɩtɩɩ nɛ. Ʋ dagɛ ʋ doluŋ a ŋaa wʋkpuŋkperisiŋ arɩ wʋmagɩlaa kala. Wɩa to ʋ tʋɔtɔrʋŋ lɛ nɛ a joŋ ʋ Dɩŋ-zɔmʋŋ a dii zile nɩaa lɛ.