Jɔɔŋ 4:42 - WƖA TENIŊ

⁴² Ŋɩɩ nɛ nɩalɩŋ bʋla pɩ haal-la, “Lɛɛlɛ la laa ʋ wɩaa dii a tɩŋ la tɩtɩa sɩ nɩɩ ʋ niiŋ wɩaa nɛ, ʋ bɩ naga wɩɩ-la ŋ sɩ bʋla pɩla nɛ tɩɩ. La jɩma arɩ ʋ nɛ sɛnɛ ŋaa dʋnɩa Laataara.”

Jɔɔŋ 4:42 ပူးပေါင်းရင်းမြစ်များ

AZAAYA 45:22

Má mɩɩra kɔ mɩ teeŋ dɩ mɩ laama ta, ma nɩalɩŋ kala sɩ hɛ dʋnɩa lɛ, bɛɛ wɩaa, mɩ dʋndʋŋa nɛ Wɩa, Wɩa dɔŋ bɩra tuo.

AZAAYA 52:10

La TƖƖNA jaŋ dagɛ ʋ doluŋ dɩ tinteyee kala na. Dʋnɩa sɛmɛ na-kala nɩaa jaŋ na ŋɩɩ, la Wɩa sɩ laa ʋ nɩaa ta.

Matiu 1:21

Ʋ jaŋ lʋl baal, ŋ jaŋ hɛ ʋ yɩrɩŋ Yesu, bɛɛ wɩaa ʋ nɛ jaŋ laa ʋ nɩaa wʋbɔŋŋɔɔ ta.”

Luuk 2:32

Bie deeŋ jaŋ nagɛ pʋlʋmʋŋ a dagɛ nɩalɩŋ sɩ bɩ Juu tɩŋŋaa ŋaa wombiiŋ, ka dɩ ŋ nɩaa Iziral tɩŋŋaa ma na.”

Jɔɔŋ 1:29

Ʋ taŋ sɩ pʋla, Jɔɔŋ na Yesu dɩ ʋ tʋʋlʋ kʋkɔ. Ʋ bʋl, “Má bee na, Wɩa Pie-bie-la nɛ ŋɩɩ. Ʋ nɛ laa dʋnɩa wʋbɔŋŋɔɔ ta.

Jɔɔŋ 11:17

Ba sɩ mʋ yi lee-la, nɩaa bʋla pɩ Yesu arɩ ba sɩ hugi Lazarɔs, ʋ tapʋlaa banɛsɛ nɛ ŋ-la.

Jɔɔŋ 17:8

Mɩ bʋl ŋ niiŋ wɩalɩŋ ŋ sɩ bʋla pɩmɛ pɩba nɛ, ba laa dii. Ba jɩma arɩ wʋtɩtɩɩ nɛ, mɩ sɛnɛ lɩɩ ŋ teeŋ nɛ. Ba laa dii nɛ arɩ ŋ nɛ tɩmmɛ.

Jɔɔŋ 4:29

“Má kʋ na baal kʋbala sɩ wuo dagɛ wɩalɩŋ kala mɩ sɩ ŋaa. Nɩa deeŋ nɛ saa ŋaa Kirisito, Nɩɩ-la Wɩa sɩ lɩɩsa, koo?”

Jɔɔŋ 4:41

Nɩaa bɩra yʋga a laa ʋ wɩaa dii a tɩŋ wɩalɩŋ ʋ sɩ dagɛba wɩaa.

Tɩntɩŋŋaa 13:23

Devit doho nɩaa tʋɔŋ nɛ Yesu lɩɩ. Wɩa ŋaa ʋ kʋ ŋaa Iziral nɩaa Laataara, arɩ ʋ fa sɩ hɛ niiŋ ŋɩɩ.

Tɩntɩŋŋaa 4:12

Nʋʋkala bɩ jaŋ wuo laala ta, see Yesu dʋndʋŋa. Ʋ yɩrɩŋ dʋndʋŋa nɛ Wɩa sɩ la yɩrɛ dʋnɩa lɛ dɩ ʋ laala ta. Nʋʋ dɔŋ bɩra tuo dɩ ʋ laala ta.”

Tɩntɩŋŋaa 5:31

Wɩa chɩsʋ ʋ sii jɩla hɔŋ Wɩa nadiiŋ, nɩduoŋ dɩhɔnʋŋ, dɩ ʋ ŋaa ba Sɩpaalaara arɩ ba Laataara, a leŋ dɩ Iziral tɩŋŋaa bɩrɩma lɩɩ ba wʋbɔŋŋɔɔ lɛ, ka dɩ ʋ joŋ ba wʋbɔŋŋɔɔ chɛba.

2 Kɔrɩntɩ Nɩaa 5:19

Wɩa to Kirisito lɛ nɛ a wuo ŋaa ʋ dɩ dʋnɩa nɩaa kala sɩŋ. Wɩa na dʋnɩa nɩaa arɩ ba ŋaa wʋbɔŋŋɔɔ nɛ, ama ʋ fá ba nenige a joŋ ba wʋbɔmɔ-la a chɛba. Wɩa nɛ sɩ la bʋla pɩ nɩaa arɩ la dɩ Wɩa sɩma nɛ lɛɛlɛ.

1 Timoti 4:10

Laa yɩɛlɛ Wɩa sɩ weye lɛ nɛ. Ŋɩɩ nɛ tɩɩ laa loo a faasaa tɩŋ woruŋ. Wɩa nɛ ŋaa nʋʋkala Laataara, a saa wasanyaŋ nɩalɩŋ sɩ laa ʋ wɩaa dii.

1 Jɔɔŋ 2:2

Ʋ nɛ joŋ ʋ mɩɩsɩŋ a yɔɔ sʋʋŋ la wʋbɔŋŋɔɔ wɩaa, dɩ Wɩa joŋ la wʋbɔŋŋɔɔ a chɛla. La dʋndʋŋa wʋbɔŋŋɔɔ wɩaa dee, ama dʋnɩa nɩaa kala wʋbɔŋŋɔɔ wɩaa nɛ.

1 Jɔɔŋ 4:14

La tɩtɩa na nɛ a laa dii arɩ Wɩa ta ʋ Bie dɩ ʋ kʋ tuu ŋaa dʋnɩa nɩaa Laataara nɛ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.