Jɔɔŋ 4:38 - WƖA TENIŊ

³⁸ Mɩ tɩmma nɛ dɩ ma mʋ ŋaa baga-la kɩaa ma sɩ dee bɩ duo. Nɩaa dɔnsʋŋ nɛ tɩma woruŋ, ka ma ma ŋaa kɩalɩŋ hɛ dɔŋɔ a nɩɩ ba lɔlʋŋ sɩma.”

Jɔɔŋ 4:38 ပူးပေါင်းရင်းမြစ်များ

2 IZIRAL TƖŊŊAA NAABARƖŊ 36:15

Ŋɩɩ nɛ La TƖƖNA ba naabalɩmaba Wɩa fá ba nenige a to ʋ wʋlaabʋllaa lɛ a bʋl wɩaa pɩba bʋlɩa bʋlɩa, bɛɛ wɩaa ʋ fa bɩ chɛ ʋ chei nɩalɩŋ arɩ ʋ dɩɩ-bal-la.

JƐRƖMAAYA 44:4

Mɩ tɩŋ mɩ wʋlaabʋllaa nɛ ba teeŋ bʋlɩa bʋlɩa, ba bʋla pɩba, ‘Má sɩ́ wʋkɩsɩa-la mɩ sɩ bɛrɛ ŋaa.’

Matiu 4:23

Ŋɩɩ nɛ Yesu gɔllɛ Galilii tinteeŋ kala a dɩdagɛ nɩaa ba Wɩɩchʋɔlɛ dɩɩsɩŋ lɛ a bʋbʋl Wɩa wʋzɔmɔ-la wɩaa arɩ Wɩa kuorii-la wɩaa a pɩ nɩaa aŋ pɛ vɩvaarɛ nɩaa nyanyal dosunuŋ kala.

Jɔɔŋ 1:7

Ʋ nɛ kɔ dɩ ʋ bʋl pʋlʋŋ-la wɩaa pɩ nɩaa. Ʋ ŋaa ŋɩɩ dɩ nʋʋkala wuo nɩɩ a to ʋ lɛ a laa pʋlʋŋ-la wɩaa dii.

Jɔɔŋ 17:18

Ŋ nɛ tɩmmɛ dʋnɩa nɩaa teeŋ, ŋɩɩ tɩtɩa nɛ mɩ ma tɩmba dʋnɩa nɩaa teeŋ.

Jɔɔŋ 4:37

Wɩɩ-la sɛnɛ ŋaa wʋtɩtɩɩ nɛ. Nʋʋ dɔŋ nɛ bʋl Wɩa wɩaa, nʋʋ dɔŋ ma kɛsɛ nɩalɩŋ sɩ laa mɩ wɩaa dii hɛ dɔŋɔ lɛ.

Jɔɔŋ 4:39

Ŋɩɩ nɛ nɩaa yʋgɛ Samarɩa taŋ-la lɛ a laa Yesu wɩaa dii a tɩŋ wɩɩ-la haal-la sɩ bʋla. Ʋ fa sɩ, “Ʋ bʋl wɩalɩŋ kala mɩ sɩ ŋaa nɛ a pɩmɛ.”

Tɩntɩŋŋaa 2:41

Ba tʋɔŋ nɩaa yʋga a laa wɩalɩŋ ʋ sɩ bʋla dii, ba foba Wɩɩchʋɔlɛ lɩɩŋ. Tapʋlɩɩ-la nɩaa yi bʋɩ batori a kʋ pɛ nɩalɩŋ sɩ laa Yesu wɩaa dii lɛ.

Tɩntɩŋŋaa 4:32

Nɩalɩŋ kala fa sɩ laa Yesu wɩaa dii, ba kala kɛŋ tʋɔ-bala arɩ nii-bala. Dɩ nʋʋ nɛ kɛŋ kʋŋ ma, ʋ bɩ jaŋ bʋl ʋ nɛ tɩɩ kʋa deeŋ, ba kala nɛ yie tɩɩʋ.

Tɩntɩŋŋaa 4:4

Ka nɩalɩŋ sɩ nɩɩ wɩalɩŋ ba sɩ bʋla, nɩaa yʋga ba tʋɔŋ a laa Yesu wɩaa dii. Nɩalɩŋ sɩ laa wɩalɩŋ dii, ba tʋɔŋ baalaa pʋŋa yi bʋɩ banɔŋ.

Tɩntɩŋŋaa 5:14

Nɩalɩŋ sɩ laa Yesu wɩaa dii a kʋ pɛ nɩalɩŋ lɛ, ba kɩɩ nɩalɩŋ kala Wɩa fa sɩ vɛnɛ kaa kʋʋ pɛ, baalaa arɩ haalaa.

Tɩntɩŋŋaa 6:7

Wɩa niiŋ wɩaa ha gaara su lee-la kala. Nɩalɩŋ sɩ laa Yesu wɩaa dii pʋŋ woruŋ Jerusalɛm lɛ. Nɩalɩŋ ma sɩ ŋaa Wɩɩsʋllɩ sɩpaalaaraa yʋga a ma sɛɩ Wɩa niiŋ wɩalɩŋ.

2 Kɔrɩntɩ Nɩaa 10:15

La bɩ la tɩtɩa lɛ bigise a tɩŋ tɩntɩmɩɩ-la nɩaa dɔnsʋŋ sɩ tɩma kieli ŋɩɩ Wɩa sɩ kere pɩla lɛ. La kɛŋ yɩɛlaa arɩ ma jaŋ waa wɩalɩŋ ma sɩ laa dii lɛ, dɩ tɩntɩmɩɩ-la la sɩɩ tɩŋ ma teeŋ ma pʋŋa pɛ. Ama la jaŋ tɩma magɛ ŋɩɩ Wɩa sɩ kere pɩla.