Jɔɔŋ 4:36 - WƖA TENIŊ

³⁶ Nɩalɩŋ kala sɩ ŋaa kɩalɩŋ hɛ dɔŋɔ lɛ, ba jaŋ laa ba time. Kɩalɩŋ ma ma sɩ ŋaa hɛ dɔŋɔ lɛ, ba ma nɛ ŋaa nɩalɩŋ sɩ laa mɩ wɩaa dii. Ba nɛ jaŋ kɛŋ mɩɩsɩ-la sɩ bɩ dɛrɛ. Ŋɩɩ wɩaa, nɩalɩŋ sɩ kɛsɛ nɩalɩŋ sɩ laa mɩ wɩaa dii arɩ nɩalɩŋ sɩ bʋl Wɩa wɩaa pɩpɩ nɩaa, ba kala tʋɔŋ jaŋ tɔrɛ.

Jɔɔŋ 4:36 ပူးပေါင်းရင်းမြစ်များ

NAMAGABA 11:18

Nɩbɔŋŋɔɔ time bɩ kʋtɩtɩɩ ŋaa, ama nɩalɩŋ sɩɩ ŋaa tʋɔpʋl wɩaa nɛ jaŋ laa kʋtɩtɩɩba.

NAMAGABA 11:30

Tʋɔpʋl tɩɩna nagɛ tɩa-la sɩɩ pɩ mɩɩsɩŋ nɛ, nɩɩ-la kala sɩ laa nɩaa mɩɩsɩŋ tɩta ŋaa wʋjɩnnʋ nɛ.

DANƖƐL 12:3

Nɩalɩŋ sɩ kɛŋ wʋjɩmɩŋ jaŋ tʋtʋl a nagɛ wɩa-nyuŋ kɩaa. Nɩalɩŋ ma sɩ dagɛ nɩaa ba joŋ tʋɔpʋla wombiiŋ jaŋ nagɛ chɛnwʋlaa a kaa mʋ wuu.

Matiu 19:29

Bɩra, nɩɩ-la kala sɩ leŋ ʋ dɩɩsɩŋ koo ʋ naambiiriŋ koo ʋ nyɩmma koo ʋ naaŋ koo ʋ biiriŋ koo ʋ bagɩsɩŋ a tɩŋ mɩ wɩaa, ʋ tɩɩna jaŋ bɩra na kɩaa deemba naansɩɩŋ zɔlɔ, aŋ pɛ kɛŋ mɩɩsɩ-la sɩ bɩ dɛrɛ.

Jɔɔŋ 3:36

Nɩɩ-la kala sɩ laa mɩ-na Wɩa Bie wɩaa dii, ʋ kɛŋ mɩɩsɩ-la sɩ bɩ dɛrɛ, ama nɩɩ-la kala sɩ bɩ mɩ-na Wɩa Bie wɩalɩŋ ka to, ʋ bɩ jaŋ kɔ dɩ ʋ kɛŋ mɩɩsɩ-la sɩ bɩ dɛrɛ, ama Wɩa jaŋ na baanɩŋ ʋ tɩɩna nyuŋ a kaa mʋ wuu.

Jɔɔŋ 4:14

Ama nɩɩ-la kala sɩ jaŋ nyʋa lɩɩ-la mɩ sɩ jaŋ pʋ, lɩɩnyʋasʋŋ bɩra bɩ jaŋ kɛnʋ da. Lɩɩ-la mɩ sɩ jaŋ pʋ jaŋ bɩrɩmɛ lɩɩ-bulo ʋ tʋɔŋ lɛ a bubul, a pʋ mɩɩsɩŋ sɩ bɩ dɛrɛ.”

Jɔɔŋ 5:24

Wʋtɩtɩɩ nɛ mɩ bʋla pɩpɩma, nɩɩ-la kala sɩ jegile nɩɩ mɩ niiŋ wɩaa a laa nɩɩ-la ma sɩ tɩmmɛ wɩaa dii, ʋ jaŋ kɛŋ mɩɩsɩ-la sɩ bɩ dɛrɛ. Sarɩya bɩ jaŋ dii tɩɩna, ʋ lɩɩ sʋʋŋ bʋa lɛ nɛ a kɛŋ mɩɩsɩŋ.

Rom Tɩŋŋaa 1:13

Mɩ naambiiriŋ, mɩ cho dɩ ma jɩŋ arɩ mɩ walɩma walɩma dɩ mɩ kʋ nama nɛ, ama wɩɩ nɛ yie tɩɩ mɩ bɩ kɔ. Mɩ cho dɩ mɩ ŋaa dɩ nɩaa lɩɩ ma tʋɔŋ nɛ a kʋ to Wɩa, arɩ mɩ sɩ ŋaa ŋɩɩ nɩalɩŋ dɔnsʋŋ sɩ bɩ Juu tɩŋŋaa ŋaa lɛ.

Rom Tɩŋŋaa 2:7

Nɩalɩŋ sɩ kɛŋ kenyiri a ŋɩŋaa wʋzɔŋŋɔɔ, a ŋaa ŋɩɩ a chɩchɛ dɩ ba laa yɩrɩŋ Wɩa sɩpaaŋ, a chɩchɛ mɩɩsɩ-la sɩ bɩ dɛrɛ, Wɩa jaŋ joŋo pɩba.

Rom Tɩŋŋaa 6:22

Ama lɛɛlɛ Wɩa laama ta nɛ wʋbɔŋŋɔɔ nɩsɩŋ lɛ. Ma ŋaa Wɩa yosuŋ nɛ. Ma nyʋʋrʋŋ nɛ, ma bɩra sɩ bɩ disiŋ kala kɛnɛ, ma saa jaŋ kɛŋ mɩɩsɩ-la sɩ bɩ dɛrɛ.

Rom Tɩŋŋaa 6:23

Wʋbɔŋŋɔɔ time nɛ sʋʋŋ. Ama Wɩa zile kʋ-la ʋ sɩ joŋo pɩla nɛ ŋaa mɩɩsɩ-la sɩ bɩ dɛrɛ, a tɩŋ La Tɩɩna Yesu Kirisito wɩaa.

1 Kɔrɩntɩ Nɩaa 9:17

Dɩ mɩ nɛ faa bʋl Wɩa wʋzɔmɔ-la mɩ tɩtɩa tʋɔtɔrʋŋ lɛ, ŋɩɩ nɛ mɩ fa jaŋ chɩchɛ dɩ mɩ laa time. Ama mɩ tɩtɩa tʋɔtɔrʋŋ lɛ dee mɩ tɩtɩŋ, Wɩa nɛ sɩ mɩ tɩŋ.

1 Kɔrɩntɩ Nɩaa 9:18

Ŋɩɩ wɩaa saa, bɛɛ kʋŋ time nɛ ba jaŋ joŋo timmi? Mɩ bɩ kʋŋkala ka chɛ. Mɩ tɩntɩmɩŋ nɛ dɩ mɩ bʋl Wɩa wʋzɔmɔ-la a pɩma, a sɩ́ kʋŋkala laa nʋʋkala teeŋ. Mɩ bɩ jaŋ laa kʋ-la sɩ maga dɩ mɩ na a tɩŋ mɩ sɩɩ bʋl Wɩa wʋzɔmɔ-la wɩaa.

1 Tɛsalonaaka Nɩaa 2:19

La yɩɛlaa hɛ ma lɛ nɛ. La tʋɔŋ tɔrɛ ma nyuŋ. Dɩ La Tɩɩna Yesu nɛ mɩɩra kɔ, a tɩŋ ma wɩaa la jaŋ bigisi la tɩtɩa lɛ.

1 Timoti 4:16

Kɛŋ ŋ tɩtɩa a mʋ tɩgɛ ŋ mɛlɛ arɩ wɩalɩŋ ŋ sɩɩ dagɛ lɛ. Chɩŋ wɩalɩŋ lɛ woruŋ, bɛɛ wɩaa dɩ ŋ nɛ ŋaa ŋɩɩ, ŋ jaŋ laa ŋ tɩtɩa arɩ nɩalɩŋ sɩ jegilee nɩɩ ŋ teeŋ ta.