Jɔɔŋ 4:34 - WƖA TENIŊ

³⁴ Yesu bʋla pɩba, “Mɩ kʋdiilee nɛ dɩ mɩ to nɩɩ-la sɩ tɩmmɛ niiŋ, a tɩŋ tɩntɩmɩɩ-la ʋ sɩ pɩmɛ dɛrɛ.

Jɔɔŋ 4:34 ပူးပေါင်းရင်းမြစ်များ

JOB 23:12

Mɩ bɩ ʋ niiŋ wʋdagaa vɩa. Mɩ cho ʋ niiŋ wɩalɩŋ a kɩɩ mɩ kʋdiilee.

WƖA YƖƖLAA 40:8

Mɩ Wɩa, mɩ cho dɩ mɩ ŋaa wɩalɩŋ sɩɩ tɔrɛ ŋ tʋɔŋ nɛ. Wombii-la ŋ sɩ bile dɩ la tuto hɛ mɩ tʋɔŋ lɛ nɛ.”

Matiu 26:39

Ba hɔŋ, ka ʋ sʋrɩsa mʋ sɩpaaŋ mʋa a tuu pɩna chigi tinteeŋ a sʋl Wɩa a bʋl, “Mɩ Nyɩmma, dɩ wombiiŋ nɛ hɛ nɩmɛ, lɩɩsɛ hɛɛ-la sɩɩ kɔ mɩ lɛ. Ama mɩ-na tʋɔtɔrʋŋ lɛ dee, ŋ-na tʋɔtɔrʋŋ lɛ nɛ.”

Matiu 3:15

Ŋɩɩ nɛ Yesu bʋl, “Ŋaa ŋɩɩ mɩ sɩ bʋla pɩŋ. Ŋ-la nɛ la jaŋ wuo to a ŋaa wɩɩ-la kala Wɩa sɩ cho.” Ŋɩɩ nɛ Jɔɔŋ sɛɩ a fou Wɩɩchʋɔlɛ lɩɩŋ.

Matiu 9:19

Ŋɩɩ nɛ Yesu to ʋ harɩŋ, ʋ dɩ ʋ harɩ-tooroo kala.

Luuk 15:10

Ŋɩɩ nɛ Yesu bʋl, “Mɩ jaŋ bʋla pɩma arɩ ŋɩɩ tɩtɩa nɛ, dɩ wʋbɔŋ ŋaaraa kʋbala nɛ bɩrɩma lɩɩ ʋ wʋbɔŋŋɔɔ lɛ, Wɩa tɩndaaraa yie jʋjʋɔsɛ nɛ.”

Luuk 19:10

bɛɛ wɩaa mɩ-na Nuhuobiine Bie kɔ dɩ mɩ chɛ a laa nɩalɩŋ sɩ lɛlɛ nɛ a ta.”

Luuk 2:49

Ŋɩɩ nɛ ʋ pɩɛsɛba, “Bɛɛ nɛ tɩɩ ma gɔllɔɔ chɛmɛ? Ma bɩ jɩŋ arɩ mɩ jaŋ hɛ mɩ Nyɩmma dɩa lɛɛ?”

Jɔɔŋ 17:4

Mɩ leŋe ŋ laa yɩrɩŋ nɛ tinteeŋ deeŋ lɛ. Mɩ tɩŋ tɩntɩmɩɩ-la dɛrɛ nɛ, tɩntɩmɩɩ-la ŋ sɩ joŋo pɩmɛ dɩ mɩ tɩŋ.

Jɔɔŋ 19:28

Yesu jɩma arɩ lɛɛlɛ wɩɩwɩɩ kala dɛrɛ nɛ, ka dɩ ʋ wuo leŋ dɩ wɩalɩŋ ba sɩ ŋmʋnsa Wɩa teniŋ tʋɔŋ, dɩ ba kʋ ŋaa wʋtɩtɩɩ. Ŋɩɩ nɛ ʋ bʋl, “Lɩɩ-nyʋasʋŋ nɛ kɛmmɛ.”

Jɔɔŋ 19:30

Ŋɩɩ nɛ Yesu nyʋa sɩŋ-la aŋ bʋl, “Wɩɩkala dɛrɛ nɛ,” aŋ kɛŋ ʋ nyuŋ chugili a sʋʋ.

Jɔɔŋ 4:32

Yesu bʋla pɩba, “Mɩ kɛŋ kʋdiilee nɛ dɩ mɩ dii, ama ma bɩ kɩalɩŋ wɩaa jɩŋ.”

Jɔɔŋ 5:30

Ŋɩɩ nɛ Yesu bɩra bʋl, “Mɩ-na bɩ wɩɩkala wuo ŋaa mɩ tɩtɩa doluŋ lɛ. Mɩ yie dii sarɩya arɩ Wɩa sɩ sɩ mɩ dii ŋɩɩ nɛ. Ŋɩɩ wɩaa mɩ sɩ yie dii sarɩya-la ŋɩɩ, ʋ ŋaa wʋtɩtɩɩ nɛ, bɛɛ wɩaa mɩ bɩ chɛ dɩ mɩ ŋaa wɩɩ-la mɩ sɩɩ chɛ, ama wɩɩ-la nɩɩ-la sɩ tɩmmɛ sɩɩ chɛ.

Jɔɔŋ 5:36

Ama wɩɩŋ dɔŋɔ hɛ nɩmɛ a laa mɩ nyuŋ a bʋbʋl wɩaa, ʋ nɛ kɩɩ Jɔɔŋ. Tɩntɩmɩɩ-la mɩ sɩɩ tɩŋ nɛ ŋɩɩ, tɩntɩmɩɩ-la mɩ Nyɩmma sɩ joŋo pɩmɛ dɩ mɩ tɩŋ. Ŋɩɩ daga arɩ mɩ Nyɩmma nɛ tɩmmɛ.

Jɔɔŋ 6:33

Boroboro-la Wɩa sɩ ta, ʋ lɩɩ Wɩa-jaŋ nɛ a kʋ tuu. Ʋ nɛ pɩ dʋnɩa nɩaa mɩɩsɩŋ.”

Jɔɔŋ 6:38

bɛɛ wɩaa mɩ lɩɩ Wɩa-jaŋ kʋ tuu dɩ mɩ ŋaa wɩalɩŋ nɩɩ-la sɩ tɩmmɛ sɩɩ chɛ nɛ, mɩ tɩtɩa tʋɔtɔrɛ wɩaa dee.

Jɔɔŋ 8:29

Nɩɩ-la ma sɩ tɩmmɛ hɛ mɩ teeŋ nɛ, ʋ bɩ mɩ dʋndʋŋa leŋe, bɛɛ wɩaa mɩ yie ŋaa wɩalɩŋ sɩɩ tɔrɛ ʋ tʋɔŋ nɛ.”

Tɩntɩŋŋaa 20:35

Mɩ ŋaa ŋɩɩ dɩ mɩ wuo dagɛma dɩ ma faasa tɩŋ tɩntɩŋŋaa nɛ, la maga dɩ la pɛ puwuoloo lɛ a liliisi arɩ La Tɩɩna Yesu fa sɩ bʋl ŋɩɩ. Ʋ sɩ, ‘Ŋ sɩ joŋ kʋa pɩ nɩa, ʋ nɛ kɛŋ tʋɔtɔrʋŋ a kɩɩ ŋ sɩ laa kʋa nɩa teeŋ.’ ”

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.