30 Ŋɩɩ nɛ ba lɩɩ mʋ Yesu teeŋ.
Kʋbɛɛba ma nɛ file a kʋkɔ ŋ-la a nagɛ duoŋ-bɩlɩmbaanaa koo a nagɛ kokosuŋ sɩ file mʋmʋ ba dɛllɩŋ leriŋ?
Ŋɩɩ nɛ Yesu bʋl, “Sɩpaalaaraa jaŋ bɩrɩmɛ harɩ-tooroo, dɩ harɩ-tooroo ma bɩrɩmɛ sɩpaalaaraa.”
“Má kʋ na baal kʋbala sɩ wuo dagɛ wɩalɩŋ kala mɩ sɩ ŋaa. Nɩa deeŋ nɛ saa ŋaa Kirisito, Nɩɩ-la Wɩa sɩ lɩɩsa, koo?”
Bʋa-la lɛ dɩ Yesu harɩ-tooroo ka sʋlʋ, “La kʋhɩaŋ, laa kɩaa dii.”
Ŋɩɩ nɛ nɩaa yʋgɛ Samarɩa taŋ-la lɛ a laa Yesu wɩaa dii a tɩŋ wɩɩ-la haal-la sɩ bʋla. Ʋ fa sɩ, “Ʋ bʋl wɩalɩŋ kala mɩ sɩ ŋaa nɛ a pɩmɛ.”
Kɔnɩɩlɩas bɩra bʋl, “Ŋɩɩ nɛ tɩɩ mɩ guu tɩŋ nɩaa, ba kɔ ŋ teeŋ dɩ ba yɩrɩŋ. Ŋ ma hɛ doluŋ ŋ sɩ kɔ ŋ-la. Lɛɛlɛ la kala hilime nɛ Wɩa sɩpaaŋ, a gbɩgbɛrɛ dɩ la nɩɩ wɩɩ-la La Tɩɩna sɩ dagɩŋ dɩ ŋ bʋla pɩla.”
Pɔɔl arɩ Banabas sɩ bʋl wɩaa deemba kala dɛrɛ, ba sii lɩɩ Wɩɩchʋɔlɛ dɩa lɛ. Ba sɩɩ mʋ, nɩalɩŋ sʋlba dɩ ba mɩɩra kɔ harɩŋ chɛ-wiesii-la chɛɛŋ, a bɩra bʋl wɩaa deemba pɩba.
Ŋɩɩ nɛ Pɔɔl bɩra bʋla pɩba, “Ʋ maga dɩ ma jɩŋ arɩ ba bʋl Wɩa wʋzɔmɔ-la sɩ laa nɩaa tɩta a pɩpɩ nɩalɩŋ sɩ bɩ Juu tɩŋŋaa ŋaa nɛ. Ba jaŋ jegile nɩɩ.”
Wɩalɩŋ Mosis fa sɩ bile dɩ nɩaa tuto nɛ kʋ wasa leŋ wʋbɔŋŋɔɔ pʋrɩgɛ dʋnɩa lɛ. Ama wʋbɔmɔ-la sɩ kʋ wasa pʋrɩgɛ, ŋɩɩ nɛ Wɩa lahɔrɩmɔ ma faasa yʋgɛ woruŋ la lɛ.
