Jɔɔŋ 4:24 - WƖA TENIŊ

²⁴ Wɩa ŋaa dɩma nɛ, nɩalɩŋ sɩɩ chɛ dɩ ba chʋɔlʋ, ʋ maga dɩ ba chʋɔlʋ arɩ wʋtɩtɩɩ, ʋ Dɩŋ-zɔmʋŋ doluŋ lɛ.”

Jɔɔŋ 4:24 ပူးပေါင်းရင်းမြစ်များ

WƖA YƖƖLAA 145:18

La Tɩɩna kpagɛ nɩalɩŋ kala sɩɩ yɩrʋ nɛ, nɩalɩŋ kala sɩɩ yɩrʋ arɩ wʋtɩtɩɩ.

WƖA YƖƖLAA 50:23

Dɩ ŋ nɩɩ lɔllɛ mɩ-na Wɩa, Wɩɩsʋlɩɩ-la sɩɩ tɔrɛ mɩ tʋɔŋ nɛ ŋɩɩ. Nɩɩ-la wʋŋaalaa sɩ tʋʋla, mɩ-na ma Wɩa jaŋ leŋ dɩ ʋ jɩŋ arɩ mɩ kɛŋ doluŋ dɩ mɩ laaʋ ta.”

WƖA YƖƖLAA 51:17

Wɩɩsʋlɩɩ-la ŋ sɩɩ chɛ nɛ, dɩ la leŋ la tʋɔŋ faasa chei la wʋbɔŋŋɔɔ lɛ, dɩ la kɛŋ la tɩtɩa muuri. Wɩɩsʋlʋŋ deeŋ doho nɛ ŋ-na Wɩa chɩchɛ.

WƖA YƖƖLAA 66:18

Dɩ mɩ nɛ fa kɛŋ tʋɔbɩɩŋ bɔŋŋɔɔ, ʋ bɩ jaŋ laa mɩ sʋla.

AZAAYA 57:15

Mɩ nɛ kɩɩ kʋŋkala a ŋaa Wɩa sɩ bɩ disiniŋ kɛnɛ. Mɩ hɛ nɩmɛ nɛ a kaa mʋ wuu. Mɩ hɛ wɩa-nyuŋ dɩ-bolii sɩ bɩ disiniŋ kɛnɛ nɛ. Ama mɩ ha yie guoli nɩalɩŋ sɩ kɛŋ ba tɩtɩa muuri a bɩrɩma lɩɩ ba wʋbɔŋŋɔɔ lɛ tʋɔŋ nɛ, a leŋ ba kɛŋ yɩɛlaa.

Jɔɔŋ 4:23

Ama bʋa kʋbala jaŋ yi, ʋ paala yi nɛ, nɩalɩŋ sɩ jaŋ sɛnɛ chʋɔlɛ Wɩa, ba jaŋ chʋɔlɛ la Nyɩmma Wɩa arɩ wʋtɩtɩɩ, Wɩa Dɩŋ-zɔmʋŋ doluŋ lɛ. Nɩdosunu-la nɛ Wɩa chɩchɛ.

2 Kɔrɩntɩ Nɩaa 1:12

Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba.

2 Kɔrɩntɩ Nɩaa 3:17

La Tɩɩna Kirisito arɩ Wɩa Dɩŋ-zɔmʋŋ kala ŋaa kʋbala nɛ. Lee-la kala saa La Tɩɩna Kirisito Dɩŋ-zɔmʋŋ sɩ hɛ, ʋ yie laa nɩalɩŋ ta nɛ.

Fɩlɩpa Nɩaa 3:3

La nɛ paala chaasa ŋaa nɩalɩŋ sɩ sɛnɛ keri ba penee, bɛɛ wɩaa la-na to Wɩa Dɩŋ-zɔmʋŋ niiŋ lɛ nɛ aa chʋɔlɛ Wɩa. Ŋɩɩ wɩaa, laa jʋɔsɛ Kirisito Yesu teeŋ nɛ. La-na bɩ la yɩɛlaa joŋo hɛ yaraa wʋŋaalaa lɛ.

1 Timoti 1:17

Má leŋ dɩ la dɛnnɛ la Nyɩmma Wɩa aŋ pɛ zilu a kaa mʋ wuu. Ʋ nɛ kuoro a kaa mʋ deeŋ deeŋ. Ʋ-na bɩ sʋʋ, nɩaa ma bɩ ʋ ka na. Ʋ dʋndʋŋa nɛ ŋaa Wɩa. Amɩɩ.

1 SAMƲƐL 16:7

La TƖƖNA bʋla pɩ Samʋɛl, “Sɩ́ ŋɩɩ ʋ sɩ zɔmɔ koo ʋ sɩ waayi lɛ beŋ, ʋ dee mɩ lɩɩsɛ. Mɩ-na ma TƖƖNA bɩ kɩalɩŋ nuhuobiine sɩɩ beŋ nɩɩ beŋ. Nuhuobiine yie beŋ yaraa zɔmʋŋ lɛ nɛ, ka mɩ-na ma TƖƖNA ma bibeŋ tʋɔŋ lɛ.”